Ezekela 15
15
A-kyû A Bo É Tsibyiq Nuî Su Dùt É Yerusalem Wà Mó
1Haû Yhûmsîng Garaî é mungdang ngá chyáng jé é gi, 2“Byù zo ê, tsibyiq nuî htang gi, yòso mó mâ é sikkoq pé eq hkâsu shai lhê lhú? 3A-kyû bo é zè saí râ matú, haú mai sik jàp wó yû râ lhú? Zè lhang râ matú, haû mai gòknghe wó saî yù râ lhú? 4Haû gi, myi má nyhé râ htang chyat nghut mù, myi gi, htangwang, htanghpyo eq htang agùng lé nyé gyó pyâm ri; haú jáng, haû gi, a-kyû bo ri lhú? 5Haû gi, htang yang dùt tô u lháng a-kyû a bo é nghut jáng, myi nyé mù, nyé hkyop pyám jáng gi, je riyhang a-kyû a bò lô é, a nghut lhí?
6Haû mù, Ahko Ahkáng lhúnglháng wó Sû Yhûmsîng Garai shî su ga taî ri; Ngò gi, myi nyhé htang kut râ matú, yòso mó mâ é sikgâm gyoro pé mâ é tsibyiq nuî htang lé àp byî pyâm é su, Yerusalem wà mó má nyi é byu pé lé àp pyám râ nghut lhê. 7Ngò gi, yhángmòq lé htuqhtíng râ nghut lhê. Yhángmòq gi, myi hkaû mai wó htoq lô kôlhang, myi gi, yhángmòq lé nyé jôm pyám râ nghut lhê. Yhángmòq lé Ngò htuqhtîng é hkûn, Ngò gi, haû Yhûmsîng Garai nghut é lé, núngmòq sé kôrâ nghut lhê. 8Ngò gi, yhángmòq a jujúm kô é yánmai, mîngdán haú lé chamchyuîyuì kut pyám râ nghut lhê; haû gi, Ahko Ahkáng lhúnglháng wó Sû Yhûmsîng Garai taî ri.” gâ ri.
Obecnie wybrane:
Ezekela 15: znot
Podkreślenie
Kopiuj
Porównaj
Udostępnij
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
© 2025, Wycliffe Bible Translators, Inc.
