Idi Ufa 124
124
Anutufa narí faiqí anaasee itita nimaqee marifa maridanoo.
1Yaaweefa maasa sia dadaaqinaqau naqaa fee unaiqini.
Oo Isaraee maqannaasa minara qima qimifaqa iria.
2-3Yaaweefa maasa sia dadaaqinaqau namuqaa nári aanoo qiranannai maasa qumarasee kaqi kasi marunaqa nambiqaa qini.
4Miqinanoofau nammari aufirafa maasa maree fiqini.
Kaifaa nammari maasa rafaaqafu qisaiqini.
5Nammari aufinoo firaaqoo aiai qimarifa maasa ukuqnama qimaqaiqini.
6Yaaweefa maasa namuqaara qifaqa sia maasa mandaikamma qimaqaanara maasa mina dufi dufi qimamaqaa.
7Maasa ufiniara foora faiqí ufini ufanaki arurudukaki fiara foommiqa.
Mi fasiqana ufaana raudafifaqa maasa qifaaqa quqasee mana mana idaqa.
8Maasa dadaaqirafa Yaawee finnaindari anidanoo.
Maqa faqa innaaruna faqa auqu finnaindari anidanoo.
Obecnie wybrane:
Idi Ufa 124: bjr
Podkreślenie
Kopiuj
Porównaj
Udostępnij
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
© 2017 Wycliffe Bible Translators, Inc. All rights reserved.