प्रेरित 6
6
गेय पाइब आन कली योव़शो
1मेना थमा सुइक्बपुकी शुश बारना बारन लमा बाक्त। ग्रीक लोव़ नु हिब्रू लोव़ पाइबपुकीमी गन गन पाम्तेक्म। मारदे हना नाक्त किंत किंत योक्तीक जचा थोव़क मेको आन वोंइश बेक्शो मीश मुरपुकीमी ठीक पा मताइबाक्तेक्म। #६:१ ग्रीक लोव़ नु हिब्रू लोव़ पाइबपुकी यहूदी बाक्तेक्म। 2मेको लोव़ नेंशा सोइश्शोपुकीमी थमा सुइक्ब नेल्ल आन कली ब्रेश्शा “आंइ लोक्बपुकी, गो परमप्रभु यावे आ लोव़ शेंचा प्रोंइशा, जचा फेक्चा योक्शा गाक्चा आंइ गेय ममाइ। 3मोपतीके मेको योक्चा कली मुरपुकी वोइक्चा माल्नय। दोदेंशो मुर माल्नय देंशा हना, मुरपुकीमी हिक्शो, परमप्रभु यावे आ सोक्तीमी ब्रीशो नु जोक्ब तुइक्ब ७ जना गेय पाइब मुर योव़चा माल्नय। #१ तिमोथी ३:८-१० 4गो चहिं परमप्रभु कली प्रार्थना पना पन शेंथ गाक्चा माल्नय” देंमा बाक्त। 5सोइश्शो आन लोव़ नेंशा नेल्ल आन थुं नुशा, ७ जना मुर आन कली योव़चा बिस्समा बाक्त। मिनु सु सु आन कली योव़ङमे बाक्त देंशा हना, रिम्शो थमा सुइक्ब परमप्रभु यावे आ सोक्तीम ब्रीशो स्तीफानस, फिलीप, प्रोकोरस, निकानोर, तीमोन, परमीनास नु एन्टीओक ङा निकोलाउस आन कली योव़ङमे बाक्त। निकोलाउस चहिं अर्को रागी ङा मुर बाक्शा यो यहूदी दुम्शो बाक्माक्त। #प्रेरित ८:५ 6मिनु योव़शो आन कली सोइश्शो आन ङोंइती राप्पदमे बाक्त। मिनु सोइश्शोपुकीमी योव़शो आन तारी आन गुइ वोइश्शा, मेको आन पर्बम परमप्रभु कली पुन्मे बाक्त। #प्रेरित १:२४; प्रेरित १३:३; प्रेरित १४:२३ 7मिनु परमप्रभु यावे आ लोव़ तेइ तेइ बारना बारन लमाक्त। यरूसलेममी शुश मुर येसु ख्रीस्त कली थमा सुइक्ब दुम्शा, तेम्सीन सीन बारना बारन लमा बाक्त। चढ़ेब शुश यो थमा सुइक्ब दुम्मा बाक्त। #प्रेरित २:४७; प्रेरित १९:२०
स्तीफासमी लोव़ पशो
8मिनु स्तीफानस चहिं परमप्रभुमी शुश शिशी नु सक्ति गेचा पुंइसीशो बाक्माक्त। मोपतीके मुर आन कली शुश चिन्ड नु छक लाक्चा ङा गेय नु चिनु कोंइशा बाक्बाक्माक्त। 9मिनु लिबेरती माइश्शो ग्रुम्तीक खिं नु साइरेनी, अलेकजेन्द्रीया, सिलीसीया नु एसीया रे जाक्शो शेंबपुकीमी स्तीफानस नु जिशो बाक्तेक्म। 10तन्न स्तीफानस परमप्रभु यावे आ सोक्तीम ब्रीशा जोक्शो तुइश्शो ब्वाक्मेनु, सुइमी ग्राने मचाप्मे बाक्त। #लूका २१:१५ 11मोपा ग्राने मचाप्तीके सुइ आन मतुइक्थु, मुर आन कली पोक्शा “मेकोमी इं किकी पिपी मोसा नु परमप्रभु यावे आ पर्बम हेंथे नु ग्रांग्रा दिशो लोव़ पशो नेंतक” दे जोल पा लोव़ ब्रपदमे बाक्त। #मत्ती २६:६०-६६ 12मोदेंशो जोल लोव़ पाइब मुर, यहूदी आन जोक्ब तुइक्ब खाल्पा नु सास्त्री आन कली पोक्गमे बाक्त। मेको लोव़ पा ब्रुइबपुकीमी स्तीफसनस कली ग्याइश्शा, कछरीम राप्पदमे बाक्त। 13मिनु जोल पा सांकछी वोइश्शा, मेको आन कली “एको मुरुमी परमप्रभु यावे आ खिं नु परमप्रभु यावे आ अरेशो लोव़ आ पर्बम शुक्शी पा हेंथे लोव़ पाइब। #येरमीया २६:९,११ 14मेको नासरथ ङा येसुमी परमप्रभु यावे आ खिं प्रेप्ब। मोसामी गेशो पतीके लोव़ प्रोंइशा, नक पतीक वोइक्ब, देंशो आंइ नोफामी नेंतक” दे ब्वाक्पदमे बाक्त। #यूहन्ना २:१९ 15कछडीम बाक्बपुकीमी स्तीफानस गे कोव़ङमेनु, आ कुल परमप्रभु यावे आ स्वर्ग ङा गेय पाइब आन कुल खोदेंशो पा महिंथु बाक्शो तामे बाक्त। मिनु कोव़स ङा कोव़स दुम्मा बाक्त।
Obecnie wybrane:
प्रेरित 6: SUSZ
Podkreślenie
Kopiuj
Porównaj
Udostępnij
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
© 1992, 2011 Wycliffe Bible Translators Inc.
