Pr 4
4
A vach'ilal sco cha yuj jelanil
1Ex vuninal, chaec eyab' in lolonel svala'. Maclejec eyab'i yic vach' ol jelanb'oc e pensar yuuj.
2A c'ayb'ub'al te vach' svac' d'ayex, yuj chi' tzeyailejn虉ej d'a masanil tiempo.
3Ayic quelem unin in, ayinto ec' d'a yol spat in mam, yelxo val xajanab'il in yuj ix in nun.
4A d'a jun tiempoal chi', icha tic ajnac yac'an in c'ayb'ub'al vin虉 in mam. Yalannac vin虉 icha tic: Sic'can in lolonel tic d'a a pensar, c'anab'ajej tas sval tic, yic vach' ay a q'uinal.
5Cha a jelanil yed' a vach' pensaril, man虉 ac'b'at in lolonel tic satc'olal.
6Xajanej a jelanil, man虉 a patiquejeli, yujto ol ach colchaj yuuj.
7Yovalil tza sayec' jelanil d'a junjun c'u. Vach'chom ajaltac tz'aj yilchaj uuj, palta te vach' ama tato a tza b'ab'laj sayejec' d'a yichan虉 juntzan虉xo tas ay d'ayach.
8Nib'ejoch jelanil, yic vach' ol ach ic'jocchaan虉 yuuj, yic vach' nivan ol aj elc'och d'a yol sat eb' etanimail.
9A yuj jelanil chi', vach' ol ach elc'ochoc, ol och q'uelan eb' anima yuj a jelanil chi', xchican vin虉 in mam chi' d'ayin.
10Axo ticnaic ach vuninal, cha val ab' juntzan虉 in lolonel tic, yic vach' ol najatb'oc a q'uinal.
11A in ol ach vic' b'ey d'a sb'eyb'al eb' jelan, ol vac'an a b'eyb'alej tojolal.
12A d'a tojol b'eyb'al chi', malaj tas ol ach yamanoch vaan, vach'chom yelc'olal ol ach b'atoc, palta man虉 ol ach telvoclaj.
13Ac'och a pensar d'a c'ayb'ub'al tic, man虉 a patiquejeli. Yelxo val tza b'eyb'alej yic vach' ay a q'uinal.
14Man虉 ach b'at tzac'an d'a spatic eb' chuc sb'eyb'al, man虉 a c'ulej icha tas sc'ulej eb'.
15B'esel a b'a d'a scal eb', ac' ip a b'eyb'alan vach'il.
16Max ochlaj svayan虉 eb' tato max sc'ulej chucal eb', max yic'laj yip eb', tato malaj junoc mach syixtej eb'.
17A chucal yed' ixtoj anima, a juntzan虉 chi' svael eb' yaji.
18A sb'eyb'al eb' tojol spensar, lajan icha ayic vanto sacb'i masanto sq'ue c'u, scheclaj spatic yichan虉 eb' yuuj.
19Axo sb'eyb'al eb' chuc spensar jun, lajan icha yic tzon虉 b'eyec' d'a scal q'uic'alq'uinal, man虉 chequeloc b'aj sco tenoch coc.
20Ach vuninal, cha ab' in lolonel tic, maclej val ab' sic'lab'il.
21Mocab' iq'uel a sat d'ay, sic'can d'a a pensar,
22yujto a juntzan虉 lolonel tic tz'ac'an sq'uinal eb' tz'ilchaj yuuj.
23Tza ya'ilej a pensar d'a yichan虉 masanil tastac ay d'a yolyib'an虉q'uinal tic, yujto a a pensar chi' tzach cuchb'an d'a vach'il, ma d'a chucal.
24Man虉 esalvumoc tzutej a b'a, man虉 a comon alej pax chucal lolonel.
25Te tojoln虉ej tzach b'at d'a ichan虉 d'a sb'eal vach'il, man虉 ach b'at q'uelan d'a tas malaj svach'il.
26Tza ya'ilej val tas tza c'ulej icha val co sic'lan co b'e b'aj tzon虉 b'eyi, aocab' val sb'eal vach'il b'aj tzach ochi.
27Man虉 ach elcan d'a jun b'e te tojol, man虉 ach b'atcan d'a sb'eal chucal.
Obecnie wybrane:
Pr 4: CSM
Podkre艣lenie
Kopiuj
Por贸wnaj
Udost臋pnij
Chcesz, aby twoje zakre艣lenia by艂y zapisywane na wszystkich twoich urz膮dzeniach? Zarejestruj si臋 lub zaloguj
Biblia en Chuj de San Mateo Ixtat谩n 漏 Sociedad B铆blica de Guatemala 2007