Titus 2
2
1သင်သည် မှန်ကန်သောဩဝါဒနှင့် ကိုက်ညီသည့်အရာများကို သွန်သင်ရမည်။ 2အသက်ကြီးသောအမျိုးသားတို့အား ဆင်ခြင်တုံတရားရှိစေရန်၊ တည်ငြိမ်လေးနက်မှုရှိစေရန်၊ မိမိကိုယ်ကိုယ်ချုပ်တည်းရန်၊ စစ်မှန်သောယုံကြည်မှု၊ ချစ်ခြင်းမေတ္တာနှင့် သည်းခံမှုတို့နှင့်ရှိကြစေရန် သွန်သင်ဟောပြောလော့။ 3ထိုနည်းတူ အသက်ကြီးသောအမျိုးသမီးတို့အား ဘုရားတရားကြည်ညိုလျက်ပြုမူနေထိုင်ရန်၊ ကုန်းချောစကားမပြောရန်၊ သေရည်အရက်ဝိုင်သောက်ကြူးသူ မဖြစ်ဘဲ ကောင်းသောအရာများကို သင်ပေးတတ်သူ ဖြစ်ရန် သွန်သင်ဟောပြောလော့။ 4သို့ဖြစ်လျှင် သူတို့သည် အသက်ငယ်သောအမျိုးသမီးတို့အား မိမိတို့၏ ခင်ပွန်းနှင့် သားသမီးများအပေါ် မေတ္တာထားရန်၊ 5မိမိကိုယ်ကိုယ်ချုပ်တည်းရန်၊ စင်ကြယ်ရန်၊ အိမ်မှုကိစ္စဆောင်ရွက်ရန်၊ ကြင်နာတတ်ရန်၊ ခင်ပွန်းသည်ကို နာခံသူများ ဖြစ်ရန် လေ့ကျင့်သင်ကြားပေးနိုင်လိမ့်မည်။ သို့မှသာ မည်သူမျှ ဘုရားရှင်၏နှုတ်ကပတ်တော်ကို ပုတ်ခတ်ပြောဆိုမည်မဟုတ်။ 6ထိုနည်းတူ အသက်ငယ်သောအမျိုးသားတို့အား မိမိကိုယ်ကိုယ် ချုပ်တည်းနိုင်ရန် တိုက်တွန်းကြလော့။ 7အရာရာ၌ ကောင်းမှုကို ပြု၍ သင်ကိုယ်တိုင်စံနမူနာဖြစ်စေလော့။ သွန်သင်ရာတွင် ရိုးသားပွင့်လင်းခြင်း၊ တည်ကြည်လေးနက်ခြင်း၊ 8အပြစ်ဆိုဖွယ်မရှိသည့် မှန်ကန်သောစကားကို ပြောဆိုလော့။ သို့မှသာ သင့်ကို ဆန့်ကျင်သောသူတို့သည် မကောင်းပြောရန် အကြောင်းတစ်စုံတစ်ရာမျှမရှိသဖြင့် အရှက်ကွဲကြလိမ့်မည်။ 9ကျွန်တို့အား မိမိသခင်တို့ကို အရာရာ၌ နာခံလျက် နှစ်သက်ဖွယ်ဖြစ်အောင် ဆောင်ရွက်ရန် သွန်သင်လော့။ ခွန်းတုံ့မခံပြောခြင်း၊ 10ခိုးဝှက်ခြင်းတို့ မပြုဘဲ သစ္စာစောင့်သိကြောင်းကို ပြသရန် တိုက်တွန်းလော့။ ဤသို့ဖြင့် ကျွန်ုပ်တို့၏ ကယ်တင်ရှင်ဖြစ်သော ဘုရားရှင်အကြောင်း သွန်သင်ချက်များသည် ပို၍ စိတ်ဝင်စားဖွယ် ဖြစ်လာလိမ့်မည်။ 11အကြောင်းမူကား လူအပေါင်းတို့ကို ကယ်တင်တော်မူရန် ဘုရားရှင်၏ ကျေးဇူးတော်ကို ထင်ရှားစေသောကြောင့်ဖြစ်၏။ 12ကျွန်ုပ်တို့အား ဘုရားတရားမသိခြင်းနှင့် လောကီတပ်မက်ခြင်းကို ငြင်းပယ်၍ မိမိကိုယ်ကိုယ်ချုပ်တည်းခြင်း၊ ဖြောင့်မတ်ခြင်းနှင့် ဘုရားတရားကိုင်းရှိုင်းခြင်းတို့ဖြင့် နေထိုင်ရန်လည်းကောင်း၊ 13ကျွန်ုပ်တို့၏ ကြီးမြတ်သည့်ဘုရားရှင်ဖြစ်တော်မူသော ကယ်တင်ရှင် ယေရှုခရစ်တော် ဘုန်းတန်ခိုးတော်ပေါ်ထွန်းခြင်းတည်းဟူသော ကောင်းချီးမင်္ဂလာရှိသော မျှော်လင့်ခြင်းကို စောင့်မျှော်ရန်လည်းကောင်း ဟောပြောသွန်သင်၏။ 14ခရစ်တော်ယေရှုသည် ကျွန်ုပ်တို့အား အပြစ်ဒုစရိုက်အမျိုးမျိုးမှ ရွေးနုတ်ရန်နှင့် ကောင်းသောအမှု၌ စိတ်အားထက်သန်သည့် မိမိအပိုင်ဖြစ်တော်မူသော လူတို့အား မိမိအတွက်စင်ကြယ်စေရန် မိမိကိုယ်ကို စွန့်တော်မူ၏။ 15သင်သည် အထက်ပါအကြောင်းအရာများကို သွန်သင်လော့။ ရှိသမျှသော အခွင့်အာဏာတို့ဖြင့် တိုက်တွန်း၍ ဆုံးမလော့။ မည်သူမျှ သင့်ကို မထီမဲ့မြင် မပြုပါစေနှင့်။
Obecnie wybrane:
Titus 2: TPV-RV
Podkreślenie
Udostępnij
Porównaj
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.