Revelation 14
14
1ထို့နောက် ကျွန်ုပ်ကြည့်လိုက်ရာ ဇိအုန်တောင်ပေါ်တွင် ရပ်နေသော သိုးသငယ်တော်ကိုမြင်ရ၏။ သူ၏နာမတော်နှင့် ခမည်းတော်၏ နာမတော်ကို နဖူး၌ရေးထားခံရသူ တစ်သိန်းလေးသောင်းလေးထောင်တို့သည်လည်း သူနှင့်အတူရှိကြ၏။ 2ထို့နောက် ဟုန်းဟုန်းမြည်သော ရေစီးသံကဲ့သို့ လည်းကောင်း၊ ကျယ်လောင်သော မိုခြိမ်းသံ ကဲ့သို့လည်းကောင်း ရွှေမြို့တော်မှ အသံကိုကျွန်ုပ်ကြားရ၏။ 3ထိုတစ်သိန်းလေးသောင်းလေးထောင်သောသူတို့သည် ဘုရားရှင်၏ ရာဇပလ္လင်တော်၊ သတ္တဝါလေးပါနှင့် အကြီးအကဲတို့ရှေ့၌ သီချင်းသစ်ကို သီဆိုကြ၏။ ကမ္ဘာမြေကြီးပေါ်မှ ရွေးနုတ်ကယ်တင်ခံရသူ တစ်သိန်းလေးသောင်းလေးထောင်မှလွဲ၍ ထိုသီးချင်ကို မည်သူမျှ မသီဆိုနိုင်။ 4ဤလူတို့သည် ကာမဂုဏ်ခံစားမှုနှင့်လွတ်ကင်းသူ လူပျိုစင်များဖြစ်၍ သိုးသငယ်တော် သွားလေရာာအရပ်သို့ လိုက်ပါသူများဖြစ်ကြ၏။ ထိုသူတို့သည် ဘုရားရှင်နှင့် သိုးသငယ်တော်အတွက် အဦးဆုံးသော အသီးကဲ့သို့သော ပူဇော်ခံရရန် လူတို့ထဲမှ ရွေးချယ်ကယ်တင်ခံထားရသော လူများလည်းဖြစ်ကြ၏။ 5သူတို့သည် လိမ်လည်ပြောဆိုတတ်သူများမဟုတ်ဘဲ အပြစ်အနာအဆာ ကင်းစင်သူများဖြစ်ကြ၏။ 6ကမ္ဘာပေါ်ရှိဘာသာစကားအမျိုးမျိုးနှင့် လူမျိုးစုအားလုံးအား ထာဝရသတင်းကောင်းတစ်ခု ကြေညာရန် ကောင်းကင်ကိုဖြတ်၍ ပျံသန်းလာသော အခြားနတ်ဒေဝါတစ်ပါးအား ငါတွေ့ခဲ့၏။ 7ထိုနတ်ဒေဝါက “တရားစီရင်တော်မူမည့် အချိန်ရောက်လာပြီဖြစ်သောကြောင့် ဘုရားရှင်ကို ကြောက်ရွံ့၍ ဘုန်တော်ကို ချီးမွမ်းကြလော့။ ကောင်းကင်နှင့်မြေကြီးကိုလည်းကောင်း ဖန်ဆင်းတော်မူသည့်အရှင်ကို ကိုးကွယ်ကြလော့” ဟု ကျယ်လောင်စွာ ကြွေးကြော်လေ၏။ 8ထို့နောက် ဒုတိယနတ်ဒေဝါသည် လိုက်လာ၍ “ဘေဘီလုံမြို့ကြီး ပြိုပျက်ပြီ။ ပြိုပျက်ပြီ။ ထိုမြို့သည် လူမျိုးအပေါင်းတို့အား တရားနှင့်မညီသော မေထုန်ဟူသည့် သူ၏စပျစ်ဝိုင်ကိုတိုက်၏” ဟုဆို၏။ 9ထို့နောက် တတိယနတ်ဒေဝါသည် သူတို့နောက်သို့လိုက်၍ “တစ်စုံတစ်ယောက်သည် သားရဲနှင့် သားရဲ၏ရုပ်တုကို ကိုးကွယ်ပြီး နဖူး၊ သို့မဟုတ် လက်၌ သားရဲ၏ အမှတ်တံဆိပ်ကို ရိုက်နှိပ်ထားလျှင် 10ဘုရားရှင်၏အမျက်တော်ဖလားထဲ၌ ပြည့်လျှံစွာ လောင်းထည့်ထားသည့် အမျက်တော် စပျစ်ဝိုင်ကိုသောက်ရမည်။ ထိုသူတို့သည် မြင့်မြတ်သော နတ်ဒေဝါများနှင့် သိုးသငယ်တော်ရှေ့တွင် ကန့်နှင့်ရောသော မီးထဲ၌ ညှဉ်းဆဲခြင်းကို ခံရလိမ့်မည်။ 11ထိုသို့ သူတို့ခံစားရသည့် ညှဉ်းဆဲခြင်း၏ မီးခိုးတို့သည် အစဉ်ထာဝရ အထက်သို့တက်နေ၏။ သားရဲနှင့် သူ၏ရုပ်တုကို ကိုးကွယ်၍ သူ့အမည်၏ အမှတ်တံဆိပ်ကို ရိုက်နှိပ်ခံထားသော သူတို့သည် နေ့ညမပြတ် သက်သာရာရလိမ့်မည်မဟုတ်” ဟုကျယ်လောင်စွာကြွေးကြော်၏။ 12ဤအကြောင်းကြောင့် ဘုရားရှင်၏ပညတ်တော်တို့ကို လိုက်နာ၍ ကိုယ်တော်ယေရှုကို စွဲမြဲစွာ ယုံကြည်သည့် မြင့်မြတ်သူတို့သည် သည်းခံရန်လို၏။ 13ထို့နောက် “ဤအရာကိုရေးမှတ်ထားလော့။ ယခုမှစ၍ ကိုယ်တော်ယေရှုကို သစ္စာရှိစွာ ယုံကြည်လျက် သေလွန်သောသူတို့သည် မင်္ဂလာရှိကြ၏” ဟု ရွှေမြို့တော်မှပြောဆိုသံကို ကျွန်ုပ်ကြားရ၏။ ဉာဏ်အလင်းတော်ကလည်း “မှန်ပေ၏။ သူတို့ပြုခဲ့သောအရာများအတွက် ဆုပေးခံကြရသဖြင့် သူတို့သည် ပင်ပန်းဆင်ရဲစွာ လုပ်ဆောင်ခြင်းမှ အနားယူခွင့်ရကြလိမ့်မည်” ဟု မိန့်တော်မူ၏။ 14တစ်ဖန် ကျွန်ုပ်ကြည့်လိုက်ရာ လူသားနှင့်တူသည့် သူတစ်ဦးသည် မိုးတိမ်ဖြူပေါ်တွင် ထိုင်နေသည်ကို မြင်ရ၏။ သူသည် ခေါင်းပေါ်တွင် ရွှေသရဖူကို ဆေားထားပြီး လက်ထဲ၌ ထက်သောတံစဉ်တစ်ခုကို ကိုင်ထား၏။ 15ထို့နောက် အခြားနတ်ဒေဝါတစ်ပါးသည် ဗိမာန်တော်မှ ထွက်လာ၍ မိုးတိမ်ပေါ်တွင်ထိုင်နေသောသူအား “မြေကြီးပေါ်၌ သီးနှံများဝင်းမှည့်၍ ရိတ်သိမ်းချိန်ရောက်ပြီဖြစ်သောကြောင့် ကိုယ်တော်၏တံစဉ်ကိုယူ၍ ရိတ်သိမ်းတော်မူပါ” ဟုကျယ်လောင်စွာကြွေးကြော်၏။ 16ထိုအခါ မိုးတိမ်ပေါ်၌ ထိုင်နေသောသူသည် မိမိတံစဉ်ဖြင့် ဝှေ့ယမ်းကာ မြေကြီးပေါ်ရှိ သီးနှံများကို ရိတ်သိမ်းတော်မူ၏။ 17ထို့နောက် ရွှေမြို့တော်တွင်ရှိသော ဗိမာန်တော်မှထဲမှ အခြားနတ်ဒေဝါတစ်ပါးထွက်လာ၏။ သူ၏လက်ထဲတွင်လည်း ထက်သောတံစဉ်တစ်လက် ပါရှိ၏။ 18ထိုအခါ မီးကိုအုပ်စိုးခွင့်ရှိသည့် ပူဇော်ပလ္လင်မှ ထွက်လာသော အခြားနတ်ဒေဝါတစ်ပါးက တံစဉ်ကိုင်ထားသော နတ်ဒေဝါတစ်ပါးက တံစဉ်ကိုင်ထားသော နတ်ဒေဝါအား “ကမ္ဘာလောကရှိ စပျစ်သီးများ ဝင်းမှည့်ပြီဖြစ်၍ သင်၏ထက်သောတံစဉ်ဖြင့် ထိုစပျစ်ခိုင်တို့ကို ရိတ်သိမ်းလော့” ဟု ကျယ်လောင်စွာ ကြွေးကြော်၏။ 19နတ်ဒေဝါသည် မြေကြီးပေါ်သို့ မိမိတံစဉ်ကို ဝှေ့ယမ်း၍ စပျစ်သီးများကို ရိတ်သိမ်းကာ ဘုရားရှင်၏အမျက်တော်ဟူသော စပျစ်သီးနယ်ရာ ကျင်းကြီးထဲသို့ ပစ်ချလိုက်၏။ 20ထိုစပျစ်သီးများကို မြို့ပြင်တွင်ရှိသော စပျစ်သီးနယ်သည့်ကျင်း၌ နယ်၏။ ထိုစပျစ်သီးနယ်ရာကျင်းမှ စီထွက်လာသောထိုသွေးချောင်းသည် အနက်ငါးပေခန့် ရှိပြီးအလျားတစ်ရာ ရှစ်ဆယ့်လေးမိုင်ခန့်ရှိ၏။
Obecnie wybrane:
Revelation 14: TPV-RV
Podkreślenie
Udostępnij
Porównaj
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
