Psalms 82
82
1ဘုရားရှင်သည် ရွှေမြို့တော်တွင်ကျင်းပသည့် ကောင်စီအစုအဝေး၌ နေရာယူတော်မူ၏။ ဘုရားတို့၏အလယ်တွင် တရားစီရင်တော်မူ၏။ 2“သင်တို့သည် မည်မျှကြာအောင် မတရားသဖြင့်စီရင်၍ ဆိုးယုတ်သောသူတို့ကို မျက်နှာလိုက်ကြမည်နည်း။ 3ဆင်းရဲသောသူနှင့်မိဘမဲ့သူအတွက် တရားစီရင်ပေးကြလော့။ အဖိနှိပ်ခံရသောသူနှင့်ဆင်းရဲသားအတွက် ဖြောင့်မတ်စွာစီရင်ပေးကြလော့။ 4ဆင်းရဲသောသူနှင့် ငတ်မွတ်သောသူတို့ကို ဆိုးယုတ်သောသူတို့၏လက်မှ ကယ်တင်ကြလော့။ 5ဘုရားတို့သည် မည်သည့်အရာကိုမျှမသိကြသကဲ့သို့ မည်သည့်အရာကိုမျှလည်း နားမလည်ကြပေ။ သူတို့သည် အမှောင်ထဲ၌ သွားလာကြ၏။ ကမ္ဘာမြေကြီး၏အခြေအမြစ်အပေါင်းတို့သည် တုန်လှုပ်ကြ၏။ 6‘သင်တို့သည် ဘုရားများဖြစ်ကြ၏။ သင်တို့အားလုံးသည် အမြင့်ဆုံးသောအရှင်၏ သားသမီးများဖြစ်ကြ၏’ ဟုငါဆို၏။ 7သို့သော် သင်တို့သည် သာမန်လူသားကဲ့သို့သေကြရလိမ့်မည်။ အခြားသောအုပ်ချုပ်သူများကဲ့သို့ ကျဆုံးကြရလိမ့်မည်” ဟုမိန့်လေ၏။ 8အို ဘုရားရှင်၊ ထ၍ ကမ္ဘာမြေကြီးကို တရားစီရင်တော်မူပါ။ အကြောင်းမူကား လူမျိုးအပေါင်းတို့သည် အရှင်၏အမွေဆက်ခံသူ ဖြစ်သောကြောင့်ဖြစ်၏။
Obecnie wybrane:
Psalms 82: TPV-RV
Podkreślenie
Udostępnij
Porównaj
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.