Psalms 76
76
1ယုဒပြည်တွင် ဘုရားရှင်ကို သိကြသည်။ အစ္စရေးပြည်၌ ကိုယ်တော်၏နာမတော်သည် ကြီးမြတ်တော်မူသည်။ 2ကိုယ်တော်၏တဲတော်သည် ဂျေရုဆလင်မြို့၌ရှိ၍ ကိုယ်တော်ကိန်းဝပ်တော်မူရာအရပ်သည် ဇိအုန်၌ရှိသည်။ 3ထိုအရပ်တွင် ကိုယ်တော်သည် မီးတောက်နေသော မြား၊ ဒိုင်းလွှား၊ ဓားနှင့် လက်နက်ရှိသမျှတို့ကို ချိုးဖျက်တော်မူသည်။ 4ကိုယ်တော်သည် အရောင်အဝါတောက်ပတော်မူသည်။ သားကောင်ရှိရာတောင်များထက် ပို၍အသရေတင့်တယ်တော်မူသည်။ 5ရဲရင့်သောသူတို့သည် လုယက်ခံရ၍ အပြီးတိုင် အိပ်ပျော်သွားကြသည်။ စစ်သည်ရဲမက်အပေါင်းတို့သည် မိမိတို့လက်စွမ်းကို မပြနိုင်ခဲ့ကြပေ။ 6အို ယာကုပ်၏ဘုရားရှင်၊ ကိုယ်တော်၏ဆုံးမခြင်းကြောင့် မြင်းများနှင့် မြင်းစီးသူရဲတို့သည် အိပ်မောကျသွားကြပါသည်။ 7ကိုယ်တော်တစ်ပါးတည်းသာလျှင် ကြောက်ရွံ့ဖွယ်ဖြစ်တော်မူသည်။ ကိုယ်တော်အမျက်ထွက်တော်မူသောအခါ မည်သူသည် ကိုယ်တော်၏ရှေ့တွင် ရပ်နေနိုင်ပါမည်နည်း။ 8ကိုယ်တော်သည် တရားစီရင်ချက်ကို ရွှေမြို့တော်မှ ကြေညာတော်မူသည်။ 9ဘုရားရှင်သည် ကမ္ဘာမြေကြီးပေါ်ရှိ ဖိနှိပ်ညှင်းပန်းခြင်းခံရသောသူအပေါင်းတို့ကို ကယ်တင်ရန် တရားစီရင်ရန်ထတော်မူသောအခါ ကမ္ဘာမြေကြီးသည် ကြောက်ရွံ့၍ ငြိမ်သက်စွာနေပါသည်။ 10အကယ်စင်စစ် လူတို့၏အမျက်ဒေါသသည် ကိုယ်တော်အား ချီးမွမ်းလိမ့်မည်။ ကိုယ်တော်သည် အမျက်ဒေါသ အကြွင်းအကျန်များဖြင့် မိမိကိုယ်မိမိ ပတ်စည်းတော်မူလိမ့်မည်။ 11သင်တို့၏အရှင်ဖြစ်တော်မူသော ဘုရားရှင်ထံ ကတိသစ္စာပြု၍ ပြည့်စုံစေကြလော့။ ကိုယ်တော်၏ပတ်လည်၌ရှိသော သူအပေါင်းတို့သည် ကြောက်ရွံ့ရိုသေရသောအရှင်ထံသို့ လက်ဆောင်ပဏ္ဏာကို ယူဆောင်လာကြပါစေသော။ 12ကိုယ်တော်သည် အုပ်ချုပ်သူတို့၏စိတ်ကို နှိမ့်ချတော်မူသည်။ ကမ္ဘာမြေကြီးပေါ်ရှိ ရှင်ဘုရင်တို့အတွက် ကြောက်ရွံ့ဖွယ်ဖြစ်တော်မူသည်။
Obecnie wybrane:
Psalms 76: TPV-RV
Podkreślenie
Udostępnij
Porównaj
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.