Psalms 58
58
1အို အာဏာရှင် အုပ်ချုပ်သူတို့၊ သင်တို့သည် တရားမျှတစွာဖြင့် စီရင်ဆုံးဖြတ်ကြသလော။ လူအပေါင်းတို့အား တရားမျှတစွာ စီရင်ကြသလော။ 2သင်တို့သည် ထိုသို့မပြုဘဲ မတရားမှုများကို စိတ်နှလုံးထဲ၌ကျင့်ကြံ၍ သင်တို့၏လက်မှ ရက်စက်ကြမ်းကြုတ်မှုအား ကမ္ဘာတစ်ဝှမ်းလုံးသို့ ဖြန့်ဝေကြ၏။ 3ယုတ်မာကောက်ကျစ်သူတို့သည် အမိဝမ်းထဲကပင် ဖောက်ပြန်သော သဘောရှိကြ၏။ သူတို့သည် မွေးစကပင် လိမ်လည်၍ပြောဆိုတတ်ကြ၏။ 4သူတို့၏အဆိပ်သည် မြွေ၏အဆိပ်နှင့်တူ၏။ သူတို့သည် ဂါထာမန္တန်ကို ကျွမ်းကျင်စွာမန်းမှုတ်တတ်သော 5အလမ္ပာယ်ဆရာ၏အသံကို မကြားအောင် မိမိ၏နားကိုပိတ်ထားသော နားမကြားသည့် မြွေဟောက်နှင့်တူကြ၏။ 6အို ဘုရားရှင်၊ သူတို့၏ပါးစပ်ထဲမ သူတို့၏သွားကို ချိုးပစ်တော်မူပါ။ အို ဘုရားရှင်၊ ဤရက်စက်ကြမ်းကြုတ်သော ခြင်္သေ့တို့၏အစွယ်များကို ချိုးတော်မူပါ။ 7သူတို့သည် စီးသွားသောရေကဲ့သို့ ပျောက်ကွယ်သွားကြပါစေ။ သူတို့သည် လေးကိုတင်သောအခါ မြားတို့ သည် မြားဦးကျိုးသကဲ့သို့ ဖြစ်ကြပါစေ 8သူတို့သည် သွားရင်းလာရင်း အကျိအချွဲဖြစ်သွားသော ပက်ကျိကဲ့သို့လည်းကောင်း၊ နေရောင်ကိုမတွေ့မြင်ရသည့် အသေမွေးသော ကလေးကဲ့သို့လည်းကောင်း ဖြစ်ကြပါစေ။ 9ဆူးခြုံပင်ဖြင့်မွှေးသောမီး၏ အပူရှိန်ကို သင်တို့အိုးများမသိရမီ ထိုဆူးများသည် စိုနေသည်ဖြစ်စေ၊ ခြောက်နေသည်ဖြစ်စေ ကိုယ်တော်သည် လွင့်ပါးစေတော်မူလိမ့်မည်။ 10ဖြောင့်မတ်သောသူသည် လက်စားချေခြင်းကိုမြင်ရသဖြင့် ဝမ်းမြောက်လိမ့်မည်။ သူသည် ယုတ်မာကောက်ကျစ်သောသူ၏သွေးဖြင့် မိမိ၏ခြေထောက်ကို ဆေးကြောလိမ့်မည်။ 11ထိုအခါ လူတို့က "ဖြောင့်မတ်သောသူသည် ဆုလာဘ်ကိုအမှန်ပင်ရ၏။ ကမ္ဘာမြေကြီးအား တရားစီရင်တော်မူသော ဘုရားရှင်သည် အမှန်ပင်ရှိတော်မူ၏" ဟု ဆိုကြလိမ့်မည်။
Obecnie wybrane:
Psalms 58: TPV-RV
Podkreślenie
Udostępnij
Porównaj
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.