Psalms 113
113
1ဘုရားရှင်အား ချီးမွမ်းထောမနာပြုကြလော့။ ဘုရားရှင်၏ အမှုတော်ဆောင်အပေါင်းတို့ ချီးမွမ်းကြလော့။ ဘုရားရှင်၏နာမတော်ကို ချီးမွမ်းကြလော့။ 2ထာဝရဘုရား၏ နာမတော်သည် ယခုမှ၍ ကာလအစဉ်အဆက်မင်္ဂလာရှိပါစေသော။ 3နေထွက်ရာအရပ်မှ နေဝင်ရာအရပ်တိုင်အောင် ဘုရားရှင်၏နာမတော်သည် ချီးမွမ်းဖွယ်ရာဖြစ်၏။ 4ဘုရားရှင်သည် လူမျိုးအပေါင်းတို့အထက်၌လည်းကောင်း ကိုယ်တော်၏ဘုန်အသရေတော်သည် ကောင်းကင်အထက်၌လည်းကောင်း ချီးမြောက်ခြင်းရှိ၏။ 5မည်သူသည် ငါတို့၏အရှင်ဖြစ်သော ဘုရားရှင်နှင့်တူသနည်း။ ကိုယ်တော်သည် မြင့်မြတ်သောအရပ်၌ စိုးစံတော်မူ၏။ 6မည်သူသည် မိမိကိုယ်ကို ကိုင်းညွတ်လျက် မိုးကောင်းကင်နှင့် ကမ္ဘာမြေကြီးကို ငုံ့ကြည့်တော်မူသနည်း။ 7ကိုယ်တော်သည် ဆင်းရဲသောသူတို့ကို မြေမှုန်ထဲမှထစေ၍ နွမ်းပါးသောသူကို ပြာပုံထဲမှချီးမြှောက်ကာ 8သူတို့ကို မင်းအရာရှိများနှင့်အတူ၊ မိမိလူမျိုးတော်၏ မင်းအရာရှိများနှင့်အတူ ထိုင်စေတော်မူ၏။ 9ကိုယ်တော်သည် မြုံသောမိန်းမအား မိသားစုကိုပေး၍ သားသမီးရှိသဖြင့် ဝမ်းမြောက်သော မိခင်ဖြစ်စေတော်မူ၏။ ဘုရားရှင်အား ချီးမွမ်းထောမနာပြုကြလော့။
Obecnie wybrane:
Psalms 113: TPV-RV
Podkreślenie
Udostępnij
Porównaj
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.