မဿဲ 2
2
နက္ခတ်ပညာရှင်များရောက်လာခြင်း
1ဟေရုဒ်မင်းကြီး#2:1 ဟေရုဒ်မင်းကြီး ဟေရုဒ်မင်းကြီး (Herod the Great) သည် ရောမလူမျိုးတို့ ခန့်အပ်ထားသည့် ဂျူးဘုရင်တစ်ပါးဖြစ်ပြီး ယုဒပြည်ကို (37 BCE မှ 4 BCE) အထိ ဘုန်းတန်ခိုးကြီးမားမှုနှင့် ရက်စက်ကြမ်းကြုတ်မှုတို့ ရောနှော၍ အုပ်ချုပ်ခဲ့သော ဘုရင်တစ်ပါးဖြစ်သည်။လက်ထက်တွင် ယုဒပြည်၊ ဗက်လင်မြို့၌ ကိုယ်တော်ယေရှုကို ဖွားမြင်တော်မူလေ၏။ ထို့နောက် အရှေ့တိုင်း#2:1 အရှေ့တိုင်း အရှေ့အရပ်၌ တည်ရှိသော တိုင်းပြည်/နိုင်ငံမှ နက္ခတ်ပညာရှင်တို့သည် ဂျေရုဆလင်မြို့သို့ ရောက်လာကြ၍ 2“ဂျူးလူမျိုးတို့၏ဘုရင်အဖြစ် မွေးဖွားလာသော ကလေးငယ်သည် မည်သည့်အရပ်တွင်ရှိသနည်း။ သူ့ကြောင့်နှင့်ပေါ်ထွန်းလာသည့် ကြယ်ကို အကျွန်ုပ်တို့သည် အရှေ့တိုင်းတွင် မြင်တွေ့ခဲ့ရသဖြင့် သူ့ကိုဖူးမြင်ရန် လာကြခြင်းဖြစ်သည်” ဟုမေးမြန်းပြောဆိုကြ၏။
3ဤအကြောင်းကို ကြားသိသောအခါ ဟေရုဒ်မင်းကြီးနှင့်တကွ ဂျေရုဆလင်တစ်မြို့လုံးရှိ လူတို့သည်လည်း တုန်လှုပ်ချောက်ချားကြလေ၏။ 4ထို့နောက် ဟေရုဒ်မင်းကြီးသည် ဂျူးပုရောဟိတ်#2:4 ပုရောဟိတ် ပုရောဟိတ်တို့သည် မြင့်မြတ်သော ဓလေ့ထုံးတမ်းများကို လုပ်ဆောင်ရန် အခွင့်အာဏာရှိသော ဂျူးဘာသာရေးအကြီးအကဲများဖြစ်ကြသည်။ ၎င်းတို့သည် လူအများကိုယ်စား ဗိမာန်တော်၌ ဘာသာရေးဆိုင်ရာ အမှုကိစ္စအဝဝကို လုပ်ဆောင်ရသူများလည်း ဖြစ်ကြသည်။အကြီးအကဲများနှင့် ကျမ်းတတ်ဆရာများအားလုံးကို စုဝေးစေပြီး သူတို့အား ခရစ်တော်သည် မည်သည့်အရပ်တွင် မွေးဖွားသည်ကို မေးမြန်းလေ၏။ 5ထိုသူတို့ကလည်း “ယုဒပြည်၊ ဗက်လင်မြို့၌ ဖြစ်ပါ၏။ အဘယ်ကြောင့်ဆိုသော်
6‘အို ယုဒပြည်၌ရှိသော ဗက်လင်မြို့၊ သင်သည် ယုဒပြည်ကို
ဦးဆောင်အုပ်ချုပ်နေသောမြို့တို့တွင် အသေးသိမ်ဆုံးမြို့မဟုတ်။ အကြောင်းမူကား၊
ငါ၏လူမျိုးတော်ဖြစ်သည့် အစ္စရေးတို့ကို အုပ်ထိန်းမည့် ခေါင်းဆောင်တစ်ဦးသည်
သင့်ထံမှပေါ်ထွန်းလိမ့်မည်’
ဟူ၍အရိယာသူတော်စင်က ရေးသားခဲ့သောကြောင့်ဖြစ်ပါသည်” ဟုလျှောက်တင်ကြ၏။
7ထိုအခါ ဟေရုဒ်မင်းကြီးသည် နက္ခတ်ပညာရှင်တို့ကို တိတ်တဆိတ်ခေါ်၍ ကြယ်ပေါ်ထွန်းသည့် အချိန်ကာလအတိအကျကို မေးမြန်းပြီးနောက် 8ထိုသူတို့အား “ထိုကလေးငယ်ကို သေချာရှာဖွေကြလော့။ သင်တို့ရှာတွေ့လျှင် ငါကိုယ်တိုင်လည်း သွားရောက်ဖူးမျှော်နိုင်ရန်အတွက် ငါ့အား သတင်းပေးကြလော့” ဟုမှာကြားလျက် ဗက်လင်မြို့သို့ စေလွှတ်လိုက်၏။
9ထိုသူတို့လည်း မင်းကြီး၏မိန့်ကြားချက်အတိုင်း ထွက်လာကြချိန်တွင် အရှေ့တိုင်း၌ တွေ့မြင်ခဲ့သောကြယ်သည် သူတို့၏ရှေ့မှသွား၍ ကလေးငယ်ရှိသည့်နေရာပေါ်တွင် ရပ်လေ၏။ 10သူတို့သည် ထိုကြယ်ကို တွေ့မြင်ကြသောအခါ အလွန်ဝမ်းမြောက်လျက် ထိုနေရာသို့ လာကြ၏။ 11အိမ်သို့ရောက်၍ ဝင်ကြသောအခါ မိခင်ဖြစ်သူမာရိနှင့်အတူရှိနေသော ကလေးငယ်ကို ဖူးမြင်သဖြင့် ဒူးထောက်ရှိခိုးကြပြီး သူတို့၏ရတနာသေတ္တာများကိုဖွင့်၍ ရွှေ၊ လော်ဗန်#2:11 လော်ဗန် သစ်ပင်မှပြုလုပ်သော အမွေးနံ့သာမှုန့်တစ်မျိုးဖြစ်သည်။ ထိုခေတ်အစ္စရေးပြည်တွင် ဝတ်ပြုခြင်းအတွက် ပုရောဟိတ်တို့သာ အသုံးပြုရသောအရာဖြစ်၏။ ၎င်းသည် ဘုရားရှင်ထံသို့ ဆုတောင်းခြင်းကို ကိုယ်စားပြုသော သင်္ကေတတစ်ခုဖြစ်သည်။ နှင့် မုရန်#2:11 မုရန် သစ်ပင်မှပြုလုပ်သော တန်ဖိုးကြီးသည့် ဆီမွှေးဖြစ်၏။တည်းဟူသော လက်ဆောင်များကို ကလေးငယ်အား ဆက်သကြ၏။ 12ထို့နောက် သူတို့သည် ဟေရုဒ်မင်းကြီးထံသို့ ပြန်မသွားရန် အိပ်မက်ပေးခြင်းကိုရသဖြင့် အခြားသောလမ်းဖြင့် မိမိတို့တိုင်းပြည်သို့ ပြန်ကြလေ၏။
အီဂျစ်ပြည်သို့ ထွက်ပြေးခြင်း
13ထိုနက္ခတ်ပညာရှင်တို့ ထွက်သွားကြပြီးနောက် ဘုရားရှင်၏နတ်ဒေဝါသည် ယောသပ်အား အိပ်မက်ပေး၍ “ထလော့။ ကလေးငယ်နှင့် မိခင်ကိုခေါ်ဆောင်၍ အီဂျစ်ပြည်သို့ ထွက်ပြေးကြလော့။ ဟေရုဒ်မင်းကြီးသည် ကလေးငယ်ကို ရှာ၍သတ်ရန် ကြံစည်နေသောကြောင့် နောက်တစ်ဖန် ပြန်လာပါဟု ငါမပြောမီတိုင်အောင် အီဂျစ်ပြည်၌နေကြလော့” ဟုမြွက်ဆိုလေ၏။
14ထိုအခါ ယောသပ်သည် ထ၍ ကလေးငယ်နှင့်မိခင်တို့ကို ခေါ်ကာ ညတွင်းချင်းပင် အီဂျစ်ပြည်သို့ ထွက်ခွာကာ 15ထိုအရပ်၌ ဟေရုဒ်မင်းကြီး ကွယ်လွန်သည့်အချိန်အထိ နေထိုင်ကြလေ၏။ ဤသည်ကား “ငါ၏သားတော်ကို အီဂျစ်ပြည်မှ ငါခေါ်ထုတ်ခဲ့၏” ဟူသော အရိယာသူတော်စင်အားဖြင့် ဘုရားရှင်မိန့်တော်မူသည့် အကြောင်းအရာသည် အမှန်တကယ်ပင် ဖြစ်ပျက်ရမည့်အကြောင်းပင်ဖြစ်၏။
16ဟေရုဒ်မင်းကြီးသည် နက္ခတ်ပညာရှင်များ မိမိကိုလှည့်စားသွားကြောင်းကို သိသောအခါ အမျက်ဒေါသကြီးစွာထွက်၍ ထိုသူများထံမှ ကြားသိထားသောအချိန်ကာလအရ ဗက်လင်မြို့နှင့် မြို့ပြင်အနီးတစ်ဝိုက်ရှိ အသက်နှစ်နှစ်နှင့် နှစ်နှစ်အောက် သားယောကျ်ားအားလုံးကို သတ်ပစ်ရန် အမှုထမ်းများကို အမိန့်ပေးလေ၏။ 17ဤသည်ကား အရိယာသူတော်စင်ယေရမိမှတဆင့် မိန့်မှာခဲ့သည်တို့မှာ အမှန်တစ်ကယ်ပင် ဖြစ်လာလေ၏။ 18ယေရမိက
“ရာမမြို့တွင် ကျယ်လောင်သော ငိုကြွေးသံများနှင့်
ငိုရှိုက်သံများကိုကြားရ၏။
ရာခေလသည် သားသမီးငယ်များ သေဆုံးကုန်၍
သူ၏ပူဆွေးသောကကို ဖြေသိမ့်၍မရဖြစ်နေ၏”
ဟုမြွက်ဆိုခဲ့၏။
နာဇရက်မြို့သို့ ပြန်လာခြင်း
19ဟေရုဒ်မင်းကြီး ကွယ်လွန်ပြီးသောအခါ အီဂျစ်ပြည်၌ရှိသော ယောသပ်အား ဘုရားရှင်၏နတ်ဒေဝါသည် အိပ်မက်ပေး၍ 20“ထလော့။ ကလေးငယ်ကို သတ်ရန်ရှာဖွေနေကြသူတို့သည် သေဆုံးကုန်ကြပြီဖြစ်သောကြောင့် ကလေးငယ်နှင့်မိခင်ကိုခေါ်၍ အစ္စရေးပြည်သို့ ပြန်ကြလော့” ဟုမိန့်ကြားလေ၏။
21ထိုအခါ ယောသပ်သည်လည်း ထ၍ ကလေးငယ်နှင့် မိခင်တို့ကိုခေါ်ကာ အစ္စရေးပြည်သို့ ပြန်လာကြ၏။ 22သို့သော် အာခေလသည် ဖခင်ဖြစ်သူ ဟေရုဒ်မင်းကြီး၏ ထီးနန်းကိုဆက်ခံပြီး ယုဒပြည်အား အုပ်ချုပ်နေကြောင်းကို ယောသပ်ကြားသိသည့်အခါ ထိုပြည်သို့သွားရန် ကြောက်ရွံ့လေ၏။ အိပ်မက်ထဲတွင်လည်း ထိုပြည်သို့မသွားရန် သတိပေးခြင်းခံရသဖြင့် သူသည် ဂါလိလဲပြည်သို့ ထွက်ခွာ၍ 23နာဇရက်ဟုခေါ်သောမြို့တွင် သွားရောက်နေထိုင်လေ၏။ ဤသည်ကား “ကိုယ်တော်သည် နာဇရက်မြို့သားဟု ခေါ်ဝေါ်ခြင်းခံရမည်” ဆိုသော အရိယာသူတော်စင်အားဖြင့် မိန့်ဆိုချက်သည် မှန်ကန်လေ၏။
Obecnie wybrane:
မဿဲ 2: TPV-RV
Podkreślenie
Udostępnij
Porównaj
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
