लूका परिचै
परिचै
लूका की अच्छी खबर की किताब कै लिखनै बारो लूका हो, जो एक बैद हो। लूका, ईसु की जिन्दगी को हाल जैसो भओ हो बैसेई लिखनो चाँहै हो 1:1–3। लूका एक गैर यहूदी आदमी हो और बानै जौ किताब गैर यहूदिऔं कै समजानै के ताँई लिखी। लूका नै हिंया यहूदी रीति-रिबाजौ कै साप तरीका सै दिखाओ है 1:8।
जादातर गियानिऔ को जौ माननो है कै जौ किताब ईसु मसी के जलम के लगभग 70 साल के बाद लिखी गई है। लूका की अच्छी खबर की किताब ईसु मसी कै ईसराइल के ताँई परमेसर नै बादो करो भओ एक मुक्तिदाता के रूप मै और पूरी दुनिया के लोगौं ताँई उद्धारकर्ता के रूप मै पेस करै है। लूका जौ बी दिखाबै है कै ईसु मसी कै परमेसर की आत्मा नै दुखिऔं कै अच्छी खबर सुनानै के ताँई बुलाओ है। जौ किताब लोगौं की अगल अगल जरूरत और मुसीबतौं मै रौसनी डारै है। इस अच्छी खबर मै पिराथना, पबित्तर आत्मा और परमेसर के दुआरा पापौं की माफी के ऊपर जोर देओ गओ है।
रूपरेखा
लूका उसकी अच्छी खबर और उसकी बियाखिया को परिचै देवै है कै बौ काए लिखो गओ 1:1–4
उसके बाद ईसु को जलम और बाकी सेवा की तईयारी के बारे मै लिखै है 1:5—4:13
लूका बताबै है कै ईसु नै जो काम करे खास करकै उसके दुआरा करे गए चमत्कार, और बे बात जो बानै सिकांई।
आखरी तीन अध्यायौ मै बौ जौ बताबै है कै ईसु कैसे मरो, गाड़ो गओ और मुरदौं मै सै जी उठो। और कैसे सुरग मै उठा लओ गओ। 22:1—24:53
Obecnie wybrane:
लूका परिचै: TKB
Podkreślenie
Kopiuj
Porównaj
Udostępnij
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
New Life Compute Institute [NLCI] - CC BY-NC-ND 4.0