زبور ۸۵
۸۵
پنځه اتیایم زبور
د قوم د هوساینې دپاره دعا
(د سرود ویونکو د مشر دپاره: د قورح د طایفې زبور)
1 ای څښتنه تا په خپله خاوره رحم وکړ
او یوځل بیا دې رابېدار کړ د یعقوب #۸۵: ۱ یعقوب: دلته یعقوب د اسراییلو په معنی دی. قسمت
2 ودې بخښلې د خپل قوم بدۍ
پرده دې واچوله په ټولو ګناهونو د دوی
3 تېر شولې ته له خپل ټول غضبه
د خپل قهر اور دې سوړ کړ
4 ای زمونږ خلاصوونکیه خدایه
مونږه بېرته په خپل حال کړه
او خپل غضب زمونږ نه لېرې کړه ته
5 ایا ته به خفه یې تل زمونږ څخه؟
ایا وبه غزوې خپل قهر د یو نسل نه بل نسل ته؟
6 ایا ته به مونږ ته بیا قوت رانه کړې
ترڅو ستا قوم خوشحالي وکړي ستا له امله؟
7 څښتنه، مونږ ته دې وښایه تلپاتې مینه
او مونږ ته راکړه خلاصون
8 څښتن خدای چې هرڅه وایي ورته به نیسمه غوږ
وعده کوي د سولې خپل وفادار ولس سره
خو دوی دې بیا نه راګرځي د حماقت لارو ته
9 بې شکه ور به کړي نجات هغوی ته څوک چې ترې وېره لري
چې پاتې شي د هغه جلال زمونږ په خاوره کې
10 څنګه چې دوه تنه یو بل سره ګوري
داسې تلپاتې مینه او وفا به سره هم وګوري
څنګه چې یو تن بل تن ښکلوي
داسې عدالت او سوله به هم یو بل ښکل کړي
11 راپورته کیږي وفا ځمکې نه
نېکي راګوري پاس له اسمانه څخه
12 ښه شیان مونږ ته راکوي به بې له شکه څښتن
ورکوي ښه حاصلات به زمونږ ځمکه
13 عدالت به وي روان د څښتن مخکې
تیاروي به لار د هغه قدمونو ته
Obecnie wybrane:
زبور ۸۵: APB
Podkreślenie
Kopiuj
Porównaj
Udostępnij
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
Text of this book may be quoted in any form (written, visual, electronic or audio) up to and inclusive of five hundred (500) verses without express written permission of the publisher, provided the verses quoted do not amount to a complete book of the Bible nor do the verses quoted account for 25% of the total text of the work in which they are quoted. Notice of copyright must appear on the copyright page of the work as follows:
Scripture taken from the Holy Bible in Afghan Pashto,
Copyright © 2023 UBS. Used by permission. All rights reserved.