मत्ती 17
17
यीसु को रूप बदलो जानो
(मरकुस 9:2-13; लूका 9:28-36)
1सह दिवस मंघा यीसु, पतरस, याकूब अना ओको भाउ योहन संगा एकलो मा वरता पहाड़ पर गयो। 2वहान उनको पुढा वोको रूप बदल गयो, अना वोको टोन्ड दिन को जसो चमकन लगयो। अना वोको कपरा उजारो भय गयो। 3मंग तीन चेला हुन ना चोवयो, मोसे अना एलिय्याह भविस्यवक्ता यीसु संग गोस्टी कर रव्हयो सेत।
4तबा पतरस ना यीसु ला कव्हयो, ओ पिरभु, कितरो साजरो से का हमि यहान सेजन, मी यहान तीन मान्डो बनाहूँ एक तोरो लाय, एक मोसे को लाय, अना एक एलिय्याह को लाय। 5#मत्ती 3:17; 12:18; मरकुस 1:11; लूका 3:22; 2 पतरस 1:17-18जबा उ असो कव्हच रहयो होतो, तबा एक पाँढरो, बादर न उनला ढाक लियो, अना उ बादल लक एक आवाज आयी यो मोरो एकच चहेतो, टूरा से, जेनको लक मी गजब खुसी सेव “एकी आयको!” 6जब चेला गीन न असो आयकिन, वय ऐतरो डराय गईन का वय टोन्ड को बल, पड़ गइन। 7यीसु ना जवर आयके उनला छीवके कव्हसे। उभो होवो “डराव नोको।” 8तबा वय वरता नजर करीन, अना उनला यीसु को सीवाय, कोनी नही चोवयो।
9जब वय पहाड़ लक खाल्या, उतर रहयो होतिन। यीसु ना उनला हुकूम देइस, जब तकन मानूस को टूरा मुरदा लक जित्तो नही भई जाए, यो बात कोनी ला नोको सांगने। 10मंग यीसु को चेलागिन वोको लक पूसिन “मोसे को नियम को गुरू काय लाय कव्हासेत? पयले एलिय्याह को आवनो पक्को सेत।” 11वोना जवाब देइस एलिय्याह आ रहयो सेत, उ सब काही साजरो कर देहेत। 12#मत्ती 16:21पर मी तुमरो लक कव्हसू, का एलिय्याह आय गइसे। अना लोकगीन ला वोला चीन्हो नाहत, अना मन चाहो वोको संग करीन, असोच मानूस को टूरा ला तंगाहेत। 13तबा चेलागिन को समजमा आ गयो का यो योहन बप्तिस्मा देवन वारा, को बारेमा अमीला सांगा से।
बुरो आतमा को सिकार टूरा ला साजरो करनो
(मरकुस 9:14-29; लूका 9:37-43)
14जबा वय भीड़ को जवर आइन, तबा यीसु को जवर एक मानूस आयो। अना टोघरा टेकके, असो कव्हन लग्यो। 15पिरभु मोरो टूरा पर रहम कर काहेका, वोला मीरगी आवासे। अना वोला मिरगी एतरो बिकराल आवा सेत का उ बार-बार स्तो अना पानी मा पड़ जासे। 16मी वोला तोरो चेला गीन को कठा आनयो होतो। पर वय वोला साजरो, नही कर सकिन।
17तबा यीसु ना जवाब दियो अरे भिरस्ट हुयो आबिस्वासी लोकहुन मी कितरो बेरा तुम्हरो संग अखिन रव्हिन? वोला मोरो जवर आनो। 18यीसु ना बुरो आतमा ला हुकूम देके डटकारीस अना बुरो आतमा टूरा मा लक हिट गयो, अना टूरा वोच बेरा साजरो भई गयो।
19तबा चेला गीन एकान्त, मा यीसु को जवर आयके ना ओको लक पुसन लगीन “हमी वोला, काहे हेड़ नही सकयो”
20तबा यीसु ना जवाब दियो, आपरो भरोसा को कमी कारन लक, काहेका, मी तुमला खरो-खरो सांगसू का यदि तुमी मा राई को बीज, को बराबर भरोसा से अना यो पहाड़ लक कव्हने “यहान लक हट अना उता जा!” तो उ सरक जाहेती। अना तुमरो, लाय काही भी कठीन नहात। 21#17:21यो वचन हात को लिखयो मा नही भेटासे। पर यो जाती पिराथना न अना उपवास, को सिवाय कोनी उपाय लक नही हिटा से।
आपरी मौत को बारे लक यीसु की दुसरी गोस्टी
(मरकुस 9:30-32; लूका 9:43-45)
22जबा वय गलील छेतर मा जमा भई होतिन, तबा यीसु ना उनला कव्हयो “मानूस को टूरा लोक गीन को हात मा धरान वालो सेत। 23जोन वोला मार डाखेत, तरी तीसरो दिवस उ जित्तो भयी जाहेत।” एको पर यीसु को चेलागिन लगत दुखी भयी गयीन।
मंदिर को जमा पटावनो
24जबा वय कफरनहुम नगर मा पहुचिन तबा मंदिर को बरगन वसुलन वारा पतरस को कठा आयके पुसिन, का तोरो गुरु मंदिर को बरगन देवासे?
25पतरस ना कहीस हाँ देवासे,
जबा पतरस घर मा आयो। तबा यीसु ना पयले समौन लक पूछिस “तोरो का राय से? धरती को राजा गीन बरगन कोन लक वसुलसे, आपरो लेकरा लक या परायो लक”
26तबा पतरस ना जवाब दियो का परायो लक तब,
यीसु ना वोला कहीस, “तब तो लेकरा छुट गयो।” 27पर आमी उन लोकहुन ला नाराज नही करबीन एकोलाई झील पर जाय अना अपरो गल फेक अना मंग जोन पयली मसरी धराहे ओको टोंड उघाड़ तोला चारअना को सिक्का मिलेह। ओला आन के मोरो अना आपरो लाई उनला दे-दे।
Obecnie wybrane:
मत्ती 17: PSP25
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
The Powari Bible© The Word for the World International and Powari Madhya Pradesh, 2025.
