मरकुस 5
5
दुष्टात्मा लागिल माणहाह हुदारणो
(मत्ती 8:28-34; लूका 8:26-39)
1ओवतू तो तो समुद्राम पुरले उखव र गररसेकरान देशांम आवो, 2यीशु ताहेरया नावीम रीन उतरना एने बाहेर आविह येतो एक अशुद्ध आत्मा लागिल माणुह माहणाम रीन ताह मिलील. 3तो कबरात रेथे एतो एने ताह हाकली दण्डाने देखव बांधीन मेलणे शक्य नाह एता, 4काहाकाय ताह मोक्तास वार बेड्यांनव, एने हाकली दण्डाने बाधवयेतो, तो तान हाकली दण्ड तोडव टाकील एता, एने बेड्यांचे टुकडा किरील एता ताह कूण ज्यां बाधुहू शकत नाह एता. 5तो दाडव रात दिह कबरांमाय एने बोय्लामय आयेडतेन, इही एने दिगुड आपणा डवखेचव लेतेन इही. 6तो यीशुह सेटेच रीन देखव दौव डनू, एने ताह वोंद्यो. 7एने मोठला आवाजामाय आयडीन कियील, “हे यीशु. महान बोगवानान सोरो, तुवाह मारो काय काम पोडीह? मी तुवाह बोगवानानन शपथ लावा किथु, माहु दोमव मां.” 8काहाकाय तो ताह कियील, “अरे, अशुद्ध आत्मा, आवी ज्यो माणहामायररीन निकेल” 9यीशु ताह फुसील, तारो नाव काय हि? तो ताह उत्तर आपील मारो नाव सेना, काहाकाय आमु मोक्तास हेते; 10एने आमूह उवतू तो देशामायरीन रीन गाडू मां ओहलो तो आग्रहाने ताह एने विनंती केरणे लागिल. 11ताहरी डोंगरान कडेला डुकरान एक मोठू कळप चारतेन एतो. 12तेवी दुष्ट आत्मा ताह एने विनंती केरील का आमु ता डुकरांम रीन गणे केरीन ताऊखव र आमूह लागाडील आप. 13ओवतू तो तान ताहाच परिनानगी आपील; तेवी तो अशुद्ध आत्मा निकलीन डुकरांम रीन गनो एने तो सुमारे दुय हजार डुकरान कळप दोव ळतव जाइन कड्यामायरीन समुद्रा माय पोडवएने पाण्यामाय दोम कोंडाईल मोराना. 14डुकरे होंबालनार दोवडी पोडणा एने ताह गावामाय एने खेतमोलाम जाइन हे वर्तमान कियील तेवी काय एय गीयो हे माणहे देखणेन आवो. 15तो यीशु हेऱ्यो आवो एने देखायील का जो माणुह जापुर दुष्ट आत्मा लागिल एतो फाडका रीन गाडव अशुद्ध पुर आयवदेखानो एने बिय गीया. 16तान केरता ज्यां घटना पेल्लव तास दुष्ट आत्मा लागीलाह काय एय गीयो तो एने डुकरांनबारामाय आखा माहितव कियील. 17तेवी तो ताह एने विनंती केरणे लागिल का तो ताफायरीन निकलीन जाणे. 18एने पोशो यीशु नाव एने पोर चेडने लागू तेवी तो जा माणहामाय दुष्ट आत्मा एता ता माणहे यीशुह कियील, एने विनंती केरणे लागा का माहु तुवाहेर्यो रेणें देव. 19पोशा यीशु ताह आपणेहेर्यो लावा जाणेन मोनाई केरील ताह कियील, आपणाच माणहामाय घेर जा, एने ताह आखा किजव जो बोगवानतारकेरता किरील हि एने ताह हे पुण किजव का बोगवानतारपोर दया कोहलव केरील. 20तेवी तो निकलील एने यीशु ने जो मटलव काम तान केरता केरील एती तान दिकापुलिस भागाम जीर केरणे लागिल; तेवी आखाज आश्चर्य लागिल.
याईरान मुरील सोरी एने दुखारी बायकू
(मत्ती 9:18-26; लूका 8:40-56)
21ओवतू तो यीशु नावीम बोहव पोशा जांणेबादमाय तान आहने माणाहान मोठू समुदाय आवा तो समुद्राआह्नव एतो. 22तेवी याईर नावन आराधनालयान एक अधिकार एने आवा, एने ताह देखव तान पाया पोडव 23तान आग्रहाने ताह एने विनंती केरील का मारी आतव सोरिन मोरने टेकनव हि तिने हाजो एय जावू केरीन आपु आवीन तान पुर आथ मेल. कि तो जीवतालू रेय. 24ओवतू तो यीशु ताहेऱ्यो निकलील; तेवी मोक्तास माणहे तान पासाण चालना एता एने ताहेर्यो गेर्दी केरतीन एता. 25एने ताहरी रक्तस्रावाने बारा एने रहि पिडलेलव एक बायकू एती. 26तिने मोकताज वद्यांन हातून मोक्तास हाल सहन केरीन आपनेहेऱ्यो जा एता नाह एता ता आखा खोबालावा टाकील एता तेभी तान हाजो लागणे नाह एता पुण बिमारी वोळतेच रेणू एतो. 27ताहेरया तिने यीशुन बारामाय होमलील तेवी तान गर्दव माय तान पासाण आवी एने तान फाडका स्पर्श किरील. 28काहाकाय तान केतेह एती, केवळ तान फाळकाह स्पर्श केरील तेभी हाजी एय. 29तेवी लागीच तान लुयूस्राव झिर हुकव गीयो एने आपु ता पिडामायारिन हाजो एय गीयो हि इही तान शरीर राम अनुभव आवा. 30यीशु चालूच होमजव जायेल मारेमाय रीन सामर्थ्य निकलील हि ज्यो यीशु चालूच ओलखवएने गर्दव माय वलावा कियील, मार फाडका कूण शिबिल? 31तान चेला ताह कियेल, तू देव खव का माणहान गेर्दव तार पुर पोडणे केरनेव तू ज्यो का थव का कूण माहु शिबव 32तेवी यीशु ताह एरने केरता जो ज्यो काम केरेलइतू चार उखेर नजर टाकील ल, 33तेवी तान बायकू ज्यो ओल्खवका तान हेर्यो काय एनो आपणे बारामाय जव कांही घटना एय एने तान सोमजव गीया यव एने तान कापते-कापतेन ताफाय आवी एने तान पाया पोडव तान ताह आखो खेरो-खेरो केय देनव, 34यीशु तान कियील, सोरिन, तारो एने विश्वासन तुवाह हाजो केरील हि; शांतव से जा तार पिडामायारिन मुक्त एय जा. 35तो बाहेर एतो कोलाकामाय यहूदव आराधनालयान अधिकाऱ्यांन घेराउखव रीन कांही माणुह आवी एने ताह कियेल, आपणी सोरिन मरण देखाईल ऐव एने गुरूह त्रास काहा आपथो. 36पुण यीशु तान बोलनाउव गे लक्ष्य आपथो आराधनालयान अधिकाऱ्याराह कियील, बिऊ मां एने विश्वास मात्र देर. 37तान पतरस याकूब, याकूबान बाहाक यूहन्ना ज्यान शिवाय कुनव भी आपणेहेर्यो आवहू आपील नाहं. 38ओवतू तो आराधनालयान अधिकाऱ्यांन घेरान आहने आवील ते रेड्णारे एने आखान केरणारा ज्यान कापालव चलवतान देखाणे. 39तो माय जाइन ताहाच कियील, तुमूह का कापालव केरता एने रेड्ता? सोरो मोराना नाहं निंदिमाय हि. 40तेवी तो आहने लागिल; पुण तान ता आखान बाहेर मोकलील आपील एने सोरिन आहाकआंबू एने आपनेहेर्यान माणुह लावा सोरिन एती ताहारिन तो गीया. 41ओवतू सोरिन आथाह देरीन तो कियील, तलव मा कुम; ज्यान मतलब सोरिन मी तुवाह किथु उठ. 42एने चालूच तान चेतावणी उठीन चालू लागिल; काहाकाय तान बारा वर्षान एती तेवी तो चालूच आश्चर्य चक्कित एय गीयो. 43ओवतू तो ताहा चेतावणी किथी का ज्यो कुणीह मालूम नाय पोडणे जुवी, एने कियो “जिहा काय भी खाणेन आपु.”
Obecnie wybrane:
मरकुस 5: NLXNT
Podkreślenie
Kopiuj
Porównaj
Udostępnij
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
Nahali (नाहाली) Bible by The Love Fellowship is licensed under Creative Commons Attribution-ShareAlike 4.0 License.
