लूका 21

विधवान दान

(मरकुस 12:41-44)

1ओवतो यीशु नजर उचो केरीन धनवान न्याह आपणा-आपणा दान भांडारामाय ताकातालून देख्या. 2तान एक गरीब विधवेला पुण तामाय दुय ताबान पोयशा तामाय टाकाताली देख्यो. 3तेवी तो कियील, “मी तुमूह खेरीच किथु का जी गरीब विधवा आखा मायरीन जादा टाकील हि. 4काहाकाय ता आखा आपणी कमाई मायरीन दानामायरीन काही टाकील हि, पुण जी आपणी कमाई मायरीन आपणी आखी टाक दियील हि.”

जगान नाशने लक्षण

(मत्ती 24:1-14; मरकुस 13:1-13)

5तेवी काही माणहे मंदिरा विषयी केताला कि तो कोलाक हाजा तो दिगुड एने भेटान वस्तु केरीन होमजाळीन हि, तेवी तो कियील, 6“तो दिह आवती, तामाय हे आखा जो तुमूह दिखिह हि, तामायवाला न्या काही देगडापूर दिगुड पुण नाहं सुटणार जो पोडील जाहू नाहं.”

7तास ताह फुसील, हे गुरुजी, ज्या आखा केध्दीह एय? एने ज्या आखा वात एने पोर एय, तर ता टायीमा काय चिन्ह एय? 8तो कियील, “होमंबालीन रीवू कि ढेगोंन जाहू, काहाकाय जादा मारो नावान आवीन केनार, मी तोच हि, एने हे पुण कि, टाइम आहने आवी हि, तुमूह तान पासाण मा निकलीन जाहू. 9ताहेर्यो तुमूह लेळाय एने दंगे याबाराम होमबोलणार तर बियीन जाहू मा, काहाकाय हे एने अवश्य हि; पुण ता टाइम कोलाकामाय शेवेट एय नाहं.”

10तेवी तो ताह कियील, “जाती पोर जाती एने राज्यापोर राज्य उठीह. 11एने मोठा मोठा भूकंप एय, एने जोगो जागे दुष्काळ एने म-या एय, एने आकाशा मायरीन भयानक वातू एने मोठ मोठली चिन्ह प्रगट एय. 12पुण ज्यू आखी वातून पेल तो मारो नावान वजेसे तुमूह देरी एने त्रास देती, एने आराधनालय माय स्वाधीन केरुहू, एने बंदिगृहाम टाकणे, एने राज्या ओगांण एने अधिका-या ओगांण लीन आवती.” 13पुण जो तुमरे केरता गवाही आपणेन संधी एईन जाहू. 14केरीन आपणा आपणा मोना माय मेल लिवू का आमु पेल उत्तर आपणेन चिंतान केरुहू. 15काहाकाय मी तुमूह ओहलो बळ बुद्धी आपुह का तुमरा आखा शत्रु आडवणार एने तीन विरुद्ध माय केरुहू नाहं. 16तुमरो आई आबाक, बायाक, एने घेरल्या, एने हेरी पुण तुमूह देरावीन आपण्यू; न्यापुर कि तुमरो मायरीन काही मारीन टाकणे. 17मारो नावानवजसे आखा माणहे तुमरो द्वेष केरुहू. 18पुण तुमरो मुडीपूर वालो एक लेट्यां पुण वाकाला एय नाहं. 19आपणो धीराने तुमूह आपणो जीवाह वोचाडीन मेलूह.

यरूशलेमान नाश

(मत्ती 24:15-21; मरकुस 13:14-19)

20“ताहेर्यो तुमूह यरूशलेमह सैन्यांनी घरले देखील, तेवी होमजाडीन ली कि तान निवरनो आहने हि. 21तेवी जो यहूदियामाय एती तां बोयडा उखेर नाह जाणे जुवी. एने जा यरूशलेमाय हेते ता बाहेर निकलीन जांय; एने जा गावामाय एती ता तामाय नाय जाय. 22काहाकाय ज्या बोद्लो लेणेन दिह हेते, तामाय लिखील आखी वातू पुरी एय जाय. 23ता दिहामाय गरोदर एने स्तन पिवडाणा-या एती, तान केरता हाय हाय! काहाकाय कि राष्ट्राम मोठू क्लेश एने आवो माणहांपोर एय. 24ते तलवारीन धारेने पळती, एने आखा राष्ट्रान माणहामाय बंदी एईनमोकल्या जाहू; एने जेवीवोर दिहरी देशान टाइम पुरो नाहं एय, ताहउर यरूशलेम दिहरी जातीन पाया बुंदे तूळविले जातीमाय.”

यीशुन वापस आवणेन चिन्ह

(मत्ती 24:29-31; मरकुस 13:24-27)

25“सूर्य, एने चांद, एने तारा याम चिन्ह देखा; एने पृथ्वीपोर दिहरी जातीन माणहांपोर संकट आवूह, काहाकाय ते समुन्द्र गर्जनेच्या एने जावटो लहरीन बियीन जाहू. 26भयामुळे एने जगाम आवणारी आपत्तीला वाट देखता-देखता माणहान जीवाम जीव नाहं रेहू, काहाकाय आकाश्यान शक्ती आलाडील जाहू. 27तेवी ते माणहान सोराह सामर्थ्याने एने मोठली महिमा हेऱ्यो वादलापोर आव तालून देखणार. 28ताहेर्यो आवो वातू घेळहु लागणार, तर हेल्लीच एईन आपणो मुंडाह उपेर विसणेन; काहाकाय तुमरी मुक्ती आहने हि.”

बोगवानान राज्य आहने हि

(मत्ती 24:32-35; मरकुस 13:28-31)

29तान ताह एक वार्ता पुण कियेल: “अंजीरान झाडाह एने आखा झाडान देखू.” 30जें पुण ताम फुट काढवू, तर तुमूह देखीन आपुच ओलखिन लेणे कि होमली आहने आवा हि. 31आव प्रकारे आखा ताहेर्यो तुमूह आवो वातू एतालोन देखणार, तेवी होमजाडीन ली कि बोगवानान राज्य आहने आवा हि. 32मी तुमूह आखा काही किथे कि जेवीवोर हि वात नाहं एय, ताहउर आवो पिडीन नाश नाहं एय. 33आकाश एने पृथ्वी टेलती, पुण मारी वात केधीच नाहं टेली.

तियार रीवो

34“तान केरता होमालीन रीवू, इही होव कि तुमरो मोन नशेला एने संसारान चिंता, एने आवो जीवनान चीनात सुस्ताईल एईन जाहू, एने ते दिह तुमरे पोर अकस्मात सारकोस उचकाहूस आवीन दोवेडणार. 35काहा ता आखा पृथ्वीपोर आखा रेणारा पोर ज्या प्रकारे आवीन दोवेडणार. 36यानकेरता जागृत रीवू एने प्रत्येक टाइम प्रार्थना केरतीन रीवू कि तुमूह आवो आखा आपणारा वातूह वाचणे एने माणहान सोरो सुमोर उबरीयेल रेणेन केरता लायकी बोणावूहु.”

37तो दिहामाय मंदिरामाय शिक्षण आपतेन एतो, एने राती बाहेर जाइन जैतुन नावान डोंगरापोर रेथे एतो; 38एने वेगाच आखा माणहे तान होमल्यो केरता मंदिरामाय तान आहने आविह एता.

Obecnie wybrane:

लूका 21: NLXNT

Podkreślenie

Kopiuj

Porównaj

Udostępnij