मरकुस 3
3
उगालाआ आथोवालू मांहो हाजु ओवलोओ
(मत्ती 12.9-14; लूका 6.6-11)
1येशु फाशु मंदिरोमेहे गोयु तीही एक माहू ओतो तियाआ आथ पांगलू ओतु, 2अने तियापो दोष मेकीलू कोईत शब्बाथ तेदीही तो तियाहा हाजो कोअत्लू का कि ओ पालुहू ते निकाइत बोह्ये ओते. 3तेहलाम तिये आथे उगाला माहुंहु कोयु, उठ, अने उबु रो 4फासाडी तो तियाहा कोयु, शब्बाथ तेदीही हाजो कोअला किंवा वाईट कोअला, जीव वाचाडिलो किंवा जीव घेणे यामरोत कोठले सशास्त्र होय? पण ते उगेच रोल्या 5फासाडी येशु रागामे भरात आखांही पालील्यो अने तियाअ माहुंहु आथे सेटू को; तिये आथे सेटू कोअयु अने तो हाजू ओवयू. 6फासाडी परुसी बारथे जात येशुउ घात केहलु कोईओलो याविषयी लागीस हेरोदिया आरी त्याविरुद्ध मसलत कोईत बोह्ये.
गोर्दी येशु जागे आवयी
7येशु आपाआ शिष्याआरी गालील च्या तलावोही निहित गोल्यो अने गालीलामे वोडू जमाव फासाडी-फासाडी निघाल्यू, 8यरुशलेम, यहुदिया, ईदोम अने यार्देनचा तीवोगर्यु भाग अने सोरव सिदोन याआ आसेपासेए भाग यामरोत वोडू जमाव जी वोडवोडी काम कोईत ओतु त्याविषयी होमलित तिया जागे आवयू. 9तेहलाम गर्दीवही आपु चेंगरून जाऊ कायना कोईत तिये शिष्यांआ आयती नाव तीयार कोईलाकाजे कोयु. 10काहाके तिये दिहराहा हाजो कोल्यु ओते कोईत जे रोगोम पिडलेले ओते ते आखे तियाहा स्पर्श कोईलाकाजे तियाआ डीलोपो पोडीत ओते. 11जाहा-जाहा अशुद्ध आत्मा तियाहा पालीत ओते तेहलाम ते तियाआ गुडू पोडीत कोयो का तू परमेश्वरोओ पोऱ्या होय 12अने तो तियाहा धमकाव्यो आपित कोयु एहलो का याविषयी गोगू नाहा.
येशु द्वारा बारा प्रेरितो निवड
(मत्ती 10.1-4; लूका 6.12-16)
13फासाडी तो डोगोप सोडित गोल्यो अने तियाहा हवे ओते तियाहा हादाडये अने ते तिया जागे आव्ये. 14तेहलाम तिये बारा जणोपो नेमणूक कोअयी; यकोअता का, अने ते तियाआ आरी-आरी रोये अने तो तियाहा मोकले का प्रचार कोआ 15इये आपाआरी रोहू अने दुष्टात्मा काडीला अधिकार आपित उपदेश कोईलाकाजे तियाहा मोकल्यु. 16तिये याआ बारा जाणाहा नेमणूक कोअयि अने शिमोनाहा पेत्र ओ एक नाव आप्लु 17जब्दीचा पोऱ्या याकोब, अने याकोबाआ पाही योहान याहा बोआनेर्गेस म्हणजे गर्जनेआह पुत्र ओबी नाव आप्लु, 18आंद्रिया, फिलीप्प बरतुल्मै, मतय, थोमा, अल्फीई पोऱ्या याकोब तद्दै अने शिमोन कनानी, 19अने तदद्य शिमोन कनानी अने तियाहा तोईत आपणारो यहुदा इस्करियोती.
येशु अने बालजबुल
(मत्ती 12.22-32; लूका 11.14-23)
20फासाडी तोअ कोअ आवयू तेहलाम फासी एवडे मांहे एकटा का तियाहा खायलाकोत ए वेल मिळेना. 21ओ होमलित तियाआ होगवाड्ये तियाहा तोइलाकजे निकलीलू काहाके तियाहा गांडवायू लागाडीत होय एहलो त्याआं कोईओलो ओते. 22यरूशलेमामेरोत आवल्या शास्त्री कोयो ओते का तियाहा बालजबुल लाग्यू होय तो तिया दुष्ट आत्माआ ओ सरदाराआ अने तियाआ मदतीवाही दुष्टआत्मा काडत्लू 23ताहा तो तियाहा आपाआरी हादीत दृष्टान्त कोनू लाग्यू का, शैतान शैतानोहो केहलो काढे? 24अने जर आपसामेहे फुट पोडल्ये राज्य तिकतो नाहा जर राज्यामेहे फुट पोडे ते राज्य उजाड ओतगोयु जाहो अने फुट पोडे ते कोअमें केहे टिकनारो? 25आपसामेहे फुट पोडल्ये कोए टीकीत नाहा 26शैतान खुद्पो उठ्यू अने तीयाम फुट पोड्यी ताहा तोए टीकीत नाहा तिया आखिर उवे. 27ताकदवान माहुंहु पेल्योओ बांधल्यावांही कोडोबी तियाआ कोअमे शिरून तियाआ धनदोलत तियाहा बांधल्यापोज तियाआ को लुटेलो आवे. 28आय तुमाहा खचीत कोत्लू का मानवपुत्राआ आखे एह्लाम पापापो अने निंदा कोईओलो दुर्भाशनाआ क्षमा उवे, 29पोन जो कोडु पवित्र आत्माआ निंदा कोआ तियाहा क्षमा नाहाज ताहा तो सार्वकालिक पापाआ दोषी होय. 30तियाहा अशुद्ध आत्माआ लाग्यू होय, एहलो ते कोयो ओते कोईत तोओ बोलतुल्यो.
येशुउ याह्ही अने पाहि
(मत्ती 12.46-50; लूका 8.19-21)
31तेहलाम तियाआ याह्ही अने तियाआ पाही आव्ये अने बारथे उभे रोत तिये खोबोर मोकलित तियाहा हादाडये. 32त्यापरोत खूप मांहे बोह्ये ओते ते तियाहा कोयु पाला, बारथे आपाआ याह्ही अने आपाआ पाही आपाआ होद कोईत होय 33तिये तियाहा उत्तर आप्लु कोडू माआ याह्ही अने कोडू माआ पाही? 34फासाडी जे तियाआ भोवती बोह्ये ओते त्याआरोत पालहु तो कोयु, पाला, ए माआ याह्ही अने ओ माआ पाही 35जो कोडु देवाच्या इच्छेवही वागीलो तोज माआ पाही, तेज माआ बोईही अने तेज माआ याह्ही.
Obecnie wybrane:
मरकुस 3: NOINT
Podkreślenie
Udostępnij
Porównaj
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
Noiri (नोयरी) Bible by The Love Fellowship is licensed under Creative Commons Attribution-ShareAlike 4.0 License.
