मरकुस 16
16
खाली कब्र
(मत्ती 28.1-8; लूका 24.1-12; युहन्ना 20.1-10)
126 जाहा शब्बाथ दीह जातु गोयु ते मरियम मग्दलिनी अने याकूबोओ आय ही मरियम अने सलोमी ऐ मोम मोंग सुगन्धित वस्तु वेस्ती लेदी का आवित त्यापोओ चोले. 2हाफ्ताआ पाल्या तेदीही वोडो वेगरयुज जांहा दिह निहयुज ओतु, ती कब्राआ उपो आवयी, 3अने आपसामेहे कोअला, “आमा कोअता कब्राआ बायनापोरोत कोडु डोणो ठेपलीत आपे?” 4जाहा तिये डोआं उगड्यो, तेहलाम पालील्यो ताहा डोणो ठेपल्या गोल्यो होयतो जाखो वोडू ओतु. 5कब्राआ जागे जात तिये जुवानाहा उजले कापडे कालीला हुदिवोल बोहीतरोल्यु पाल्यू, अने जाखो चकित उवे. 6तिये तियाहा कोयु, “चकित उवहू नाहा, तुमु येशु नासरीही, जो क्रूसापोओ सोडल्या गोल्यो ओतु तियाहा होदित होय तो मोईलामरोत जीवतो उठ्यू होय, इही नाहा होय, पाला ओ ओच स्थान होय, ईहि तिये तियाहा मेक्ल्ये ओते. 7पोन तुमु जा, तियाआ शिष्यांनी अने पेत्राहा कोआ तो तुमाआ आगाडी गालीला मेहे जाहुजेहे का तिये तुमामे कोयु ओते, तुमु तिहीज तियाहा पालिलो.” 8अने ते निहित कब्राआ मायरोत निहित गोयी; काहाके थर अने बीइलाहोस तियापो होतगोयो गोये; तिये तियाहा किबी कोयु नाहा, ती काहाके बितगोयी ओती.
मरियम मग्दलनी येशुहू देखत्ली
(मत्ती 28.9-10; युहन्ना 20.11-18; लूका 24.13-35)
9हाफ्ताआ पाल्या तेदीही वेगीई ओतुज तो जीवतो ओवयू पाल्या भोला वेगीई मरियम मग्दलिनी ज्याआ मायरोत तिये सात दुष्टात्मा काढ्ये ओते, तीही येशु देखायू. 10तीही जात येशुउ हातीदारोओ शोकात बुडोलो ओते अने रडीत ओते, वर्तमान आप्यू. 11ते ओ होम्लाडित का तो जीवतो होय अने तीही तियाहा पालील्यो, विश्वास नाहा कोअयु.
बेन चेलाहा देखालोओ
12तियाआ फासाडी तो दिहरा रुपात त्यांमेरया बेनुहू जांहा ते गावोही जात होतदिसले 13तिये पोन जात दिहराहा खोबोर आप्यू, परंतु तिये तियापो पोन विश्वास कोअयु नाहा.
महान आदेश
(मत्ती 28.16-20; लूका 24.36-49; युहन्ना 20.19-23; प्रेरितो काम 1.6-8)
14फासाडी तियाहा तिया आकरा जनाहा पण जांहा ते रोटू कोअला बोह्ये ओते देखायू ओतु, अने त्याआं ज्या अविश्वासहातो अने मोनाआ कोठरता उपो दोष लागाड्यू, काहाके जिये तियाआ मोईलामरोत जीवतो उठेताहा तियाहा पालील्यो, तिये तियापो विश्वास मेकलू ने ओतू. 15अने तिये तियाहा कोयु, “तुमु आखे जगात जात आखे धरतीई माहुंहु सुसमाचाराआ संदेश को. 16जो विश्वास कोअत्लू अने बाप्तिस्मे लेहो तीयाआज उद्धार उवे, परंतु जो विश्वास नाहा कोअनारू तो दोषी ठरविल्यो जाइअलो; 17विश्वास कोवनारापो ओ चिन्ह होय का ते माआ नावामेहे दुष्टात्मा काढे, नवो भाषा गोगे, 18हापोहे विसित लेणारे, अने केधी ते प्राणनाशक वस्तू पण पित कोईत लेधोतेबी तियाआ नुकसान उवे नाहा; मादवाड्यापो आथे मेकीत, अने ते हाजो होय”.
येशुउ होरगाम जाअलो
(लूका 24.50-53; प्रेरितो काम 1.9-11)
19प्रभू येशु त्याआरी गोठी कोईलानंतर होर्गाम लेदो गोल्यो अने परमेश्वरोओ हुदिवोल बोहित गोल्यो. 20अने ते निहित हर एक जागापो प्रचार कोअयु, अने प्रभू आरी काम कोईत रोला, अने तियाअ चिन्हद्वारे जे जागे-जागे उवनारा वचनोमे दृढ कोईत गोल्यो आमेन.
Obecnie wybrane:
मरकुस 16: NOINT
Podkreślenie
Udostępnij
Porównaj
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
Noiri (नोयरी) Bible by The Love Fellowship is licensed under Creative Commons Attribution-ShareAlike 4.0 License.
