लूका 3

युहन्ना बाप्तिस्मा आपनारा सन्देश

(मत्ती 3.1-12; मरकुस 1.1-8; युहन्ना 1.19-28)

1तिबिरियुस कैसर याआ राज्याआ पधराव्या सालोमेहे जांहा यहुदी राज्यपाल हाकिम पुन्तियुस पिलात ओतु अने तियाअ प्रदेशाआ चारपट भागुम राजुमेहे हेरोद गलीलाआ, तिया पाही फिलीप्प ओ इतुरीया अने त्राखोनिती याआ देशाआ मांडलिक अने लुसनिया अबिलेनोओ राजा ओतु, 2अने हन्ना अने कैफा ओ महायाजक ओते तेहलाम जखऱ्याआ पुत्र योहान च्या जागे डोगुमेह वचन परमेश्वरा पुग्या. 3फासाडी तो यार्देन नदी आखे प्रदेशाम पापोओ माफी काजे पश्चाताप कोईत बाप्तिस्मे लेवा एहली घोषणा कोईत फिर्यु. 4ओ यशायाह संदेष्टाआ पुस्तकाम जेहलो लेखिलो होय तेहलो उवो एहलो जंगलूम घोषणा कोअनाराआ वाणी उवी ती एहली का, “परमेश्वरोओ मार्ग तीयार को”, तिया वाटा सिद्ध को. 5हर एक खोरे पोऐ, हर एक डोगो अने टेंबु सखल उवेवाकडो हीदू होय खडका वाटा हारको होय. 6अने आखे प्राणी परमेश्वराने कोयु तारण पालिलो 7योहान जांहा तियाहा बाप्तिस्मे आपलो कोअता आवीत एहलो तेहलाम माहुगोदीही कोयो एहलो, “ऐ हापाहा पिलाआ, चालू क्रोधाम रोत गुगदीला तुमाहा कोडु सावध कोल्यु?” 8ओमे पश्चतापाआ योग्य एहली फोले दया, अने आब्राहम आमाआ बाह्हू होय एहलो आपाआ मोनामे कोडु नाहा काहाके आय तुमाहा कोत्लू, याआ दोनापोरोत अब्राहमोओ पोऱ्ये निर्माण कोईलाकाजे देव समर्थ होय. 9ओमेज साडोओ मुलामे कुवाड मेकली होय जे-जे साड हाजो फोल आपित नाहा ते-ते तोडीत आगीम टाक्ये जाहो. 10तेहलाम लोकसमुदाय तियाहा फुसित, ताहा आमाहा कि कोईओलो? 11तो तियाहा उत्तर आपित ओतु, ज्यापो बेन अंगरखे होय तिये ज्यापो नाहा त्याआरी वाटीत लेदलेए अने ज्यापो ओन होय तिये पण ऐहलेच कोईओलो. 12अने फालु लेनाराबी त्यापो बाप्तीस्मा, ओ गुरु, आमाहा कि कोअला हवे? 13तेहलाम तिये तियाहा कोयु, “जेवडे हवे होय त्यापेक्षा जाखा एखटो कोहू नाहा” 14किबी शिपायाआ तियाहा फ़ुस्ल्याआ, आमाहा नाहाकोत कोअला हवे? तेहलाम तिये तियाहा कोयु, जोबरीव कोडापरोत धन-दौलत लेऊ नाहा, कोडापो ठोग आरोप लागाडहु नाहा आपाआ पगाराम संतुष्ट एहेलू. 15मांहे जांहा वोडी आशा घेऊन वात पालीत ओते अने योहानाब्द्द्ल आपाआ मोनामे विचार कोईत ओते, का ओच ताहा ख्रिस्त नाहा ने? 16तेहलाम योहानाई उत्तर आपित कोयु, “आयताहा तुमामे पायोंवाही बाप्तिस्मे आपित होय” परंतु जो मांपोरोत जाखा ताकदवान होय तो आवीत होय आय तियाआ चप्पलो बंद तीयाहाभी सुडुहू योग्य नाहा तो तुमामे पवित्र आत्मावांहि अने आगीवाही बाप्तिस्मे आपी. 17तियाआ आथोमेहे फकाविलाकाजे हुपडो होय तीयावाही तो दान अने भूसो यांहा अलग साफ गोवे आपाआ खोलामेहे मेकल्यु भूसाहा तो एहलो आगीम टाकोहो जीही आग उलवात्ली नाहा. 18ह्याप्रमाणे एहलो गोठीमे तो तियाहा होमजाडीत सुवार्ता कोयु ओतु.

हेरोदास द्वारा युहन्नाहा बंदीगृह मेहे टाकलोओ

(मत्ती 3.13-17; मरकुस 1.9-11)

19याआनंतर योहान तियाअ चारपट प्रदेशाम मांडलिक राजा हेरोद याहा तियाआ पाहीओ लाडी हेरोदिया यीई आरी वाईट संबध अने तियाआ वाईट कामामुळे धोमकाव्ये अने दोष देखाये. 20जे किबी पाप जोडीत लेधलो यापो हेरोद राजाआ योहानाहा जेलूम बोणाडीत लेधलो.

युहन्ना द्वारा येशुउ बाप्तिस्मा

21एहलो उवे का जांहा आखे मांहे बाप्तिस्मे लेत ओते तेहलाम येशु पण बाप्तिस्मे लेदो अने जांहा येशु प्रार्थना कोईत ओतु तेहलाम जुग उगड्यो गोये. 22अने पवित्र आत्माआ एक कबूतरो होस डीलोरूपावाही तियापो उतरीलो अने जुगोम आवाज ओवयू का “तू माआ प्रिय पोऱ्या होय, ताआ विषयी आय संतुष्ट होय.”

येशुउ वंशावली

(मत्ती 1.1-17)

23येशु जांहा आपाआ सेवाकार्याआ सुरवात कोअयी तेहलाम तो सुमारे तीस सालाआ ओतु मांहे तियाहा योसेफाआ पोऱ्या एहलो होमजाडीत योसेफ एलीयाआ, 24तो मत्ताथाआ मत्ताथ, लेविई लेवी, जो मल्खीई, मल्खी जो यन्नयाआ, यन्नय जो योसेफाआ, 25योसेफ जो मतीथ्याआ, मतीथय जो आमोसाचा, आमोस जो नहूमाआ, नहूम जो हेल्सीआआ, हेल्सी जो नग्‍गई याआ, 26नग्गय जो महथाचा, महथ जो मतीथ्याआ, मतीथ्या जो शिमयीइ, शिमयी जो योसेखाचा, योसेफ जो योदाचा, 27योदा जो योहानाआ, योहान जो रेसा, रेसा जो जरुब्बाबेलाआ, जरुब्बाबेल जो शाल्तीएलाआ, शालतिएल जो नेरीचा, 28हाजी जो मल्खीई मल्खी, जो अद्दिई-अद्दिई, जो कोसोमाआ कोसोम, जो एल्मदामाआ, एल्मदाम जो एराआ, 29एर जो येशुउ, जो एलीयेजरा एलीयेजर, जो योरीमा योरीम, जो मताथाचा मताथ, जो लेविई. 30लेवी जो शिमोनाआ शिमोन, जो यहूदाआ यहूदा, जो योसेफाआ योसेफ, जो योनामाआ योनान, जो एल्याकीमाआ, 31एल्याकीम जो मल्लाआ मल्ल, जो मिन्नाआ मिन्ना, जो मताथाचा मताथ, जो नाथानाआ, नाथान जो दाविदाआ, 32दावीद जो इशायाआ इशाय, जो ओबेदाचा ओबेद, जो बोअजआ बोअज, जो सलमोनाचा सलमोन, जो नहशोनआ, 33नाहशोन जो अम्मिनादाबाचा अम्मिनादाब, जो आदमीनचा आदमीन, जो अर्णयाआ अर्णया, जो हेस्त्रोनाआ हेस्रोन, जो पेरेसाचा पेरेस, जो यहूदाआ, 34यहूदा जो याकोबाआ याकोब, जो इसहाकआ इसाहक, जो अब्राहमोओ आब्राहम, जो तेरहाआ तेरह, जो नाहोराआ, 35नाहोर जो सरुगाआ सरुग, जो राऊउ, रऊ जो पेलेगाआ पेलेग, जो एबराआ एबर, जो शेलहाआ. 36शेलह जो केनानाआ केनान, जो अर्पक्षादाआ अर्पक्षाद, जो शेमाआ शेम, जो नोहाआ नोहा, जो लामेखाआ, 37लामेख जो माथुशलाआ मतुशेलह, जो हनोखाआ हानोख, जो यारेदाआ यारेद, जो महलेलाहा, महलेल जो केनाआ केन, जो आनोशाआ, 38अनोश जो शेथाआ शेथ, जो आदामाआ आदम, जो परमेश्वरोओ पोऱ्या.

Obecnie wybrane:

लूका 3: NOINT

Podkreślenie

Kopiuj

Porównaj

Udostępnij