1 કુરિંથીઓ પત્રો 6
6
વિશ્વાસી લોકુહુને ઝગળા ફેસલો કેહેકી કેરા જોજે
1કાદાચ વિશ્વાસી લોકુમે એકબીજા આરી ઝગળો વેહે, તા ફેસલો કેરા માટે કોટુમે નાય જાવુલો. પેન તુમુહુ તુમા મંડળીમે બીજા વિશ્વાસીલે તુમા ઝગળા ફેસલો કેરા ખાતુરે આખા જોજે, કા તુમામે કેડો હાચો હાય. 2તુમુહુ હારી રીતીકી જાંતાહા, વિશ્વાસી લોક ઈયા જગતુમે લોકુ ન્યાય કેરી. ઈયા ખાતુરે જાંહા તુમુહુ જગતુ લોકુ ન્યાયાય કી સેક્તાહા, તા તુમા હાના-હાના ઝગળા બી ફેસલો કી સેક્તાહા. 3તુમુહુ ઇ બી જાંતાહા કા આવનારો સમયુમે આપુહુ હોરગાદુતુ ન્યાય કીહુ, તા પાકી રીતીકી આપુહુ ઈયા જીવનુ વિશે ફેસલો કી સેક્તાહા. 4કાદાચ ઇયાં જીવનુમે એહેડા મામલા હુંબુર આવતાહા, તા તીયા ફેસલો કેરા ખાતુરે એહેડા લોકુહુને માઅ આખાહા જીયા લીદે મંડળી ઈજ્જત નાય રેઅ. 5આંય ઈયા ખાતુરે આખુહુ કા ઇ ઉનાયને તુમનેહે શરમ આવે. કાય તુમા મંડળીમે એક બી હોમુજદાર માંહુ નાહ? જો વિશ્વાસી લોકુહુને ઝગળા નિકાલ કી સેકે. 6એહેકી કેરા બદલે તુમુહુ વિશ્વાસી-વિશ્વાસી ઝગળા ફેસલો કેરા માટે કોટુમે જાતાહા, આને તોઅ બી અવિશ્વાસી લોકુ હુંબુર.
7ખરેખર તુમુહુ પરમેહેરુ વચનુ અનુસાર જીવન નાહ જીવતા, કા તુમુહુ વિશ્વાસી-વિશ્વાસી વિરોધુમે મુકદમો લડતાહા. એહેકી કેરા બદલે કાદાચ એગો વિશ્વાસી તુમા આરી ગલત વેહવાર કેહે તા કેરા ધ્યા, આને ધોકો કીને તુમા પાહી કાવીહી છીનવી લેહે તા લી લ્યા ધ્યા. 8પેન તુમુહુ પોતે તુમા આર્યા વિશ્વાસી આરી ગલત વેહવાર કેતાહા, આને તીયા આરીજ ધોકો કીને તીયાપેને પોયસા પાળાવી લેતાહા. 9તુમુહુ હારી રીતીકી જાંતાહા કા અન્યાય કેનારા લોકુ પરમેહેરુ રાજ્યમે ભાગીદાર નાય વેઅ. ભુલ નાય કેરુલો, વ્યેભિચાર કિનારે, મુર્તિ પુજા કિનારે, આને બીજી થેયુ આરી વ્યભિચાર કેનારે, લુચ્ચાય કેનારે, આદમી-આદમી આરી શારીરિક સંબંધ કિનારે, 10ચોરી કિનારે, લોભ કેનારે, હોરો પીનારે, ગાય દેનારે, ધોકો આપનારે, ઇ બાદે ગલત કામે કેનારે પરમેહેરુ રાજ્યમે ભાગીદાર નાય વેઅ. 11તુમામેને થોડાક લોક પેલ્લા એહેડોજ જીવન જીવતલા, પેન તુમુહુ પ્રભુ ઇસુ ખ્રિસ્તુ નાવુમે આપુ પરમેહેરુ આત્માકી તુમા પાપ તુવી ટાકે, આને તુમનેહે પવિત્રઆત્મા ધર્મી બોનાવે.
શરીર પરમેહેરુ મહિમા માટે
12તુમામેને થોડાક લોક આખી સેક્તાહા કા માને બાદો કેરા છુટ હાય, પેન આંય આખુહુ બાદી વસ્તુ લાભદાયક નાહ, બાદો કેરુલો છુટ હાય, પેન આંય કેલ્લી બી વસ્તુ ગુલામ નાહ બોના માગતો. 13તુમામેને થોડાક લોક આખી સેક્તાહા કા માને બાદો કેરુલો છુટ હાય, માંડો આપુ શરીરુ માટે હાય, આને શરીર માંડા માટે નાહ, પેન પરમેહેરુ આપુ શરીર આને આપુ માંડા બેનુ નાશ કેરી. આપુ શરીર વ્યભિચાર કેરા ખાતુરે નાહ, પેન પ્રભુ મહિમા માટે હાય, આને આપુ શરીર પ્રભુ આપલો હાય.
14આને જીયા સામર્થુકી પરમેહેરુહુ, પ્રભુ ઇસુ ખ્રિસ્તુલે મોલામેને ફાચો જીવતો કેયો, તીયાજ સમર્થુકી આપનેહે બી મોતુમેને જીવાવી, ઈયા ખાતુરે આપુ શરીર મહત્વ હાય. 15તુમુહુ હારી રીતીકી જાંતાહા, કા તુમા શરીર ખ્રિસ્તુ શરીરુ એક અંગ હાય, તા કેલ્લો બી માંહુ પોતા શરીર જો ખ્રિસ્તુ અંગ આખાહે તીયા વેશ્યા આરી જોળી સેકેહે? નાય બિલકુલ નાય. 16તુમુહુ હારી રીતીકી જાંતાહા કા કેડો બી વેશ્યા આરી વ્યભિચાર કેહે, તા તોઅ તીયુ આરી, શારીરિક રુપુમે વી જાહે. કાહાકા પવિત્રશાસ્ત્રમે લેખલો હાય, “તે બેનુ એક શરીર વેરી.” 17આને જો પ્રભુ સંગતી રેહે, તા તીયા આત્મા આને પ્રભુ આત્મા બેનુ આત્મા એક વી જાહે. 18વ્યેભિચાર માઅ કીહા. કેડો બીજો પાપ શરીરુપે અસર નાહ કેતો જોતો ઓ પાપ કેહે. કાહાકા વ્યભિચાર કેનારો પોતા વિરુધ પાપ કેહે. 19તુમુહુ હારી રીતીકી જાંતાહા કા, કા તુમા શરીર પવિત્રઆત્મા મંદિર હાય, આને પવિત્રઆત્મા જે તુમનેહે પરમેહેરુ વેલેને મીલીહી, તે તુમામે વાસ કેહે, આને તુમુહુ પરમેહેરુ હાય. 20કાહાકા પરમેહેરુહુ કિંમતુ રુપુમે ઇસુ ખ્રિસ્તુલે આપીને તુમનેહે છોડાવી લેદાહા, ઈયા ખાતુરે તુમા શરીરુ મારફતે પરમેહેરુ મહિમા કેરા.
Obecnie wybrane:
1 કુરિંથીઓ પત્રો 6: DUBNT
Podkreślenie
Kopiuj
Porównaj
Udostępnij
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
Dubli (દુબલી) Bible by The Love Fellowship is licensed under Creative Commons Attribution-ShareAlike 4.0 License.