मत्ती 2
2
टी दोडोमिंकू गा पूर्व टे हेजे
1मेटे हेरोदेस राजा गा दिनेन यहूदिया जिल्हा बैतलहम पूरान यीशु गा जनम डायेन, मेटे पूर्व टे टी दोडोमिंकू यरूशलेम शहर गेन हेंडो कोकाम्बारा लज्जे। 2“डी सानी पोट्टा तोटेनेज होय, जो यहूदी कुरकू गा राजा आरु घल्जी डायेन होय? चोयाकी आलेनी पूर्व गेन दियागा जनम गा बारेन गघाल मिठाच इफिल डोके होय, इनिघल्जी आले दियागा आराधना दडा हेन होय।” #गिन. 24:17
3यहूदी कुरकू गा राजा गा जनम गा बारेन आजुमटे, राजा हेरोदेस एठा यरूशलेम शहर गा पूरा कुरकू हिगराएन। 4इनिघल्जी डीचनी कुरकू गा सेबाई मुख्यायाजक एठा मूसा गा नियम इथूमिंकू के गोलाकेकु डो दिकुटे कोम्बाराके, “मसीह गा जनम गा बारेन पवित्र ग्रंथ गेन चोच मंडीवा होय? मसीह #2:4 मसीह मसीह गा मतलब, परमेश्वर गा कलाम्के उध्दार दडामिठाच चोला डाऊवा।”
5दिकुनी डीचके मंडीके, “मसीह गा जनम तुनिका यहूदिया जिल्हा गा बैतलहम पूरान डाऊवा।” चोयाकी परमेश्वर गा कोनेटे मंडीमिठाच सुटूका पेला ओल्के डा जो परमेश्वर नी मंडीके डा,
6“हे यहूदा जिल्हा गा बैतलहम पूरा कुरकू आपे तुनिकाभी रितो टे यहूदा जिल्हा गा हाकमिंकू तलाटे सेबाईकु टे सानी बाऊ चोयाकी अमाटे अधिपति हेजेवा जो राजोबा। जो इंजागा इस्राएली कुरकू के चचारा मिठाच आरुवा।” #मिका. 5:2 7मेटे राजा हेरोदेसनी डी डायेन सानी पोट्टा गा उमार चिचाना गा घल्जी टी दोडोमिंकू के उखुटे हाकोटे दिकुटे कोम्बाराके। कि इफिल साही तुनी टेमोन डोके डा? 8एठा राजा हेरोदेसनी इनी मंडीटे डी टी दोडोमिंकू के बैतलहम पूरा गेन कुलकेकु, “सेने डो डी सानी पोट्टा गा बारेन सेबाई सच्चाई गा पता लगातिंजे एठा मेटे डीच घाटाएनकी इंजा मेरान हिरागे एठा डाबोलटे जो चोचकाभी आपेनी डोके होय डीके घाले ताकी इंजभी हेजेवा डो डीचके दिया आराधना दडावा।”
9-10एठा दिकु राजा गा बातो आजुमटे दिकु ओले मेना, एठा कोरान दिकुनी डीका इफिल के डोकेनेच जो दिकुनी पूर्व दिशा गेन डोकेनेच डा। जब दिकुनी डीके डोके मेटे दिकु भेबाव खुशोएन। इनी इफिल दिकुगा सम्मा-सम्मा चेल्के डा एठा डी जगा लिंजेन थंदळजे देटेन सानी पोट्टा डा। #लूका 2:20
11डी उरान आदिरजे डो एठा डी सानी पोट्टाके दियागा आंटे मरियम गा सेंग्गोन डोकेनेच, एठा दियागा झुकातिंजटे नंगा साब्बे। दिकु आपना-आपना झोरा खुल्लाटे डीचके सोना, एठा लोबान, राय होय, एठा सुकींज चीजो#2:11 सुकींज चीजोइनी चीजो के दावा गा घल्जी इस्तमलेवा होय एठा मुर्दा कोम्बोरके गगाळातिंज टे पेला इस्तमाल दडावा होय। गा भार पेळेचके।
12एठा परमेश्वर नी डीचके सापनान चेतावनी जीके कि राजा हेरोदेस गा मेरान बाकी सेने। इनिघल्जी दिकुनी राजा के बान घालडुका एठा दूसरा कोरा टे सेने टे इकुगा देशोन हिराटे ओले।
मिस्र देशोन साळूप
13दिकुगा सेने बदोन, परमेश्वर गा म्या स्वर्गदूत नी सापनान यूसुफ के मंडीके, “बिडे! डी सानी पोट्टाके एठा दियागा आंटे के साटे मिस्र देशोन साडूपजू। एठा जब टाएन अमाटे बान मंडी, मेटे टाएन डीगान का थंदळे। चोयाकी राजा हेरोदेस इनी सानी पोट्टाके घगाटा लक्के होय, कि डीचके घोजेजबा।”
14मेटे दिकु रातो का बिडजेडो डी सानी पोट्टाके साटे दियागा आंटे के साटे मिस्र देशोन ओले। 15एठा दिकु राजा हेरोदेस गा गुजू टाएन मिस्र देशोन का थंदळके, इनिघल्जी कि डी वचन पुराऊ होना, जो परमेश्वर नी परमेश्वर गा कोनेटे मंडीमिठाच होशे गा वोजीटे सुटूका पेला मंडीके डा, “इंज्नी इंजा कोण के मिस्र देशो टे हाकोलेनेच।” #होशे. 11:1
हेरोदेस वोजीटे सानी पोट्टाके घोगेच
16मेटे राजा हेरोदेसेन पक्काटे खीजो हेन मेटे एसास हेन डी टी दोडोमिंकू नी डीचके धोका जीके होय। डीचनी सैनिककुके कुल्केकु कि दिकु बैतलहम पूरा गा एठा डेगा आसो-पासो सेबाई पूरा पोट्टाकु के घोचकु जो बरी साल एठा देटे सानी उमार गा डा। इनी टी दोडोमिंकू कोरोकु गा वोजीटे इफिलकु गा सेबाई टे पेला बार डूगु गा आधारेन डा।
17मेटे जो वचन परमेश्वर गा कोनेटे मंडीमिठाच यिर्मयाह गा वोजीटे परमेश्वर मंडीके डा, डी पुरायु, 18“रामाह पूरा गेन जेका गा का जाम आवाज आजुम्के मेना, #2:18 याकूब गा जपाएटेराहेल हेजा कोणकु घल्जी ठायका दुखीके डा एठा शोक ममानातिंज डा, चोयाकी डीच गोएन डा।” #यिर्म. 31:15
मिस्र देशो टे हिरा
19-20यूसुफ, मरियम एठा सानी पोट्टा यीशु आए टाएन मिस्र देशोन के डा। राजा हेरोदेस गा गुजू बादोन, प्रभु गा स्वर्गदूत नी मिस्र देशोन यूसुफ के सापनान दर्शन जीटे मंडीके, “बिडे, सानी पोट्टा एठा दियागा आंटे के साटे इस्राएल गा देशोन सेंजू, चोयाकी राजा हेरोदेस एठा दियागा कुरकू गोएन होय जो सानी पोट्टा गा जान सा चाहता डा।” #निर्ग. 4:19
21दिकु बिटजे, एठा सानी पोट्टा एठा दियागा आंटे के सेंग्गोन साटे मिस्र देशो के आराटे इस्राएल गा देशोन ओले। 22लेकिन मेटे यूसुफ नी इनी आजुम्के कि अरखिलाउस हेजा बाटे हेरोदेस गा जगह यहूदिया जिल्हा कुरकू लिंजेन राजो लक्के होय। डीच देटेन सेने टे हिगराएन। एठा सापनान परमेश्वर टे चतराय घाटाटे गलील जिल्हान ओले मेना।
23एठा नासरत जीमू गा पुरान ओलेडो थंदळ लज्जे, ताकी डी वचन पुराऊ जो परमेश्वर गा कोनेटे मंडीमिठाच गा द्वारा मंडीके, “डीचके नासरी मेंबा होय, देटेन नासरत पूरा गा थंदळ मिठाच डा।” #लूका 18:7
Obecnie wybrane:
मत्ती 2: GOKNT
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
Gowli (गवली) Bible by The Love Fellowship is licensed under Creative Commons Attribution-ShareAlike 4.0 License.