रोमी 13
13
सासकका अधिनमी बस्सु
1हरेक मान्स सासन अद्द्या प्रशासकका अधिनमी बसउ। सब अधिकार परमेश्वर बठेइ आउन्छ। जो प्रशासक छन, तिनन परमेश्वर बठेइ खटाइया हुन। 2तबइकिलाइ कोइ मान्स जइले प्रशासका आज्ञापालन अद्दइन, उइले परमेश्वर बठेइ खटाया मान्सको बिरोध अरन्छ, रे जो-जो बिरोध अद्दाहान, तिननले दण्ड पाउन्या हुन।
3क्याकि यदि कसइले असल काम अरन्छ भण्या, उइले सासकको डर माण्नु पड्डइन। तर यदि उइले खराब काम अरन्छौ भण्या उइले डर माणनु पणन्छ। यदि तमन शासककी डर माण्न चाहानानु भण्या तमन असल काम अर, रे तिननले तमरो प्रसंसा अद्दया हुन। 4क्याकि सासक तमरा भलाइकी निउति काम अद्द्या परमेश्वरका सेवक हुन। तर यदि तमनले खराब काम अरन्छइ भण्या डर माण, क्याकि सासकसित तमनलाइ दण्ड दिन्या अधिकार छ। रे तिनन खराब काम अद्द्या मान्सनमि परमेश्वरको दण्ड ल्याउन्या परमेश्वरका सेवक हुन। 5तबइकिलाइ परमेश्वरका दण्ड बठेइ बाँच्चाइलाइ मान्तर होइन, तर सुद्द बिबेक राखदाइ लगइ तमन तिनरा अधिनमी बस्सु पणन्छ।
6तबइकिलाइ लगइ तमन कर तिरन्छौ। क्याकि सासक परमेश्वरका सेवक हुन, तिनन आफ्नो काम पुरा अददाइ आफलाइ समर्पित अददाहान। 7तबइकिलाइ सासकलाइ तिद्दु पड्ड्या कर तिनन हरेकलाइ तिर: कर तिद्दु पड्ड्यालाइ कर, महसुल तिद्दु पड्ड्यालाइ महसुल, आदर अद्दु पड्ड्यालाइ आदर रे इज्जत अद्दु पड्ड्यालाइ इज्जत अर।
एक-अर्खालाइ प्रेम अद्दु
8तमन एक मान्तर कुरणिका रिणि छौ जो तमनले तिद्दु पणन्छ, रे त्यो एक-अर्खालाइ प्रेम अद्दु हो। क्याकि आफना पडउसिलाइ प्रेम अद्द्याले परमेश्वरको कानुन पुरा अर्या हुन्छ। 9क्याकि मोशाका कानुनमी भौत आज्ञा छन जसो, व्यभिचार जन अर, हत्या जन अर, चोरी जन अर, लोभ जन अर, यिन आज्ञा बाहिक, रे और जति आज्ञा छन, तिन सबको निचोड एकइ आज्ञामी पाइन्छ: “तुइले अरु मान्सनलाइ आफइ जसो प्रेम अरेइ।” 10प्रेमले पडउसीको खराबी अद्दइन। जइले प्रेम अरन्छ, तइले कानुन पुरा अरन्छ।
11तमन हरेकले एक-अर्खालाइ प्रेम अरि राख्दु पणन्छ, क्याकि त्यो बेला जब परमेश्वरले हामलाइ यो नजिक आइ सक्या दुष्ट संसार बठेइ बचाउन्या हुन। हामले पइल्ली बेर ख्रीष्टमी बिश्वास अर्या भण्ना अइल यो नजिकइ छ। यो बुजिबर तमन निन बठेइ बिउजीबर होशियार हुनु पणन्छ। 12रात लगभग सकिया जसेरि हामरो यो दुष्ट संसारमी बस्ने समय लगभग सकिसक्या छ, रे ख्रीष्ट फर्कि आउन्या बेला नजिक छ, तबइकिलाइ हामले त्यो दुष्ट काम अद्द बन्द अददु पणन्छ, जो मान्सनले अन्धकारमि अददाहान। हामले त्यो काम अददु पणन्छ जइले हामलाइ दुष्टको सामना अददाइ सहयोग अरन्छ जसेरि सिपाइले दिनमि कबच लाइबर दुष्टको सामना अरन्छ।
13हाम अन्धकारमि होइन तर ज्योतिमि बस्सया मान्सन जसेइ उचित ब्यबहार अरौ। मोजमजामि, दारु खानामि, व्यभिचारमि, भ्रष्टाचारमि, झगडामि रे रिसमि होइन। 14तर तमरो कबच प्रभु येशू ख्रीष्ट होउन, रे पापी स्वभावको इच्छा पुरा अद्दया कुरणीमि ध्यान जन दिय।
Obecnie wybrane:
रोमी 13: DTYNT
Podkreślenie
Kopiuj
Porównaj
Udostępnij
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
Dotyali (डोटेली) New Testament, by The Love Fellowship is licensed under Creative Commons Attribution-ShareAlike 4.0 License.
