मर्कुस 16
16
येशू मर्या बठेइ जिउना भया
(मत्ती २८:१-८; लूका २४:१-१२; यूह २०:१-१०)
1बसाइतिक बिश्राम दिन सकिया पछा, मरियम जो मग्दला गाउँकी थी, रे सलोमी रे मरियम जो नानो याकुब योसेफकि इजा थी, तिननले सुगन्धित तेल किन्यो, ताकी आइबर येशूको मर्या सरीरमि घस्न सकुन। 2हप्ताको पइलो दिनमि बिहानइ घाम झुलक्नजेइ तिन स्वानिन येशूलाइ राख्या ओडारमी आइन। 3तिननले आपसमी कुरणी अर्यो, “हामरि निउति गुफाको मुखको ढुङो को हटाइदेलो?” 4जब तिननले गुफा तिर हेर्यो गुफाको मुखको ठुलो ढुङो हटाया तिननले धेक्यो। 5जब तिन स्वानिन गुफा भित्तर पसिन तिननले एक जना चमकन्या सेता लत्ता लायाको जवानलाइ दाइन तिर बसिर्या धेक्यो, रे तिनन डराया। 6तइ जबान मान्सले तिनन स्वानी मान्सनलाइ भण्यो, “जनडरा, तम नासरत गाउँका येशूलाइ खोज्जा छौ, जइलाइ क्रुसमि टाँङिया थ्यो। उन मर्या बठेइ जिउना भया हुन! उन याँ आथिन! हेर, तिननले उनलाइ राख्या ठाउँमि गाड्या थ्यो। 7आब तम जा उनरा शिष्या रे पत्रुसलाइ भणदिय, उन त तम भण्ना पइल्ली गालील जिल्ला जान्या हुन। रे तमन सबले ताँ जानुपड्या हो। तम उनलाइ ताँ धेक्द्या होउ, जसो उनले तमलाइ माद्दा हइ पइल्ली भणिराइथ्यो।” 8पछा तिननले तइ कुरणी सुणिबर ओडार बठेइ बाइर आया रे भाग्या, क्याकि तिनन डर माणिबर लुगलुग काम्मदाथ्या। बाटामि, तिननले कसइ कि केइ भणेइन क्याकि तिनन डराइरइथ्या।
येशू आफना शिष्याका वाँ धेकिया
(मत्ती २८:९-२०; लूका २४:१३-५३; यूह २०:११-२३; प्रेरि १:४-११)
9येशू मर्या बठेइ जिउना भया पछा बिहानइ हप्ताको पहिलो दिनमि, उन पइल्ली मरियम जो मग्दला गाउँकी थी उनारा वा धेकिया, जइ बठेइ येशूले सात भूतलाइ निकाल्थ्यो 10मरियमले गइबर येशूका शिष्यालाइ खबर दियो। जब उन ताँ गइन तब शिष्या येशू मर्या हुनाले शोकले रुन्ना थ्या। 11पइ, मरियमले उनलाइ भणि, “येशू मर्या बठेइ जिउना भया हुन, रे मइले उनलाइ अइलइ धेक्या हु!” पइ शिष्याले सोच्यो, “यो सत्य हुन सक्दैन।”
येशू शिष्याका वाँ धेकिया
12तइ दिन पछा, येशू आफ्ना दुइ शिष्या शिष्याका वाँ धेकिया, जब उन यरुशलेम सहर बठेइ आफ्नो गाउँ जन्नाथ्या, पइ शिष्याले येशूलाइ छिट्टाइ चिन्न सकेन, क्याकि येशू पइल्ली हइ फरक धेकि रइथ्या। 13पछा जब तिननले था पायो, तिनन दुइ शिष्या और शिष्यालाइ भण्नाइलाइ यरुशलेम सहर फर्किबर गया, रे कसइले लगइ तिनमि भरोसा अरेन।
महान आदेस
(मत्ती २८:१६-२०; लूका २४:३६-४९; यूह २०:१९-२३; प्रेरि १:६-८)
14तइ पछा येशू एघार जाना शिष्याका वाँ धेकिया, जब तिनन खाना खानाइ बसिरैथ्या, रे येशूले तिनलाइ हकार्यो क्याकि तिनन भौत जिद्दी थ्या, रे येशूलाइ मर्या बठेइ जिउना भया पछा धेक्दया मान्सनका कुरणीमि अबिश्वास अर्यो। 15पइ येशूले शिष्यालाइ भण्यो, “सारा संसारमी जा रे हरेक मान्सलाइ सुसमाचार प्रचार अर।” 16जइले लगइ ममि बिश्वास अरन्छ रे एक चिन्हको रुपमि बप्तिस्मा लिय, कि उ ममि बिश्वास अरन्छ, उ परमेश्वर बठेइ आफ्नो पापको दण्ड बठेइ बचाइन्या छ, रे जो कोइलगइ ममि बिश्वास अद्द इन्कार अरन्छ उ परमेश्वर बठेइ आफ्नो पापको दण्ड पाउन्या छ। 17जइले ममि बिश्वास अरन्छ, तिननले यिन अचम्मका काम प्रमाणका रुपमि अद्द्या हुन: तिनन मेरा नाउँमि भूतलाइ बाइर निकाल्या हुन, रे म तिननलाइ नयाँ भासा बोल्ल सिकाउन्या हु। 18यदि तिननले बिसालु स्याप समायो, भण्या स्याप तिननलाइ हानि अद्दया आथिन। यदि उइले जहर चिज पिया भण्या, तिननलाइ हानि हुन्या आथिन। तिननले मेरो नाउँमि बिरामीमि हात राख्यो भण्या बिरामी निको हुन्या हुन।
येशू स्वर्ग फर्किया
(लूका २४:५०-५३; प्रेरि १:९-११)
19जब येशूले आफ्ना शिष्यालाइ यिन सब कुरणी भणि सक्यो, तब परमेश्वरले येशूलाइ स्वर्गमि उठायो, रे उन परमेश्वरका दाइन तिर सम्मान सित बस्या। 20पइ शिष्या निकलिबर जासक्कइ गया रे मान्सनका बिचमि सुसमाचार प्रचार अर्यो। प्रभुले तिननलाइ सक्ति दियो, रे शिष्याले अर्या अचम्मका कामले यो प्रमाणित अरन्थ्यो कि उनरो सुसमाचार सत्य छ। आमेन।
Obecnie wybrane:
मर्कुस 16: DTYNT
Podkreślenie
Kopiuj
Porównaj
Udostępnij
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
Dotyali (डोटेली) New Testament, by The Love Fellowship is licensed under Creative Commons Attribution-ShareAlike 4.0 License.
