२ कोरिन्थी 9
9
1यरुशलेम सहरका परमेश्वरका मान्सन निउति दिया पैसाका बिसयमि तमनलाइ लेखिराख्द मलाइ आवश्यक आथिन। 2क्याकि म तमरो सहयोग अद्द्या इच्छा जाण्नउ, रे तमरा बारेमि मइले माकेडोनिया प्रदेसका बिश्वासिनलाइ लगइ घमण्ड अद्दोइ भण्या, कि पोर साल बठेइ अखैया प्रदेशका मान्सन दिनाइ तयार थ्या, तमरो दिन्या इच्छाका लाग्दा तिनन मध्ये भौतको आब दिन्या इच्छा भया छ। 3म तितस रे और दुइ जाना भाइनलाइ पठाउन्नाछु ताकि यरुशलेम सहरका बिश्वासिनलाइ भेटी दिनाइ तमरा बारेमि अर्या घमण्ड ठीक हो। म चाहानउ कि मइले भण्या जसेरि तमन तयार हउ। 4यदि माकेडोनिया प्रदेसका कोइ बिश्वासिन मसित आया रे तमनसित पैसा तयार भया भेटेइन भण्या तमरा लाग्दा हाम लाजमि पड्डया हौ, रे तमरि लगइ झिक लाज हुनेइहो, क्याकि हामले तमनमि ठुलो भरोसा राख्याथ्या। 5तबइकिलाइ तमनले प्रतिज्ञा अर्याको भेटीको प्रबन्ध अगाडी बठेइ मिलाउनाइ निउति म भण्ना अगाडी भाइनलाइ तमरा वाँ पठाउनाइ मइले आवश्यक माण्या। तब यो भेटी राजिखुसिले दिइया हुन्छ, करकापले जम्मा अर्या हुनइन।
उदार-चित्तले बुनु
6तर कुरणी यइ हो कि थोकाइ बुन्याले थोकाइ कटनी अरन्छ, रे बरता बुन्याले बरताइ कटनी अरन्छ। 7रे हरेक मान्सले आफना मनमि संकल्प अर्या अनसार देओस इच्छा नभइ होइन न त करकापमि पणिबर। क्याकि खुसीसित दिन्यालाइ परमेश्वर प्रेम अद्दाहान। 8परमेश्वरले तमनलाइ चाइन्या भण्ना बरता आशिस दिनसक्दाहान, ताकि तमनसित सदाइ हरेक कुरणी प्रसस्त होउ, रे हरेक असल कामकी निउति तमनले प्रसस्त मात्रामि दिन सक। 9पबित्र सास्त्रमि इसेरि लेखिया छ,
“परमेश्वरले खाचोमी हुन्यालाइ उदार भाबले दिनाहान
उनरो धार्मिकता सदासर्वदा रइरन्छ।”
10परमेश्वरले सदाइ खेतालालाइ बुनाइलाइ बि रे खानाइलाइ भोजन दिन्या हुन। तसेरि परमेश्वरले तमनसित सदाइ प्रसस्त पैसा जुटाउन्या हुन, ताकि तमन उदारताले खाचोमी पर्यालाइ भौत भण्ना भौत सहयोग अद्द सक।
11तमन सब तरिका बठेइ आशिषित हुन्या हौ, रे तमन सदाइ उदारताले दिनाइ सक्षम छौ। रे जब हाम तमरो उदारताले दिया उपहार आवश्यकतामि पण्यालाइ दिनाउ, तिनन मान्सन परमेश्वरलाइ धन्यबाद चढाउन्या हुन।
12येइ सेवाको कामले परमेश्वरको मान्सको अभाब पुरा हुन्छ। इति मान्तर होइन, परमेश्वर प्रति भौत धन्यबादका भाबना उर्लिबर आउनाहान। 13यइ दिन्या सेवाले तमन सत्य हौ भणबर प्रमाणित अरिबर भौत मान्सन परमेश्वरको प्रसंसा अददाहान, क्याकि तमन ख्रीष्टको सुसमाचार सत्य हो भणबर बिश्वास अरन्छौ रे तमन गरिब बिश्वासिनलाइ रे और बिश्वासिनलाइ उदारतासित दिबर यइलाइ पालना अरन्छौ। 14रे तिननले तमरि निउति भौत प्रेमसित प्रार्थना अद्दा छन, क्याकि परमेश्वरको असिम अनुग्रह तमनमि छ। 15अति अचम्मको बचन परमेश्वरलाइ उनरा चेलोका निउति धन्यबाद होउ।
Obecnie wybrane:
२ कोरिन्थी 9: DTYNT
Podkreślenie
Kopiuj
Porównaj
Udostępnij
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
Dotyali (डोटेली) New Testament, by The Love Fellowship is licensed under Creative Commons Attribution-ShareAlike 4.0 License.