२ कोरिन्थी 2
2
1तमनलाइ दुखि बनाउनाइ आजी नआउन्या मइले पक्का अर्या। 2क्याकि मइले तमनलाइ दु:खी बनाया भण्या मइले दु:खी बनाया तमन बाहेक और कसइले लगइ मलाइ खुशी बनाउन सक्दइन। 3रे मइले जो कुरणी लेख्या त्यो येइ हेतुले लेख्या, कि म आउन्ज्या जइ मान्सन बठेइ मइले आनन्द पाउनु पड्ड्या थ्यो तिनन बठेइ म दु:खित जन हु। क्याकि मेरो आनन्द तमन सबको आनन्द हुन्छ भण्या मलाइ तमन सबका बारेमि भरोसा थ्यो। 4क्याकि तमनलाइ दु:खित बनाउनाइ होइन, तर तमन प्रति भया मेरो प्रसस्त प्रेम तमनले जाण भणबर हृदयको भौत पिडा रे बेदनामि भौत आँउस बगाइबर मइले यो चिठ्ठी तमनलाइ लेख्याथ्या।
पापको क्षमा
5जइ मान्सले यिन सब समस्या लेया छ, उइले मलाइ भण्ना तमन सबलाइ भौत दुःखी बनाया छ। म यइका बारेमि यइ भण्ना बड्ता और केइ भण्न चाहानइन। 6तमन मध्ये भौत बिश्वासीनले दिया सजाय तइलाइ पर्याप्त छ। 7बरु तमनले तइलाइ क्षमा अद्दु रे सान्त्वना दिनु पणन्छ नतित त्यो भौत दु:खी हुन्या हो, रे पानिमि दुब्या मान्स जसो हुन्या हो। 8तबइकिलाइ म तमनलाइ बिन्ति अद्दउ, कि तमनले तइलाइ पक्का प्रेम अददाउ भणबर भण। 9तबइकिलाइ तमनलाइ जाँच्चाइ रे मेरा आदेस माण्नाइ तमन आज्ञाकारी छौ कि छइनु भण्न्या था पाउनका निउति मइले तमनलाइ लेख्याथ्या। 10जइलाइ तमन क्षमा अरन्छौ तइलाइ म लगइ क्षमा अद्दउ। यदि कोइ मान्सन छ जसलाइ मइले क्षमा अददु पड्डया हो, तइलाइ मइले पइल्ली क्षमा अरिसक्या छु। म तमरो भलाइकी निउति ख्रीष्टको अधिकारसित इसो अद्दउ। 11ताकि सैतानले हाममि मौका छोप्दु जन पाउ, क्याकि हामलाइ तइका सब युक्ति था छ।
नयाँ करारका सेवक
12ख्रीष्टको सुसमाचार प्रचार अद्दाइ त्रोआस सहरमि पुगन्ज्या परमेश्वरले मलाइ सुसमाचार प्रचार अद्द्या ठुलो मौका दियाथ्यो। 13तर ताँ मेरा बिश्वासि भाइ तीतसलाइ तमन बठेइ खबर लेया नभेट्या हुनाले मेरा मनमि सान्ति भएन। तबइकिलाइ त्रोआस सहरका बिश्वासिन बठेइ बिदा लिबर म माकेडोनिया प्रदेसमि तितसलाइ भेट्टाइ फर्किबर आया।
14तर परमेश्वरलाइ धन्यबाद होस, क्याकि हामरो ख्रीष्ट सितको एकताका लाग्दा, हाम सदाइ ख्रीष्टको बिजय जुलुसमि कैदीका रुपमि परमेश्वर बठेइ डोर्याइनाउ। रे परमेश्वरले हाम बठेइ ख्रीष्टका बारेमिको ज्ञान मिठो बासइ जसेरि चारै तिर फइलाउनाहान। 15क्याकि हामरो जीवन परमेश्वर सम्म पुग्द्या ख्रीष्टका जसोइ बासना हो। तर यो बासना उद्दार पाउन्नारया रे नास हुन्नारया बठेइ फरक रुपमि बुजीन्छ। 16एकका निउति मृत्युको दुर्गन्द रे अर्खाका निउति जीवनको सुगन्द। पक्का यो काम कसइले अद्द सक्दइन। 17क्याकि भौत मान्सन सरह हाम परमेश्वरको बचन पैसाकी निउति प्रचार अद्दइन तर निष्कपट मनले ख्रीष्टको अधिकारसित हाम परमेश्वरको बचन प्रचार अददाउ, यो जाणिबर कि परमेश्वरले हामलाइ हेरिराइछ।
Obecnie wybrane:
२ कोरिन्थी 2: DTYNT
Podkreślenie
Kopiuj
Porównaj
Udostępnij
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
Dotyali (डोटेली) New Testament, by The Love Fellowship is licensed under Creative Commons Attribution-ShareAlike 4.0 License.