Zakh. 9
9
Pasiukuman ka sangamberi laggai pabebeakenen Israel
1 #
Jes. 17:1-3; Jer. 49:23-27; Ams. 1:3-5 Nene te patonekat Tuhan. Aiteuakean iukum laggai Hadrakh samba laggai Damsyik. Tasarat suku Israel tapoi inan Laggai Siria leu et si Tuhan le sibakkatNia. 2#Jes. 23:1-18; Jehz. 26:1–28:26; Jol. 3:4-8; Ams. 1:9-10; Mat. 11:21-22; Luk. 10:13-14Hamat sipasosong ka Hadrakh leu si Tuhan sibakkatnia, kasedda leu et sangamberi laggai Tirus samba Sidon samba sangamberi puagaiat sipulaggai sedda. 3Ai galaian Tirus irip laggai pasiddonannia samba bulat maigi iruru'ake mas samba perak pat bailiunangannia sabbangan le bibilet simalabbei saki kele ngai samba loti ka enungan. 4Tapoi ibailiuake le nia si Tuhan si mageba. Sangamberi pukayoat laggai nenda ribbaiakenangannia ka bagat koat samba laggai nenda tata' le geti ilabonia obengan.
5 #
Jes. 14:29-31; Jer. 47:1-7; Jehz. 25:15-17; Jol. 3:4-8; Ams. 1:6-8; Zep. 2:4-7 Laggai Askelon samba Gaza geti itcona lenia bailiu malotonangan. Kisedda leu Ekron ka sia tata' ron patuatnia murimanua. Laggai Gaza tatata' le geti rimatania, samba Askelon ibailiu geti matangeu ta'an sikudduijinia. 6Asdod rakudduiji sia sibara ka bangsa simagalu. Kuanangan si Tuhan, “Tai Filistin simabuak paatuat nenda leu et Kusappruake le geti. 7Taan rakokom minca akkula simalogau ele komen bagei keraet. Sangamberi sirimanua sipulelegei bailiunangan geti sia paamianKu samba tuoniake le sia sibailiu rubeiat sibara ka suku Jehuda. Ekron geti ibailiu le geti laddou paamianKu, kele tai Jebus kateteret siburu. 8Kujago le geti polakKu samba masikekre sangamberi saladru sibara ka bangsa bagei sioba masienunginia. Ta'an Kuobaake sia sipaoreiji paamianKu masikupkup paamianKu. Aipoi akuitcoan pangoringandra.”
Rimata sioi geti
9 #
Mat. 21:5; Joh. 12:15 Ale, sipulalaggai ka Sion, pugora kam baga!
Ale, sipulalaggai ka Jerusalem, kau imangka bagamui!
Itco kam, amoian rimatamui ka bagat kamanangan!
Nia rimata puroipoat siambit katuaraugat.
Tapoi sun purepekat paatuat aioi
sipukakalidei kalidei ta'kabelai sibau tubu.
10 #
Psalm. 72:8
Kuanangan si Tuhan,
“Sangamberi kereta pakeiet pasaggak sibara ka Efraim geti Kuriribbaiake le,
sangamberi kuro ka Jerusalem geti Kutataake le
samba sangamberi silogui Kupakakatai le.
Rimatamui geti le paabanan ka talagat bangsa-bangsa.
Ka sangaliot koat Nia sibakkat teu,
barania ka bagat oinan Efrat teret aili ka tu'tut polak.”
Masitoiliake minca puririmanuan paamian Taikamanua
11Kuanangan si Tuhan ka tubut paamianNia,
“Lulut palelengan sigalaiKu pasambamui,
palelengan sironnakenen pasamba logau buluakenen pusurakat,
Kubebelaake te geti sasarainamui
sipangongorik ka kudduat katuribbaiat sirimanua situugguk ka bagat uggungan simagarak.
12Toiliakean kam ale sirimanua siribbaiakenen,
kineneiget aian karonanmui.
Toiliake kam ka kudduat pukunemanmui,
mariuriu le geti Kupanukani kam.
Oto Arepmake kam: rua ngaoleat te geti Kupanukani kam,
Kalulut sangamberi pangoringan siorikmui.
13Kupakei le geti Jehuda sibailiu rourou ka pasaggangan,
samba Israel sibailiu silogui simatarek tupanaake.
Sipulaggai ka Sion kupakei le sia sibailiu lanjau;
Lanjau nenda tupakei te geti masisaggangi sangamberi tai Junani.”
14Ipatoila te geti tubunia si Tuhan ka tubut paamianNia,
kele bila le ipanaake siloguiNia.
Tuhan Sipulubeunan iulup te geti terompet toggaiat pasaggak
Lepa einangan leu et iailiake pasaggangan ka rusa jurungen sibara ka kaiaman.
15Bulat ipasikeli le paamianNia
bailiu sangamberi saggak momoi rakalaake.
Kele gereira sirimanua simapuineng kalulut lo simapuinengen,
kisedda te gereira kabagat pasaggangan.
Kele imapili logau tarimeu sibuluakenen ka uddut kudduat pasibuluat,
kisedda te imapili logaura tai saggak.
16Kebai amuailingan gogoi nenda, paaraunangan te geti paamianNia si Tuhan,
kele sipasijago ipaarau tarimeunia ka sipasisasabbak.
Mutotoro te geti sia ka polak Tuhan,
kele ipukirisau sangamberi pulaingean ka kirit pubebeunan.
17Apate eru polak Tuhan ka gogoi sibabara,
apate eru samba lainge!
Simakope ruei le iputu'tu anggur samba gandum sedda,
sibailiu situppai ron tubudra tailainge samba taiokko.
Obecnie wybrane:
Zakh. 9: MWV
Podkreślenie
Kopiuj
Porównaj
Udostępnij
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
@LAI 2015