Malk. 2
2
Golut Tuhan katubutda tai imam
1Kuanangan Tuhan Sipulugege ka tai Imam, “Nene te parentaKu ka tubumui. 2Suru' kam Aku ka galai tubumui. Ke ta nuoba kam masiarepmake tiboietKu, teleikungan kam. Sangamberinia uktuk sisilomui silinangannia bailiu telei. Bulatnia te sangamberi simaeru nenda Akuteleian, kalulut ta anupuletcei kam parentaKu. 3Ku ukum le geti tatogamui, samba matamui palolitkungannia tanai tarimeu sibuluakenenmui samba kam leu tugirit ka tanai tarimeu. 4#4Mos. 3:11-13 Iageti agaimuiannia parenta nene poi Akuakean, bule palelenganKu ka tai Imam, panuteteu Lewi, riuriu le itugalaiake.
5 #
4Mos. 25:12
Ka bagat pelelengan nenda ai akupalelek ka tubudda puririmanua simasanang samba simaaman samba kukoiniake sia rasuru Aku. Ka teteret nenda kirenangan rasuru aku samba maloto sia ka tubuKu. 6Ragelaiake simaeru samba ta simasele. Malegre sia ka tubukKu, samba ka roipot patuat ratut siobaKu. Sia le masiropmake maigi sirimanua bule ta ragalaiake minca sikatai. 7Kirenangan galaiakenendra tai Imam geti iate masigelaiake simaeru pagalaiat Aku, Tuhan Sipulugege. Ka tubudda te raparerere' sapaamian pagalaiat apa obaket bagaKu, kalulut sia nenda poi pakoinienKu. 8Tapoi kineneiget kam tai imam, atusoipman kam ka enungan simaeru. Sangamberi sigelaiakenenmui masigirit sirimanua simigi bule ragalai sele. Anupakataian kam palelengan sigalaiKu ka kami. 9Iageti galaikungan bule raputata' kam paamian Israel, kalulut ta anutut kam siobakKu samba kalulut nubaggei kam sia ka teteret nugelaiake kam paamianKu.
Taimariuriu topitdra paamian Taikamanua
10Ta' pa' makere ukkuita sangamberitta? Ta' pa' sangamberitta sibaraakenen Taikamanua simakere? Ke' kisedda, angoi tapasasabau palelengan, samba kele kisene te tapasabau palelengan Taikamanua sigalainia ka taikebbukatta? 11Paamian Jehuda arapasabauan palelengan Taikamanua ka tubudda samba ragalaiake sitaimaeru ka Jerusalem samba ka sangaliot tobbou laggai. Arapalolitnan Uman Tuhan pununtukietnia baga samba mutalimou ka tainanalep sipasibuluiji taikamanuanda bangsa bagei. 12Bule sangamberi sirimanua sigalai kele nenda ikekle sia si Tuhan ka paamian Israel. Bule ta ratut minca bangsatta masikau sangamberi panguruat kai Tuhan Sipulugege. 13Samba nene te sigalaiakenenmui bagei. Nukau kam elu masinemnemi kudduat pasibuluat Tuhan; musou samba mugeri kam, kalulut ta ioba bagania si Tuhan masisilo minca sangamberi panguruat buluakenenmui. 14Parere' kam, angoi ta ioba isiloNia. Kalulut iagai taimatopitmui ka tainanalep sitalimouakenenmui ka teteret sibau tubu peile kam. Sinanalep nenda aleimui murimanua, tapoi anupajo le kam nia, kenanen anugalaian palelengan ka matat Taikamanua bule numariuriu mutopit ka tubuNia. 15Ta' pa Taikamanua sisasara aibailiuake kam sangaakkula samba sisara puririmanua pasamba sinanalep nenda? Aponia pinatut Tuhan ka pagalaiat nenda? Ta' anai bagei iate bule bara tatogamui sibailiu paamian Taikamanua simaeru. Oto jago kam tubumui, bui ibara ka talagamui sitaimatopit ka sinanalepnia. 16“Malaga bagakKu pagalangan,” ngangan Tuhan Taikamnua Israel. “Malaga bagaKu ke ai sara ka talagamui sigalai sikatai nenda ka sinanalepnia. Oto jago kam samba bui nupajo kam sinanalepmui.”
Amalegrengan gogoi pasiukuman
17Galaimuian bule imangau Taikamanua ka tiboietmui. Tapoi parerere' peile kam, “Kipa galainia kungauake kai si Tuhan?” Nukua kam, “Sangamberi sirimanua sigalai sikatai iaddeake le simaeru si Tuhan, samba ioba le sia.” Ele parerekat, “Kaipangan Taikamanua addeakenen simaroipo nenda?”
Obecnie wybrane:
Malk. 2: MWV
Podkreślenie
Kopiuj
Porównaj
Udostępnij
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
@LAI 2015