Hos. 3
3
Tusilo minca, tapoi tuaddeake matangeu
1Kuanangan si Tuhan katubukku, “Kenan minca pununtuki baga sara sinanalep sioba paelet. Pununtukinia baga kele Kupununtuki baga tai-Isrsel kenanen rakakaddiuake Aku samba rapanindogi taikamanua bagei samba leu raoba masipanguruatake kue kismis katubutda sabulungan.”
2Iageti luluikungan pulu lima bulagat perak samba sangotu lima pulu kilogram gandum bule kuala sinanalep nenda. 3Kuakkungan ka tubunia buita ingena aku kenanen maburu. Kaburunia nenda ta momoi igalai puoloman tubu ele paelenan, samba aku leuet ta momoi kulegreake tubukku ka tubunia. 4Kasedda te pagalaiatnia bangsa Israel, bulat maburu te rapurimanua sita'anai rimata ele siuteake sia, ta'anai buluakenen ele kudduat keikeijet, ta'anai sabulungan ele jagot tubu sipaagai purimanuaiat ka gogoi sibabara. 5Tapoi babara te teterenia ratoili minca tai Israel katubut Tuhan Taikamanuandra, samba ka rimatadra sibara ka muntogat David. Malotorangan geti samba masururangan kai Tuhan, samba leu silorangan panukananNia.
Obecnie wybrane:
Hos. 3: MWV
Podkreślenie
Kopiuj
Porównaj
Udostępnij
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
@LAI 2015