Korint II 4
4
Paulus hom Misionare ndangen.
1Iou de noh hebsa bui, Jehova gin ibdi gahaloseli me ndro du, i gin daui mburer ogo gle nemedu. 2-3Iou de gorni longu hendre e hendre momen bugane, iou de bahilou le nongen ad Jehova bui, iou de belueni nongen ad Jehova gle momen bugane, iou bohernou le ndro su nongen ad Jehova monen ge, iou ha bosoui nongen ad Jehova le bormarn helian. Be su holel dansu nongen hian ber lang bui, Jehova gin nhui nongen aden helian le ndro su ge, su na glos. 4Ndorlaben asu, aga ndorlaben ber boan ogo, i gin hinen su momen ge, de dansu ilndri sul ber lang bui, de dansu ilndri engerang ad Kristo heb bugane, i de hinganen le ndro su bui. 5Iou de bohernou heb nongen adu bui, iou bohernou nongen ad Jesu Kristo, ad Ndorlaben adu. Iou ge, iou lao dandendegei ademu, gle ndoui ad Jesu. 6Jehova ge, i da gin bai goru: Rang i greu, i gin daui sul ber lang le bergoldu. Malabo engerang ad Jehova, i da le bormarn ad Jesu Kristo i hinganen me ndro du.
Memrad asu lao ad Jesu.
7Memrad ogo i da le bergoldu dege memrad hian, i da lundie gur molhege, debosan su mugueni gur, su gabmugueni memrad i do dari gle ndoui ad Jehova. I adu bui, i ad Ndorlaben ge. 8Sidesi su beg ndounen du iou de glos bui, iou ha noh, iou gina momen leri bugane. 9Su hingismad adu, Ndorlaben i de bieni du bui. Su rii du, du glos le boan, iou na gmed bugane. 10Sidesi ngendian ad Jesu i da le mandru, iou mamaren gle ngendian ad Jesu, i da le mandru, dansu ilndri i. 11Sidegesi be iou da le boan, iou na gmed le longu ad Jesu, iou mamaren leri, dansu ilndri gelman ad Ndorlaben le mandru. 12Iou na gmed beg sobani mu gleri. 13Meluan Helian i da le bergoldu, dandu boro ndoui ber lang dege su gin hondre goru: Io gin boro ndoui ber lang, io gin bosoui ri. Iou dagara lie, gin boro ndoui ber lang, iou bohernou leri. 14Dandu longu hendre ogo: I ge, i da gin hingeni Ndorlaben Jesu le ngad aden, i ghingeni du dagara lie. Iou gedne bersi le born ndro mu, be iou da le logna gord ad Kristo. 15Longu ogo gin meher ndro mu, Ndorlaben i ha lengi, golnisden aden i gmenda le bergolsu masi su hirong i, i ha lengi su mugueni Jehova, mugueni asu i muh i la manden dege ndran haga manden ge. 16Iou de noh hebsa bui, be mandru molhe na glos meluadu, ndoui ber belengan i da le bergoldu i reg ge bing si e rang si. 17Malabo ngendian i da ndro du, i beruan me ndro du, heb eluen bui muren iou ilndri engerang ad Jehova, i gme ndro du, le surien ngendian adu i heb ge mandehe ber boan. 18Iou de hanguruen longu molhe ber boan bui, iou hanguruen memrad adu ge ber gor lundielang. Longu molhege ber boan na glos. Longu ber gor lundielang de glos bui, i da ndro du sidegesi.
Obecnie wybrane:
Korint II 4: LLENT
Podkreślenie
Kopiuj
Porównaj
Udostępnij
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
Published by the British and Foreign Bible Society 1956