Korint II 10
10
Heb nongen ad Paulus le ndro su Juda su da bo iil le ndro i.
1Io ge, io Paulus, io ndemani mu ghanguruen bern ad Kristo, i da ndoun le ndro su bui, i hanguruen hian ge le ndro su, mu gin hondre, io da hian le ndro mu, be io da le gor ademu, be io da manan io ndoa ge le ndro mu. 2Io soling ndro mu: Mbue hinen i, io ndoa le ndro mu, be io na gmehere ndro mu. Hanu le ndro su holel, su hanguruen, iou de irgai heb monen bui, iou hanguruen sengen ber boan ge. 3Ehe, mandru i da le boan. Iou de bo iil dege su ber boan bugane. 4Mordo adu ber bahun i dege mordo asu ber boan bugane. Mordo adu aga mordo ad Jehova ge, dandu ndumbue gor leri. 5Iou ndumbue gle mordo adu hanguruen momen, longu hendre e hendre i da bo iil le ndro Jehova. Iou hosi hanguruen adu masigane i da beg bo iil le ndro Ndorlaben, delengadu le nongen ad Kristo ge. 6Iou ha bo gord le ndro homo ma homo i de delengan le nongen ad Ndorlaben bui, iou ha lengi i mu delengan le nongen aden lie.
7E lele longu hendre i da baghege le begmarmu. Ar homo i hanguruen le bergoln, i ad Kristo ge, hian i ghanguruen longu hendre lie, iou ad Kristo dagara lie, dege i ge. 8Ehe, ar io leng mugueni bern ordo, io dono mugueni ndoui ordo Jehova gin hengen me ndro io, i ha lengi io bo mburer le mengseni um, i mbueren io ndumbue mu ge, be io ha leng mugueni ndoui ogo, bombulo i gmesi gleri bui, 9boen danmu ilndri nongen ordo io da gin hondre le ndro mu, io gin hondre beg sobani mu, io mbuere mu ha noh ordo. 10Su vong, su bai: nongen aden i da hondre i ndoa ge, i danen hondre hian, nongen aden ge i da bosoui le bormardu i heb ndoun bui, i heb monen bugane. I de danen bohernou heb hian bui. 11Ar homo i vong dagara, io beg vong le ndro i heb nongen dege ogoro: Nongen adu iou beg bosoui le ndro mu, be iou do da le gor ademu, dege iou gin hondre le peper adu.
12Dandu mugueni longu adu, dege su holel su hinen i sidesi bugane, iou dege su bui. Bugane, dansu hanguruen mugueni asu ge. 13Iou ge, dandu hinen i bui. Jehova, i ge, i danen du masi. I danen hanguruen, iou hian de bui. Hanguruen aden i monen ge i danen, iou da vonei le ademu de bui. 14Iou vong nongen molhege bui, iou gin dogi le ndro mu, gin hengen mu nongen hian ad Kristo. 15Dandu mugueni mburer adu le beleng asu bui, dandu longu hendre ge: Ar ndoui ademu i greg, dege iou ha lengi i, aga i vonei le mugueni mburer adu, boen iou hanu le asu masi. 16Boen dandu bohernou le ndro su gor hoger manan longu ber lang. Homo i de danen vong bui, iou gin bo mburer le beleng ad homo, iou gin bo mburer le gor, su da gin bo mburer hanu leri. 17Ar homo i ha leng mugueni, i gabmugueni ndoui ad Ndorlaben i da le bergoln. 18Ar homo i mugueni bern aden, mugueni aden i molhege. Ar Ndorlaben i mugueni homo, mugueni aden i hian monen ge.
Obecnie wybrane:
Korint II 10: LLENT
Podkreślenie
Kopiuj
Porównaj
Udostępnij
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
Published by the British and Foreign Bible Society 1956