Oseas 3
3
O Oseas ta e diskinia kai llal averea
1O Del pale phenda mange:
Lla ta volisar iekhe diskinia,
kai lako rrom volil la, ta voi llal averea.
Gia o Del volil e chaven katar o Israel,
makar von radin avere delen,
ta drago lenge e marrne drakhake kai chiraven avere delenge.
2Ta chindem mange iek diskinia
ta pochindem pala la desupanch tolaria rupune
ta trin stotine litrura sebada.
3Ta phendem lake:
Tu ka ave but vreme murni,
na cher o kurvaluko ta na lla avere murusea,
ta i me ni ka kojavav tut.
4Soke but vreme e chaven katar o Israel
ni ka avel charo ni gazda,
ni kurbano ta pechine kai blagosin,
ni patave poponengo ta ni delen katar e familie.
5Mapalal e chave katar o Israel ka irinpe,
ka roden e Devle lengo Del,
ta e Davide lengo charo.
Ande llivesa mai palune
ka llan liubaimaia karing o Del
ta leko lachipe.
Obecnie wybrane:
Oseas 3: BACHRO
Podkreślenie
Kopiuj
Porównaj
Udostępnij
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
Biblia ande chib Romani © Sociedad Bíblica Chilena, 2018.