Oseas 10
10
E zatrania katar e altarura e Israeleke
1O Israel si sargo kas drakhako pherdo drak,
a kana sea ios septelie
vazdela ios altarura,
kana leki phuv saia mai sukar,
mai sukar sea leke barra dine.
2Leko lio si fulado,
akana ka avel dosalo.
O Del ka zatril leke altarura,
ka pharravel leke delen.
3Akana gava foro ka phenel:
Inai amen charo
soke ni darailam e Devletar.
¿A so saia te cherel amenge iek charo?
4Samo den orba gia,
jan sovel bange ta achen po alav,
lengo chachipe si sargo kas kai mundarel
kai bariol maskar o putardipe e umaliako.
5E llene katar e Samaria daran,
roven soke jasailo o telcho katar o Bet aven.
Si len bari zalba
o foro ta e popura,
soke jasaili leki dragostia.#Os 8.5.
6Ka inllaren e telcho karing Asiria
te den le e baro charoke.
Gia o Efrain ka achel ando lallao,
o Israel ka jal lallao pala leki orba.
7Ka jasaol o charo katar e Samaria
sargo o parrnipe kai si po pai.
8E thana vazdine katar o Aven ka aven zatrime
o bilachipe e Israeleko.
E karrne ta e patra ka barion pe lenge altarura
ta ka phenen e burdonenge:
¡Peren upral pe amende ta guruven amen!#Lk 23.30; Apo 6.16.
O Del dosarel e Israele
9O Israel ni mukel te cherel o bilachipe
sar kana thodape te cherel le ando Gabaa
¡Ni durion katar o bilachipe!
Goleke, o maripe
ka resel gale llenen bilache.#Jue 19.1-30.
10Ka dukhavav gale foro kana me ka phenav le.
Ka chidiniaon e phuvia te den pe lete
kana ka dukhavav len pala lengo baro bilachipe.
11O Efrain si sargo telcha sikadi
kai drago lake te ustavel o lliu.
Akana thodem chinipe pe leki korr,
te chidel e bordone,
ta o Juda ka putarel e phuv
o Jakob ka phagel e barra.
12Phendem lenge: Thoven e simicha katar o chachipe
ta chiden e septelie katar o volipe.
Lacharen e phuv te bariaren pale ios septelie,
soke akana si o vreme te roden e Devle,
lligo kana ka avel ta ka cherel
te delpeke pe tumende o braduipe.#Jer 4.3; Is 44.3; 45.8; Os 6.3.
13Tumen thoden e simicha katar o bilachipe,
chidien so inai orta,
ta jalen e septelie katar o kojaipe.
Soke thodan chi vera ande bordona marimake
ta ande che but boñikura.
14Goleke ka avel burkania che foronenge
ta sa che chera zurale ka aven zatrime,
sargo o charo Salman zatrisarda e Bet arbele,
ando llive marimako
kana drobosarde e dea ta lake chaurren.
15Gia ka avelpe tumenge
llene katar o Betel,
pala tumaro bilachipe.
¡O charo e Israeleko
ka merel kana ka pharron e zore!
Obecnie wybrane:
Oseas 10: BACHRO
Podkreślenie
Kopiuj
Porównaj
Udostępnij
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
Biblia ande chib Romani © Sociedad Bíblica Chilena, 2018.