Ezekiel 15
15
O Israel si sargo o krango kai ni del drakha
1O Del phenda mange gia:
2Chavo e manuseko,
¿so si mai but o kas katar e drak neko aver kas?
¿So si o sarmiento maskar e kasta katar o vos?
3¿Ka len letar kasta te cheren varesavo rado?
¿Ka len letar iek kotor te umblaven pe lete vareso?
4Thodo si pe iag te phabol,
leke dui riga phabarda e iag
ta o than kai si po maskaral phabilo,
¿sar ka trubul varesave radoke?
5Kana saia chitavo ni trubula nisoke,
¿a sar ka trubul mapalal kana phabilo pe iag?
¿Mapalal ni ka trubul nisoke?
6Goleke gia phenda o Del o Gazda:
Gia sar o kas e drakhengo
maskar e kasta katar o vos
kai thodem le ande iag te phabol,
isto gia ka cherav e llenenchar
kai zivin ando Jerusalem.
7Ta ka thovav man angla lende,
i te nasena katar e iag, e iag ka phabarel len,
ta ka llanen kai me sem o Del,
kana ka thovav man angla lende.
8Ta ka cherav te achel pusti e phuv,
soke cherde o bilachipe,
gia phenel o Del o Gazda.
Obecnie wybrane:
Ezekiel 15: BACHRO
Podkreślenie
Kopiuj
Porównaj
Udostępnij
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
Biblia ande chib Romani © Sociedad Bíblica Chilena, 2018.
