Daniel 12
12
O vreme katar o son
1Ande gua vreme ka vazdiniaol o Migel, o baro gazda kai arakhel e llenen katar cho foro.#Mt 24.21; Mk 13.19; Jud 9; Apo 7.14; 12.7.
Ka avel iek vreme dukhado,
iek vreme kai nikada ni saia aver
sar kai si e phuvia.
Kana ka avel gua vreme,
ka avel mukliardo cho foro,
sa gola kai si pisime ando lil.
2Ta but katar gola kai soven ando prajo e phuviako ka llungadon
nesave te zivin ostade
a aver ka llungadon ando lallao ta ande burkania ostade.#Mt 25.46; Jn 5.29.
3E llene kai acharen
ka klichin sargo o miloso
ta gola kai sikaven o chachipe bute llenen
ka klichin ostade sargo e cheraia.#Mt 13.43.
4A tu Daniel phande gala alava ta thov o sello po lil llik kai o vreme katar o son. But llene ka prasten katar iek rig kai aver, ta o bizaipe ka bariol.#Apo 22.10.
5Ta me o Daniel dikhlem ta sea aver dui kai sea pe porrne, iek pe gaia rig katar o pai a o gua pe ogoia rig katar o pai. 6A iek lendar phenda e manuseke kai saia furiado ando lino, kai saia upral po pai katar e len: ¿Kana ka avel o son katar gala bare ezgode? 7Ta asundem e manuse furiado ando lino kai saia upral po pai katar e len, ta vazdia pe va ando miloso ta jala sovel ando anav e Devleko o llundo, ta phenda:
Ka nakhel iek vreme, ta dui vremura ta o dopas katar iek vreme. Ta kana ka gotovilpe o rispipe katar e zor katar o foro santo, sa gala ezgode ka cherdon.#Apo 10.5; 12.14.
8Me asundem so phenela a ni achardem. Ta phendem: Murno Del ¿Savo ka avel o son katar gala ezgode? 9A vou phenda mange:
Lla Daniel, soke gala alava si phangle ta o sello si pe lende llik o vreme katar o son. 10But llene ka aven chistome, lacharde ta jalade, a e bilache ka cheren o bilachipe ta ni iek katar e bilache ni ka acharel. A e llene bizai ka acharen.#Apo 22.11. 11Ta katar o vreme kana ka achadol o kurbano suako lliveseko llik kai o bilachipe pusto, ka aven milia ta dui stotine ta iniarvardes llivesa.#Dn 9.27; 11.31; Mt 24.15; Mk 13.14. 12Blagosime gua kai ka aduricharel ta kai ka resel kai e milia ta trin stotine ta tranda ta panch llivesa. 13A tu Daniel ka lla llik kai o son, ta ka ache te lelpe tutar o chiñipe, ta ka uste te sai le so ka perel tut ando son e llivesengo.
Obecnie wybrane:
Daniel 12: BACHRO
Podkreślenie
Kopiuj
Porównaj
Udostępnij
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
Biblia ande chib Romani © Sociedad Bíblica Chilena, 2018.