Amos 3
3
O rado katar o profeta
1Asunen tumen israelitura, so phenel o Del e foroke kai ikanda katar o Ejipto.
2Samo tumen esvirisardem
maskar sa e familia katar o sueto.
Goleke ka dukhavav tumen,
pala sa o bilachipe kai cherden.#Dt 7.6.
3Te phirel iek averea,
gua si soke achile pe iek alav.
4Te basel o liono ando vos,
gua si soke malada jape.
Te basel o liono minono katar o than kai gurudol,
gua si soke malada vareso te jal.
5Te istardol o porrno katar iek chirikli
ta te perel pe phuv,
gua si soke iek lleno thoda lake o solo.
Te jutel o solo, gua si soke istardilo vareso.
6Te basel e tuturuga ando foro, e llene daran.
Te nakhel fiso bilacho ando foro, si soke o Del cherda le.#Job 2.10; Is 45.7.
7O Del nikada ni cherel niso bi te phenel le pe slugenge.#Jen 18.17-19; Jer 7.25; Dn 9.10.
8¿Ko ni daral kana o liono basel?
¿Ko ni ka poraukil kana ka del orba o Del?#Jer 20.9; 1 Kor 9.16.
E zatrania katar o Samaria
9Phenen le ande bare chera katar o Asdod,
ta ande bare chera katar o Ejipto:
Aven karing e burdura katar e Samaria,
dikhen e bari burkania kai si andre
ta o silnope kai cheren kote.
10O Del phenel gia:
Ni llanen te cheren so si orta,
guruven pe chera so lie silnomaia.
11Goleke gia phenel o Del:
Iek dusmano ka avel katar suako rig e phuviako,
ta ka peravel cho cher marimako
ta ka lel o barvalipe katar tumare bare chera.
12Gia phenel o Del:
Sargo kana o chobano ikanel katar o mui e lionoko
dui porrne o iek kotor katar o kan,
gia ka nasen e israelitura
kai zivin ande Samaria,
gola kai si inzarde ande postelie sukar katar o Damasko.
13O Del kai si le sa e zor phenel:
Asunen ta den po Jakob,
14soke kana ka dukhavav e Israele pala leko bilachipe,
ka zatriv e altarura kai si ando Betel,
ka chinen e singa katar o altar
ta ka peren pe phuv.#2 R 23.15.
15Ka zatriv o cher katar o viend ta o cher katar o milai,
ni ka aven ios chera katar o marfil,
ta ka peravav e bare chera sukar.
Gia phenda le o Del.
Obecnie wybrane:
Amos 3: BACHRO
Podkreślenie
Kopiuj
Porównaj
Udostępnij
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
Biblia ande chib Romani © Sociedad Bíblica Chilena, 2018.