Amos 1
1
1E alava katar o Amos, chobano katar o Tekoa, kai poraukisarda katar o Israel dui burs mai anglal te dermolpe e phuv, ande llivesa katar o charo e Judaeko o Ozias, ta ande llivesa katar o Jeroboam, chavo katar o Joas charo katar o Israel.#2 R 14.23-29; 15.1-7; 2 Kr 26.1-23.
2Kana o Del cherel te asunen leko avazi sargo girmipe
katar o Sion, ando Jerusalem,
e patra katar e phuv sukon
ta sukol o than mai vazdino katar o Karmelo.#Jer 25.30; Jl 3.16.
E kris katar e phuvia kai si pase
3Gia phenel o Del:
E llene katar o Damasko cherde o bilachipe
ta ni ka prostiv len,
soke ustade po Galaad sargo kana ustadol o lliu e sastrea.#2 R 10.32-33; 16.9; Is 17.1-3; Jer 49.23-27; Zak 9.1.
4Ka phabarav o cher katar o Jazael,
ta e bare chera katar o Ben Adad ka phabon.#2 R 13.3.
5Pe zor ka putarav e udara katar o Damasko,
ka zatriv e charo katar o Bikat aven
ta e gazda katar o Bet eden,
ta e sirionen ka inllaren len phangle ando Kir,
gia phenda le o Del.
6Gia phenel o Del:
E llene katar e Gaza cherde gachin ezgode bilache,
kai ni ka prostiv len,
soke inllarde phangle saurren katar iek foro
ta bichinde len ando Edom te aven sluge.
7Goleke ka phabarav iag pe zidura katar e Gaza,
ta goia iag ka phabarel lenge bare chera sukar.
8Ka zatriv e charoina katar o Asdod
ta e gazda katar o Askalon.
¡Sa me zoriaia ka dav po Ekron,
ta ni iek filisteo ni ka achel llundo!
Gia phenda le o Del.#2 Kr 21.16-17; Is 14.29-31; Jer 47; Ez 25.15-17; Jl 3.4-8; Sof 2.4-7; Zak 9.5-7.
9Gia phenel o Del:
E llene katar o Tiro cherde gachin ezgode bilache
kai ni ka prostiv len,
soke die iekhe foro kai o Edome te phanden le,
ta bristraile kai achilea lenchar po alav sargo phlal.#Is 23; Ez 26.1—28.19; Jl 3.4-8; Zak 9.1-4; Mt 11.21-22; Lk 10.13-14.
10Goleke ka phabarav e iag pe zidura katar o Tiro,
ta goia iag ka phabarel lenge bare chera.
11Gia phenel o Del:
E llene katar o Edom cherde gachin ezgode bilache,
kai ni ka prostiv len,
soke llelo pala po phlal o Israel e jarniea.
Ta ande pi joli ni mislisailo so cherela
ta leki murzania ni phagili.
12Goleke ka phabarav o Teman,
ta e iag ka phabarel e bare chera katar o Bosra.#Is 34.5-17; 63.1-6; Jer 49.7-22; Ez 25.12-14; 35.1-15; Abd 1-14; Mal 1.2-5.
13Gia phenel o Del:
E llene katar o Amon cherde gachin ezgode bilache
kai ni ka prostiv len,
soke kana mangena te bariol lengi phuv
chinden po dopas e diskinien katar o Galaad kai sea khamne.
14Ka phabarav e iag pe zidura katar o Raba,
ta goia iag ka phabarel lenge bare chera
ando germipe katar iek llive marimako
15ta lenge charo ka inllaren le phanglo,
ta sa leke sudonen.
Gia phenda le o Del.#Jer 49.1-6; Ez 21.28-32; 25.1-7; Sof 2.8-11.
Obecnie wybrane:
Amos 1: BACHRO
Podkreślenie
Kopiuj
Porównaj
Udostępnij
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
Biblia ande chib Romani © Sociedad Bíblica Chilena, 2018.