កិច្ចការ 24

ចួសលូកាសួររ៉ើរើងបេកយូដាចោទចួសប៉ុល

1លោះរ៉ើអិងបឺនសងត្ងៃ ចួសចារ្យពឺតជ្រមោះ អាណានាស រ៉ើក្រេងទុំនឺច ណាវនាំមេធាវីមូយណាក់ជ្រមោះ ទើទូលុស ចូវឡង់ អនណាវនាក់ជ្មុងសួរបេកពឺតរ៉ើរើងប៉ុល 2ពេលកួយណាវក្យាប៉ុលចូវ ទើទូលុសណាវចោទប៉ុលប៉ាយ៖ «លោកពឺតភេលីចវ៉ឺយ អាសារកឹម៉ៃ សាសន៍ហៃបឺនច្អបចម្ប កឹម៉ៃបឺនជោយរេបសាសន៍ហៃអនបឺនកួច្អបអអ្ចមឡង់ 3កឹហៃម៉ឹក្លក់អឺ រ៉ើរើងលឹមម៉ៃជោយហៃគ្រាប់បន គ្រាប់ពេល ហៃអើកហឺយ 4កឹកឺម៉ឹស្អៀប៉ម្បល់ម៉ៃឌូញអឺ ទារម៉ៃច្ងាត់កឺង្គិត 5ហៃពើកប៉ាយ កន្ទ្រូសណិងណាវកួយចង្រៃ ណាវនាំបេកយូដាតឹងម៉ាត់វ័ពាសដាសត្បាល់ម៉ើក្តែក ណាវមេបេកណាសារ៉ែត#ជំពូក ២៤ ខ ៥ ណាវប៉ាយយ៉ាំងណិង ចូវរ៉ើចួសប៉ុលនាក់សួរកួយរ៉ើរើងព្រះយេស៊ូវ កឹបេកជើព្រះយេស៊ូវ ណាវប៉ាយបេកណាសារ៉ែត ចូវរ៉ើព្រះយេស៊ូវបេកណាសារ៉ែត។ 6កឹណាវប៊ិះតឹងនាំសាសន៍ផ្សិងមូតចៀឡឹងឡូប៉ហៀរ វ័អនបនបរិសុទ្ធអិងកើតចៀម៉ឹរ័កឡង់ យ៉ាំងអិងហឹយ បឺនហៃកបណាវ#ជំពូក ២៤ ខ ៦ ឡឹងខណិងគម្ពីរ៍បកប៉្រែឌូញនះហឺយកើតពាក្យមូយឃ្លាទ័នប៉ាយ “ចូវកាត់ទោសតូនច្បាប់ហៃ” រ៉ើកើតខ៧ឡង់ប៉ាយ “ម៉ងមេពឺតជ្រមោះលូស៊ា ណាវនាំកនតេហៀនណាវចូវតន្តើមអែលប៉ុលលោះរ៉ើហៃ” កឹរើងយ៉ាំងណិងទារមីតេកពាក្យរេបរាប់សួរ ទំព័រ៍ ៦។ 8#ជំពូក ២៤ ខ ៨ ឡឹងខណិងគម្ពីរ៍បកប៉្រែឌូញនះហឺយកើតពាក្យមូយឃ្លាទ័នប៉ាយ “បឺនកឹណាវសួរបេកច្លក់រ៉ើប៉ុលអនចូវជួបម៉ៃ” កឹរើងយ៉ាំងណិងទារមីតេកពាក្យរេបរាប់សួរ ទំព័រ៍ ៦។ម៉ៃមោះប៉ុលហន់អែងចៀ ម៉ៃច្បាស់កឹបឺនដិងរ៉ើរើងប៉ុលវ័លោសហឺយ» 9កឹបេកយូដាណាវជោយប៉ន្ថែមទើទូលុស ណាវប៉ាយរើងអិងយ៉ាំងអិងមេន។

ចួសលូកាសួររ៉ើរើងចួសប៉ុលជ្មុងតេកព្នេកបេកពឺតជ្រមោះភេលីច

10ភេលីចណាវវ័សញ្ញាអនប៉ុលជ្មុង កឹប៉ុលជ្មុងប៉ាយ៖ «កឺដិងប៉ាយ ម៉ៃប៉ឺរលោសក្រៃអនសាសន៍យូដាក្លឹងក្មហឺយ យ៉ាំងអិង កឺអើកដែលអឺបឺនសួរម៉ៃអនដិងច្បាស់រ៉ើរើងកឺ 11ពីតន្តប់ត្ងៃរ៉ើញោង កឺសោះចៀគោរពព្រះពឺតតេកទីក្រុងយេរូសាឡឹម បើម៉ៃម៉ឹជើ ម៉ៃមោះកួយចៀ 12កឹម៉ឹប៉ាយតេកប៉ហៀរ ម៉ឹប៉ាយតេកសាលាប៉្រជុំ រ៉ើម៉ឹប៉ាយតេកទីក្រុង កឹម៉ឹដែលកើតកួយនាមូយណាក់បឺនពើកកឺត្រវ៉ាងរ៉ើកួយ រ៉ើនាំកួយអនវ័ពាសដាសអឺ 13កឹបេកណិងផង ណាវម៉ឹកើតចន្ទ័អែលចូវចម្បាយម៉ៃអនដិងច្បាស់រ៉ើរើងណាវប៉ាយកឺអឺ 14ម៉ងកឺសួរម៉ៃតូនត្រង់ប៉ាយ កឺគោរពព្រះយាក់ចួសហៃតូនពាក្យព្រះយេស៊ូវ កឹកួយណាវក្យាប៉ាយក្បត់សាសនា កឺជើពាក្យចូវរ៉ើព្រះពឺតតឹងម៉ាត់ តឹងច្បាប់ព្រះពឺតលឹមចួសម៉ូសេសសេរដក តឹងពាក្យចូវរ៉ើព្រះពឺតលឹមបេកសួរកួយពាក្យចូវរ៉ើព្រះសសេរដក 15កឹកឺសង្ឃឹមរ៉ើព្រះពឺត យ៉ាំងបេកណិងណាវសង្ឃឹមដែលប៉ាយ បេកវ័ត្រង់រ៉ើបេកវ័ម៉ឹត្រង់ ព្រះពឺតប៉្រោះអនត្មង់ចៀក្រោយ 16យ៉ាំងអិងហឹយ បឺនតេកព្នេកព្រះពឺតរ៉ើតេកព្នេកកួយ កឺខំវ័អនក្រៃតឹងម៉ាត់ 17កឺលោះរ៉ើទីក្រុងយេរូសាឡឹមម្នាក្មហឺយ កឹកឺចូវចៀក្រោយ អែលកាក់ចូវជោយសែមសាយបេកយូដា រ៉ើអែលចន្ទ័ៗចូវថ្វាយព្រះពឺត 18ម្សាអិងកឺរាវចាក់ឡឹងឡូប៉ហៀរអនបឺនរ័ក កឹបេកយូដានឺចចូវរ៉ើខែតអាស៊ី ណាវពើកកឺដែលអឺ កឺម៉ឹបឺនប៉្រជុំរ៉ើកួយ រ៉ើនាំកួយវ័ពាសដាសអឺ 19បេកអិងអឺ ស្នំកឹចូវសួរម៉ៃរ៉ើរើងកឺអនម៉ៃដិងបើប៉ាយណាវកើតរើងន្ទ័មូយចន្ទាស់រ៉ើកឺ 20បេកកួតេកណិងកឹយ៉ាំងអិងដែល បើណាវពើកប៉ាយកឺវ័លោសម្សាកួយអនកឺត្យឹងតេកព្នេកបេកពឺត អនណាវប៉ាយចៀ 21ម្សាអិងកឺសួររើងកឹមូយអឺ កឺប៉្រកាសតេកតន្ឌីកួយក្លឹងប៉ាយ “ត្ងៃនី សែមសាយអនកឺត្យឹងតេកណិង អាសារកឹរើងកួយក្ចែតបឺនត្មង់ចៀក្រោយ”»។

22ភេលីចណាវយល់ច្បាស់រ៉ើរើងកួយច្ងាត់តូនពាក្យព្រះយេស៊ូវ កឹណាវប៉ាយ៖ «ហៃឆុបប៉្រជុំម៉ើណិងសិន ចាំមេពឺត ជ្រមោះលូស៊ាចូវតក់ កឺគឹតរើងណិងអនម័ងទ័ន» 23បឺនកឹណាវប៉ញ្ជាមេតេហៀនមូយណាក់ អនអែលប៉ុលចៀប៉កខាំងដក ម៉ងណាវអនប៉ុលកួច្អបដែលអឺ បើបេកស្គាល់ប៉ុលស្អៀអែលចន្ទ័ៗចាចូវអនប៉ុល ណាវអនមូតដែលអឺ។

ចួសលូកាសួររ៉ើរើងចួសភេលីចរ៉ើកន្តែលណាវចូវជួបរ៉ើចួសប៉ុល

24លោះរ៉ើអិងបឺនប៉នសងចិតត្ងៃ ភេលីចរ៉ើកន្តែលណាវនាំឃ្នាចូវជួបប៉ុល កន្តែលណាវ ជ្រមោះទ្រូស៊ីល ណាវបេកយូដា ពេលណាវចូវតក់ ណាវអនកួយក្យាប៉ុលចូវជួប បឺនកឹណាវអនប៉ុលញ្ជេសួររ៉ើរើងព្រះយេស៊ូវគ្រីស្ទ 25ពេលប៉ុលកម្ពុងកឹសួររ៉ើរើងជាងវ័ត្រង់ រើងជាងអាត់ រ៉ើរើងព្រះពឺតកាត់ទោសកួយពោះអាព្នេកទ័ន ភេលីចណាវផី កឹណាវសួរប៉ុលប៉ាយ៖ «ម៉ៃចៀចៀក្រោយសិនចៀ ចាំកើតពេល កឺក្យាម៉ៃម៉្រងទ័ន» 26ភេលីចណាវសង្ឃឹមប៉ាយ បឺនកាក់រ៉ើប៉ុល យ៉ាំងអិងហឹយ បឺនណាវរអែងក្យាប៉ុលអនចូវជួបណាវ 27លោះរ៉ើអិងបឺនបារក្ម ព័រគាស-ភេស្ទុសវ័ការជំលោសភេលីចម៉្រង ភេលីចណាវខំកឹអែលចិត្តបេកយូដា យ៉ាំងអិងហឹយ បឺនណាវដកប៉ុលឡឹងគុក។

Obecnie wybrane:

កិច្ចការ 24: KNT

Podkreślenie

Kopiuj

Porównaj

Udostępnij