Yowani 1
1
Nziili Mukuma wu liyalala na wa moonyi mu tsi
1Ŋa mbandu hwaba na Mukuma. Mukuma aba itwadi na Nzambi. Mukuma aba ni Nzambi. 2Buuna ŋa mbandu, Mukuma aba itwadi na Nzambi. 3Byosi bi Nzambi havangi, nde avangi byo mu Mukuma. A hu li na isiha hi nde havangi hwavele Mukuma ve#Mba 1.3; Mkg 33.6 . 4Mukuma aba ni suhu la moonyi. Moonyi mo wuuna aviidi liyalala huli baatu boosi. 5Liyalala libaayalusa piipidi. Ka piipidi a yaatwali udimasa lo ve.
6Nzambi atsindihi muutu nga nduhi Yowani. 7Nde ayidi we mbangi, mu uyata imbangi mu liyalala, mana baatu basa imiinu mu lo. 8Yowani a habeedi liyalala ve. Ka nde ayidi mu uta imbangi mu liyalala. 9Liyalala mo liina laaba ni liyalala la mbuli a mbuli, li lili mu uya mu tsi. Lo lili mu uyalusa baatu boosi.
10Mukuma aba mu tsi, na Nzambi avangi tsi mu nde. Ka baatu ba tsi a baadihuli nde ve. 11Nde ayidi huli baatu ba nde, ka baatu ba nde a baayaki nde ve. 12Ka boosi ba baayaki nde, na huli boosi ba baasiidi imiinu mu nde, nde aviidi bo muswa mu uba baana ba Nzambi. 13Bo a bali baana ba Nzambi mu makila, buuve mu litondo li musunya ve, a tso mu litondo la muutu ve. Ka bo baabutimi baana ba Nzambi mu litondo la nde.
14Mukuma akituhi musunya na nde atsahili ŋa hati la bisu#Pal 33.6, wu aluula mu hyese na imbuli. Bisu laakengisi muyusu a nde, muyusu wu Mwana wu livingu ali mu uyaka huli Taata a nde. 15Yowani atiili nde imbangi na asiidi ileedi mo hinihi: «Ni mu nde me anzambili ŋa me andeeli bunuubu: “Nde uya humbisa a me, ka nde akulala me, mu tooni ati nde abeedi moonyi tehele babuta me.”» 16Bisu boosi laayaki ikuuku hi busina bwa hyese hya nde. Nde ayitili bisu lisyeme li lilahi. 17Ni mbuli, Nzambi asalili Moose#Pal 31.18; 34.28 mu uva bisu Mikele. Ka ni mu Yisu Kristo, Nzambi habehili bisu hyese na imbuli bya nde. 18A hu li na muutu wu amiimono Nzambi#Pal 33.20 ve. Ka ndulu Mwana wu livingu, wu li Nzambi na wu ubaatsahala ŋa tsoho a Taata, ni nde amweese bisu buni Nzambi ali.
Imbangi hya Yowani Mutondihi
19Bakuutu ba Bayudaayo ba Yeruselemi, baatsindihi bangaanga ba Nzambi na basalili ba mu nzo a Nzambi huli Yowani. Bo baayafuula nde bunuubu: «We na we li?» Mono imbangi hi Yowani hatiidi. 20Nde a haabisi uva bo mvutu ve. Ka nde asilisi paayalala ŋa busu bwa boosi: «Me a handi Kristo ve.» 21Na bo baafuuli nde: «Ka we ka na li? We ni Eliya?» Nde afutili bo: «Naana, me a handi Eliya ve.» Bo baabwefuula nde bunuubu: «We ka mumbihuli wu Nzambi hu utsindaha#1.21 mumbihuli wu Nzambi hu utsindaha Muutu wu uyayabisa nziili a Kristo Pfu 18.15,18.?» Na nde afutili ti «Naana!» 22Bunuubu, bo baafuuli nde: «Ka we ka na li? Bisu lafwana uva mvutu huli ba batsindihi bisu. We ki lo leeli mu we mwakulu?» 23Yowani afutili bo ti: «Me ni
ndaha a nde wuuna wu li mu uta ibila mu kumu a nzala:
“Vangimasaani nzila yi yaasungama mu tooni a Pfumu#Esa 40.3 !”»
Buuna ni bu mumbihuli Esaya haayabisi.
24Baatu ba baatsindihi huli Yowani, aba Bafarisi. 25Bo baabwefuula nde bunuubu: «Ka we mu hima we ubaatondehe baatu, tso we a hali Kristo ve, buuve Eliya, buuve mumbihuli wu Nzambi hu utsindaha?» 26Yowani afutili bo bunuubu: «Me, me ndi mu utondehe benu mu mamba. Ka ŋa hati la benu, hu li na muutu wu benu laaveleyaba. 27Nde uya humbisa a me, ka me a handi wu akuha mu unyangula mikudu mi bikoodi bya nde ve.» 28Maana moosi mavangimi hu Betanya, hu simu lina la Yolodani, hu Yowani hakatondehe baatu.
29Ilumbu hi hyadukili, nde amoni Yisu mu uyiila nde. Yowani aleeli: «Monwaani Limeme la Nzambi li libaamaasa masumu ma baatu#Esa 53.6-7 . 30Ni mu tooni a nde wunuuwu me andeeli: “Humbisa a me muutu mumosi li mu uya, ka nde akulala me. Mu tooni ati, nde ateehili me uba moonyi.” 31Me a hakanzaba nde ve. Ka me anzidi mu utondehe mu mamba, mana buli li Isereli liyaba nde.» 32Yowani atiidi imbangi mo hinihi: «Me miimono Livupu la Ngidi mu ukulamana umata hu yulu mu ifwaani hi libembe, na utsahala ŋa yulu a nde. 33Me a hakanzaba nde ve. Ka Nzambi atsindihi me mu utondehe mu mamba. Nde aleeli me bunuubu: “Nde wuuna wu we umono Livupu mu ukulamana na utsahala ŋa yulu a nde, ni nde wuuna utondehe mu Livupu la Ngidi.” 34Me miimono miina, buleeli Yowani, na me tiidi imbangi ti nde ni Mwana a Nzambi.»
Yisu li mu uteele bayihi ba nde baatsomi
35Ilumbu hi hyakaduukala, Yowani ayafutaha ŋaana na bayihi ba nde boole. 36Bu nde hamoni Yisu mu uvyoho, nde aleeli: «Monwaani Limeme la Nzambi#1.36 Limeme la Nzambi ifwaani hi ibulu hi Abrahami hayehuli mu bungodu huli Nzambi Mba 22.8.!» 37Bayihi baboole baa Yowani baayuhi mambu mo maana, na baaduukili Yisu. 38Yisu atali mbisa na amoni ti bo baakaduukala nde, na nde aleeli bo: «Benu hima lili mu usaha?» Bo baafutili: «Rabi, we huni ubaatsahala?» Mbindulili a Rabi: «Mulongisi». 39Nde afutili bo: «Yaani na benu sa limono.» Bo baayeni na nde, na baamoni hu nde hakatsahala. Bo baavyosi muyilala mo wuuna na nde. Aba bebele na ngunga yi mana humbisa a mwangulu.
40Andele, muhehe a Simoni Peetelo, aba mumosi mu baboole ba baayuhi mambu ma Yowani na baaduukili Yisu. 41Nde ayamono tsomi mwaana a ngu a nde Simoni na aleeli nde: «Bisu limiisoolo Masiya!» Masiya mbindulili ni «Kristo». 42Na nde abiti Simoni huli Yisu.Yisu atali nde swii, na aleeli: «We ni Simoni, mwaana a Yowani. Sa bateele we Kefasi.» Kefasi mbindulili ti: «Manya#1.42 Manya mbindulili ni ti: Peetelo.».
43Mu ilumbu hi hyakaduukala, Yisu akani ufutaha hu Ngalili. Nde abwani na Filipo, na aleeli: «Duukala me!» 44Filipo aba musi Betesayida, musyenge a Andele na Peetelo. 45Titswene Filipo abwani na Natanayeli, na aleeli: «Bisu limiisoolo muutu wu Moose hasonihi mu muhanda Mikele, wu mimbihuli myasiidi nzuhisini mu nde. Ni Yisu, mwaana a Yosefi, musi Nazareti.»#Pfu 18.18; Esa 9.5-6; Ezk 34.23 46Natanayeli afuuli Filipo: «Hu Nazareti kaka, utwala uyiila dyaambu lilibwe?» Filipo afutili nde: «Yaanga, we sa mono!»
47Bu Yisu hamoni Natanayeli mu uyiila nde, nde aleeli nde: «Me lolo moni musi Isereli wa mbuli a mbuli. Bahala mo linili kaka utwala upfuta!» 48Natanayeli afuuli nde: «We huni ayaaba me?» Yisu afutili nde: «Tswamina Filipo mu uteele we, me mbeedi amiimono we, ŋa we beedi hu tsina muti a fiinge.» 49Na Natanayeli abweleele nde: «Rabi, we li Mwana a Nzambi, we li Mutumi Isereli#Mkg 2.7; Sof 3.15!» 50Yisu afutili nde: «Mu tooni a bu me ndeeli we ti me moni we hu tsina muti a fiinge, we miisiila me hiitu? We sa mono mavaanga ma maalutala bunene.» 51Na nde abweleele: «Mu mbuli, mu mbuli me ndi mu undeele benu, benu sa limono mayulu bwasi, na bapofi ba Nzambi mu ukuma, na ukulamana ŋa yulu a nde Mwana a Muutu#Mba 28.12!»
Obecnie wybrane:
Yowani 1: TSA
Podkreślenie
Kopiuj
Porównaj
Udostępnij
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
© (Active), Wycliffe Bible Translators, Inc. All rights reserved.
