ወንጌል ዘማቴዎስ 1
1
ምዕራፍ ፩
በእንተ ኍልቈ ትውልድ
1 #
ሉቃ. 3፥33-38፤ ሮሜ 1፥3፤ 9፥5። መጽሐፈ ልደቱ ለእግዚእነ ኢየሱስ ክርስቶስ ወልደ ዳዊት ወልደ አብርሃም። 2#ዘፍ. 21፥3፤ 25፥19፤ 29፥31። አብርሃም ወለዶ ለይስሐቅ ወይስሐቅኒ ወለዶ ለያዕቆብ ወያዕቆብኒ ወለደ ይሁዳሃ ወአኀዊሁ። 3#ዘፍ. 38፥29፤ 1ዜና መዋ. 2፥4-9። ወይሁዳኒ ወለደ ፋሬስሃ ወዛራሃ እምትእማር ወፋሬስኒ ወለደ ኤስሮምሃ ወኤስሮምኒ ወለደ አራምሃ። 4#1ዜና መዋ. 2፥10። ወአራምኒ ወለደ አሚናዳብሃ ወአሚናዳብኒ ወለደ ነአሶንሃ ወነአሶንኒ ወለደ ሰልሞንሃ። 5#ሩት 4፥13-22። ወሰልሞንኒ ወለደ ቡኤዝሃ እምራኬብ ወቡኤዝኒ ወለደ ኢዮቤድሃ እምነ ሩት ወኢዮቤድኒ ወለደ እሴይሃ። 6#2ሳሙ. 12፥24። ወእሴይኒ ወለደ ዳዊትሃ ንጉሠ ወዳዊትኒ ንጉሥ ወለደ ሰሎሞንሃ እምነ ብእሲተ ኦርዮ። 7#1ዜና መዋ. 3፥10። ወሰሎሞንኒ ወለደ ሮብዓምሃ ወሮብዓምኒ ወለደ አብያሃ ወአብያኒ ወለደ አሳፍሃ። 8#1ነገ. 15፥24፤ 1ዜና መዋ. 3፥11። ወአሳፍኒ ወለደ ኢዮሳፍጥሃ ወኢዮሳፍጥኒ ወለደ ኢዮራምሃ ወኢዮራምኒ ወለደ#ቦ ዘይጽሕፍ «... አካዝያስሃ ወአካዝያስኒ ወለደ ኢዮአስሃ ወኢዮአስኒ ወለደ አሜስያስሃ ወአሜስያስኒ ...» ዖዝያንሃ ዘተሰምየ አዛርያስ። 9#1ዜና መዋ. 3፥11፤ 2ነገ. 11፥1-13። ወዖዝያንኒ ወለደ ኢዮአታምሃ ወኢዮአታምኒ ወለደ አካዝሃ ወአካዝኒ ወለደ ሕዝቅያስሃ። 10#1ዜና መዋ. 3፥14። ወሕዝቅያስኒ ወለደ ምናሴሃ ወምናሴኒ ወለደ አሞጽሃ ወአሞጽኒ ወለደ ኢዮስያስሃ። 11ወኢዮስያስኒ ወለደ ኢኮንያንሃ ወአኀዊሁ አመ ፍልሰተ ባቢሎን። 12#ዕዝ. 3፥2። ወእምድኅረ ፍልሰተ ባቢሎን ኢኮንያንኒ ወለደ ሰላትያልሃ ወሰላትያልኒ ወለደ ዘሩባቤልሃ። 13ወዘሩባቤልኒ ወለደ አብዩድሃ ወአብዩድኒ ወለደ ኤልያቄምሃ ወኤልያቄምኒ ወለደ አዛርሃ። 14ወአዛርኒ ወለደ ሳዶቅሃ ወሳዶቅኒ ወለደ አኪምሃ ወአኪምኒ ወለደ ኤልዩድሃ። 15ወኤልዩድኒ ወለደ አልዓዛርሃ ወአልዓዛርኒ ወለደ ማትያንሃ ወማትያንኒ ወለደ ያዕቆብሃ። 16ወያዕቆብኒ ወለደ ዮሴፍሃ ፈኃሪሃ ለማርያም ዘእምኔሃ ተወልደ እግዚእ ኢየሱስ ዘተሰምየ ክርስቶስ። 17#ሉቃ. 3፥23-38። ወኵሎንኬ እንከ ትውልድ እምአብርሃም እስከ ዳዊት ትውልድ ዐሠርቱ ወአርባዕቱ። ወእምዳዊት እስከ ፍልሰተ ባቢሎን ትውልድ ዐሠርቱ ወአርባዕቱ ወእምፍልሰተ ባቢሎን እስከ ክርስቶስ ትውልድ ዐሠርቱ ወአርባዕቱ ወኵሎንኬ ትውልድ እምአብርሃም እስከ ክርስቶስ ትውልድ አርብዓ ወክልኤቱ።
በእንተ ፅንሰቱ ወልደቱ ለክርስቶስ
18 #
ሉቃ. 1፥35። ወለእግዚእነ ኢየሱስ ክርስቶስ ከመዝ ውእቱ ልደቱ ወሶበ ተፍኅረት እሙ ማርያም ለዮሴፍ ዘእንበለ ይትቃረቡ ተረክበት ፅንስተ እመንፈስ ቅዱስ። 19ወዮሴፍሰ ፈኃሪሃ እስመ ጻድቅ ውእቱ ኢፈቀደ ይክሥታ አላ መከረ ጽሚተ ይኅድጋ። 20ወእንዘ ዘንተ ይኄሊ ናሁ አስተርአዮ መልአከ እግዚአብሔር በሕልም እንዘ ይብል ኦ ዮሴፍ ወልደ ዳዊት ኢትፍራህ ነሢኦታ ለማርያም ፍኅርትከ እስመ ዘይትወለድ እምኔሃ እመንፈስ ቅዱስ ውእቱ። 21#ሉቃ. 1፥31። ወትወልድ ወልደ ወትሰምዮ ስሞ ኢየሱስሃ እስመ ውእቱ ያድኅኖሙ ለሕዝቡ እምኀጢአቶሙ። 22ወዝ ኵሉ ዘኮነ ከመ ይትፈጸም ዘተብህለ እምኀበ እግዚአብሔር በነቢይ እንዘ ይብል። 23#ኢሳ. 7፥14። «ናሁ ድንግል ትፀንስ፤ ወትወልድ ወልደ ወይሰመይ ስሙ አማኑኤል » ዘበትርጓሜሁ እግዚአብሔር ምስሌነ። 24ወተንሢኦ ዮሴፍ እምንዋሙ ገብረ በከመ አዘዞ መልአከ እግዚአብሔር ወነሥኣ ለማርያም ፍኅርቱ። 25#ሉቃ. 2፥7፤ 2ሳሙ. 6፥23። ወኢያእመራ እስከ አመ ወለደት ወልደ ዘበኵራ ወጸውዑ ስሞ ኢየሱስሃ።
Obecnie wybrane:
ወንጌል ዘማቴዎስ 1: ሐኪግ
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj