Salm 130
130
Salm Aithrí agus Dóchais
1 Amhrán Oilithreach.
As na duibheagáin a ghlaoim ort, a Thiarna;
éist, a Thiarna, le mo ghuí.
2Go n‑éiste do chluasa go haireach
le mo ghlór ag impí ort.
3Má fhéachann tú ár gcionta, a Thiarna,
a Thiarna, cé rachaidh slán?
4Ach is leat na peacaí a mhaitheamh;
ionas go riarfaí go humhal duit.
5Tá muinín ag mʼanam as an Tiarna;
ar a bhriathar atá mo sheasamh.
6Is foighní mʼanam ag feitheamh leis an Tiarna,
ná lucht faire leis an maidin.
Bíonn lucht faire ag faire leis an maidin,
7agus Iosrael leis an Tiarna,
de bhrí gur ag an Tiarna atá an trócaire,
agus an fhuascailt fhairsing.
8Agus is é a dhéanfaidh Iosrael a fhuascailt
óna gcionta go léir.
Obecnie wybrane:
Salm 130: ABN2012
Podkreślenie
Kopiuj
Porównaj
Udostępnij
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
© An Sagart 2012 Úsáidtear le cead. Used by permission.