Ŋúnuyɔ 98
98
Yeri ŋú yeri Kàyuʔujuufɔli Yewe gbùʔɔrɔ́ wè
1Ŋúnudanʔa gáà pe ŋú nɛ́ yakpuɔnrɔ ní dè.
Yeri ŋúnuvɔngɔ ŋú Yewe mɛ́ wè#98.1 Wéli baa 96.1., nɛ́ ki cɛ́n wi nyɛ́nì kakpoliyo kpíʔile !
Wi kàliige kɔli nɛ́ wi ŋɔri ní dè, kire 'ki kpíʔile a wi 'fànʔa taa.
2Yewe nyɛ́nì ki tìɛ wire wī Suɔfɔli wè,
wi nyɛ́nì wi sínnɛ tìɛ lè kùlogolo siɛnfeliye nyaamɛ nɛ̄ bè.
3Wiì yé fìʔɛʔ bè wi bànguɔ dɛ́nigɛ tìɛ gè nɛ́ wi kányiʔɛ kaala ní lè Isirayɛli siɛnnɛ kɔli mɛ́ gèʔ.
Duniya siɛnnɛ pe mìɛni bèle, dàala tiɛyɛ yi mìɛni nī yè, a pe 'ki cɛ́n wi nyɛ́nì weli suɔ.
4Dàala siɛnnɛ ye mìɛni, yeri fundaanra yékpuʔulo wáari Yewe mɛ́ wè !
Yeri ŋú yeri yakpuɔnrɔ kpúɔn dè !
5Yeri gɔripile kpúɔn lè Yewe mɛ́,
yeri gɔripile kpúɔn lè ni de tùngú yé ŋúnugo le gè#98.5 Wéli baa 33.2; 92.3; 147.7. !
6Ye kàkpaanya líɛ yè nɛ́ sìnbanyɛyɛ ní yè, yeri yi wíi#98.6 Kàkpaanya nɛ́ sìnbanyɛyɛ yè, pe 'puu nɛ baara nɛ́ yi ní nɛ kele jáari gèle gàli ke 'puu nɛ báan gèle, bè siɛnnɛ yeri bèle bè gbuʔulo bè Kulocɛliɛ gbùʔɔrɔ wè. A ki 'nyaa kapiɛnnɛ nī lè, ki 'puu nɛ ki tìí a ki yē pàli je ba tuu pe nɛ̄ wè, kire ga laa a ki yē pe 'fànʔa taa bèle. Wéli baa Tɔ́r 10.10; 29.1; Yes 6.16; Ŋún 47.6; 81.4; 150.3. !
Yeri fundaanra yékpuʔulo wáari Kùlofɔli Yewe yiʔɛ mɛ́ gè !
7Kuʔɔjii lakuruyo yi de tùngú
nɛ́ ki laamɛ yɛrɛ ti mìɛni ní dè#98.7 Wéli baa 96.11.,
nɛ́ míɛni duniya wè nɛ́ wi siɛnnɛ ní bèle !
8Lakoliyo yi de kadaʔala kóri !
Nyaguruyo míɛni, yi de fundaanra yékpuʔulo wáari
9Yewe yiʔɛ mɛ́ gè, nɛ́ ki cɛ́n wiī nɛ báan
bè pa kàyuʔu juu dàala siɛnnɛ nɛ̄ bèle !
Wire wi bé duniya siɛnnɛ kàyuʔu juu gè nɛ́ sínmɛ ní,
bé kùlogolo siɛnfeliye kàyuʔu juu gè nɛ́ sínmɛ ní#98.9 Wéli baa 96.13..
Obecnie wybrane:
Ŋúnuyɔ 98: sev
Podkreślenie
Kopiuj
Porównaj
Udostępnij
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
© (Active), Wycliffe Bible Translators, Inc. All rights reserved.