Ŋúnuyɔ 97
97
Yewe wiī duniya Kùlofɔli nɛ́ ní Kàyuʔujuufɔli
1 Yewe wiī Kùlofɔli ! Dàala niri muguri !
Kuʔɔjii gògoyo siɛnniʔɛnɛ peri fundaanra kpínʔini !
2Kàsadibagɛ wuʔɔ dɛ́ndɛn ki 'wi màʔa nɛ̀ suʔu#97.2 Wéli baa Yir 19.9. Koliyo 2-6 wuʔu nɛ̄ gè, kiī nɛ nyu kɛnmɛ bíì nɛ̄ Kulocɛliɛ wi 'wìi tìɛ baa Sinayii nyagurugo mɛ́ gè (wéli baa Yir 19.16-19).;
sínmɛ nɛ́ kàyuʔujuugɛnmɛ báà pi 'nyuɔ bè
pire pi 'wi kàfɔligɔ tɛ́ngɛ gè.
3Kàsun yē wi yiʔɛ mɛ́ gè nɛ wi parifɔlilɔ sórigi bèle
kayɔbiyɔ yi mìɛni nɛ̄.
4Nyìʔɛnɛ ni nyíʔɛnimɛ piī nɛ duniya càanná wè#97.4 Wéli baa 77.19.; dàala niī nɛ ki nyaʔa níɛ cúungu.
5Nyaguruyo yiī nɛ nyɛgi bɛ̀ sákuro tíɛlɛ Yewe yiʔɛ mɛ́ gè,
dàala ni mìɛni Kàfɔli wi yiʔɛ mɛ́ gè.
6Nyìʔɛnɛ ni 'wi sínnɛ jáari lè,
kùlogolo siɛnfeliye yi mìɛni
nɛ wi kpuɔmɔ nɛ̀ wi cɛ̀nmɛ nyaʔa bè.
7Fìɛrɛ bé tɔ́n pe nɛ̄, bàli pe mìɛni piyē nɛ yatɛngɛ káà sungu gè,
bàli pe 'pìye kpóri bèle, pe yatɛnyɛ yi wè yafiɛnʔ#97.7 Wéli baa Lev 26.1; Eza 42.17; Zer 10.14; Fàn 5.8..
Nyìʔɛnɛ fànʔafɔlilɔ#97.7 Wéli baa 29.1 kaliwɛgɛ ki táanmɛ gè. pe mìɛni nɛ tun nɛ cúbulo wi yiʔɛ mɛ́ gè#97.7 Ki 'juu baa Eb 1.6. Kire tiʔɛ nī pe Fàn 32.43 fàri ki nɛ̄, nɛ́ ki juu nɛ̀ yɛli nɛ́ girɛki siɛnliɛrɛ ní dè..
8 Siyɔn kàʔa ki nyɛ́nì ki lúʔu níɛ fundaanra kpínʔini,
Zuda kùlo kàaya wuulo piyē nɛ muguri
Yewe kàyuʔujuuro kɛnmɛ nɛ̄ bè.
9Nɛ́ ki cɛ́n, Yewe, muɔ wī Duniya wi Mìɛni Nyùgo nɛ̄ gè,
muɔ yē dàala ni mìɛni nyùgo nɛ̄ gè,
muɔ kàfɔligɔ ki 'kpúʔɔ nɛ̀ tóri kulocɛlɛlɛ pe mìɛni nɛ̄.
10Yeli bálì Yewe wi 'yeli dɛ́ni wè, ye‑ kapiʔi yaʔa gè ki‑ yeli biɛn !
Siɛnnɛ bálì pe 'pìye puɔ wi nɛ̄, wiī nɛ pe sìi wéli wè,
wiī nɛ pe suu siɛnpiile pe kiyɛ nī yè.
11Kpìɛnmɛ piī nɛ càanná wi tɛ́ngɛlɛ siɛnnɛ mɛ́ bèle;
bàli sí pe síngi bèle, peli wuʔu kiī tànʔa.
12Siɛnsinminɛ yo, yeri fundaanra kpínʔini Yewe kɛnmɛ nɛ̄ bè#97.12 Wéli baa 104.34; Eza 41.16; Filip 4.4. !
Yeri wi síɛri, yé wi tiɛlɛfun wuʔu cɛ́n gè#97.12 Wéli baa Yir 3.14-15; Ŋún 99.3. !
Obecnie wybrane:
Ŋúnuyɔ 97: sev
Podkreślenie
Kopiuj
Porównaj
Udostępnij
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
© (Active), Wycliffe Bible Translators, Inc. All rights reserved.