Ŋúnuyɔ 61
61
Mi fungo ki 'nyaʔami, á mi náarigɛ ki 'cò
1Ŋúnuŋuminɔ yiɛginiwɛ wuʔu gī. Dawuda ŋúnugo gáà pe 'ŋú nɛ́ gɔrilɔ ní bèle.
2Kulocɛliɛ yo, ‑mi kòkuulo lúʔu lè !
Ma líiye cáan mi náarigɛ mɛ́ gè !
3Bè mi yaʔa baa duniya láʔala nɛ̄ lè, mi nɛ muɔ yeri,
bɛ̀ mi fungo ki 'nyaʔami gè.
‑Mi kɔ́ri ma tánʔa kàdɛnigbaala naamɛ gè
nàa ni 'kpàʔala nɛ́ tóri mi nɛ̄ wè.
4Nɛ́ ki cɛ́n muɔ yē mi làridiʔɛ, nɛ́ míɛni saakpaʔaligɛ lìrige,
mi leguulo yiʔɛ mɛ́ gè.
5Mi nɛ caa bè kò lɛ̀lɛ ó lɛ̀lɛ nī muɔ kòridiʔɛ nī gè#61.5 Kulocɛliɛ kòridiʔɛ gè, ki 'puu kpátaʔa, tiʔɛ gíì nī nyakungɛngɛ finʔɛgɛ ki 'puu gè. Pe 'puu nɛ Yewe gbùʔɔrɔ́ wè baa á wi 'wìi tìɛ pe nɛ̄ (wéli baa 15.1; 27.4; Sam2 6.17; 7.2; Kùlo1 1.39; 2.28-30).,
dí muɔ sí mi làrigɛ muɔ fíkɛnyɛ láara yè#61.5 Dawuda wi 'Kulocɛliɛ tɔ́nminɔ wè nɛ́ sínjanuu ní ŋàa wi wi pìile tɔ́ngi bèle wi fíkɛnyɛ láara yè (wéli baa 17.8).. Ye‑ ŋɔ́ cɛ̀.
6Nɛ́ ki cɛ́n muɔ Kulocɛliɛ wè, muɔ nyɛ́nì mi nyakungɛngɛ lúʔu gè,
á muɔ kɔrigɔ 'kɛn m'mɛ́,
gàa muɔ nɛ kanʔa bìli mɛ́ pe fìʔɛ́ muɔ nɛ̄ wè.
7‑Cɛnyɛ yáà fàri kùlofɔli wi cɛnyɛ nɛ̄ yè;
wi yiʔɛlɛ ke‑ tɔni bè niʔɛ kɛ̀ngɛlɛ nī gèle !
8Kùlofɔli wi‑ sí tɛ́ni wi kùlofɔlilɔ kácunʔɔ nɛ̄ gè
lɛ̀lɛ ó lɛ̀lɛ nī Kulocɛliɛ yiʔɛ mɛ́ gè !
‑Ki yaʔa muɔ bànguɔ dɛ́nigɛ nɛ́ muɔ kányiʔɛ ti de wi wéli súuri !
9Bà m'béri muɔ gbùʔɔrɔ́ lɛ̀lɛ ó lɛ̀lɛ nī mi ŋúnuyɔ nī yè,
bà m'béri mi nyakungɛnyɛ forigi yè
cɛngɛ ó cɛngɛ nyàa mi 'kpíʔile yè.
Obecnie wybrane:
Ŋúnuyɔ 61: sev
Podkreślenie
Kopiuj
Porównaj
Udostępnij
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
© (Active), Wycliffe Bible Translators, Inc. All rights reserved.