Ŋúnuyɔ 100
100
Yewe nigbe wī Kulocɛliɛ wè
1Ŋúnudanʔa gáà pe ŋú nɛ́ yakpuɔnrɔ ní dè, bè Yewe síɛri wè.
Duniya siɛnnɛ ye mìɛni yeri fundaanra yékpuʔulo wáari Yewe mɛ́ wè !
2Yeri baara Yewe mɛ́ wè nɛ́ fundaanra ní;
yeri báan wi yiʔɛ mɛ́ gè nɛ́ fundaanra ŋúnuyɔ ní yè !
3Ye‑ ki sɔ́migɔ ye cɛ́n, Yewe nigbe wī Kulocɛliɛ wè !
Wire wi 'weli faan; weli yē wi wuulo.
Weli yē wi tògo wuulo, nɛ́ ní wi sìnbatogo gáà wi nári gè.
4Yeri jiin wi Gbùʔɔrɔsaʔa wiʔile nī gèle nɛ́ síɛrigɛ ní,
yeri jiin wi dàliyɛ nī yè nɛ́ gbùʔɔrilɔ ní#100.4 Wéli baa 96.7-8. !
Ye‑ wi gbùʔɔrɔ ye kpuʔɔrɔ taʔa wi míʔɛ nɛ̄ gè#100.4 Weli baa 45.18. !
5Nɛ́ ki cɛ́n Yewe nyɛ́nì nyuɔ: wi bànguɔ dɛ́nigɛ kiī baa lɛ̀lɛ ó lɛ̀lɛ nī,
wi kányiʔɛ kaala niī nɛ mɔgi súuri kɛ̀ngɛlɛ ke mìɛni nī#100.5 Wéli baa 106.1; 107.1; 118.1,29; 136; Kaj1 16.34; Kaj2 5.13; 7.3; Ɛsid 3.11; Zer 33.11..
Obecnie wybrane:
Ŋúnuyɔ 100: sev
Podkreślenie
Kopiuj
Porównaj
Udostępnij
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
© (Active), Wycliffe Bible Translators, Inc. All rights reserved.