रोमियो 1
1
नमश्कार
1मैं पौलुस, जेड़ा यीशु मसीह दास ऐ, ते प्रेरित ओनें आसतै बुलाया गीया, ते परमेसर दे ओस शोभ समाचार आसतै परमेसर थमां चुनयां गीया ऐ 2जेसदी पैलैं गै परमेसर थमां पवित्र शास्त्र च, 3अपने पुत्तर साड़े प्रभु यीशु मसीह दे बारै च पविखवाणी कित्ता हा; ओ मानु आला लेखा तां दाऊद दे खांनदान चा पैदा ओया 4ते पवित्रता दी आत्मा आला लेखा मरें दे चां जिंदे ओनें दे कारन शक्ति कन्ने परमेसर दा पुत्तर आखया गीया ऐ 5मसीह थमां असेंगी क्रपा ते प्रेरिताई परमेसर थमां मिली के ओदे नां दे कारन सारी जातीयें दे लोक विश्वास करियै मसीह दी मनन, 6जिन्दे च तोस बी जेड़े रोम च रौंदे ओ यीशु मसीह दे ओनें लेई बलाये गेदे ओ।
7ए चिट्ठी थुआड़े सारे दे नां ऐ, जेड़े रोम शैर च परमेसर दे प्यारे न, ते पवित्र ओनें आसतै बलाये गेदे न; साड़े पिता परमेसर ते प्रभु यीशु मसीह थमां तुसेंगी क्रपा ते शान्ति मिलदी रवै।
रोम गी जाने दी तमन्ना
8पैलैं आंऊँ थुआड़े सारे दे लेई यीशु मसीह दे जरीयै अपने परमेसर दा शुकर करना ऐं, गी के प्रभु यीशु च थुआड़े विश्वास दी चर्चा सारी दुनिया च उआ करदी ऐ 9परमेसर जेसदी सेवा आंऊँ अपनी पूरी आत्मा कन्ने ओदे पुत्तर दा शोभ समाचार प्रचार करने दे बारै च करना ऐं, उवै मेरा गवाह ऐ, के आंऊँ तुसेंगी अपने प्रार्थना च केस चाली लगातार याद करदा रौना ऐं 10ते लगातार अपनी प्रार्थनाए च अर्ज करना ऐं, के किसे बी चाली थुआड़े कोल औने दा मेरा सफ़र परमेसर दी मरजी कन्ने कामजाब ऊऐ 11किके आंऊँ थुआड़े कन्ने मिलने दी इच्छया करना ऐं, गी के आंऊँ तुसेंगी कोई आत्मिक वरदान दियां जेस कन्ने तोस विश्वास च मजबूत ओई जाओ; 12मतबल ए, के आंऊँ थुआड़े बेच आईयै थुआड़े कन्ने ओस विश्वास थमां जेड़ा मेरे च, ते थुआड़े चै, एक दुए कोलां दलेरी पां। 13ए मेरे विश्वासी प्राओ, आंऊँ चांना के तोस ए जानो के मैं बार-बार थुआड़े कोल औना सोचया, के जियां मिगी गैर यहूदी च फल मिलया, इयां गै थुआड़े च बी मिलै, लेकन ऊन तकर रुका दा रिया। 14आंऊँ यूनानियें ते दुई पाषें आलें दा, ते सुलझें दे ते बिना सुलझें लोकें दा कर्जदार आं। 15एसकरी, आंऊँ तुसेंगी बी जेड़े रोम शैर च रौंदे ओ, शोभ समाचार सुनाने लेई अपने मन कोलां त्यार आं।
तर्मी विश्वास कन्ने जीग
16किके आंऊँ शोभ समाचार सनानें लेई शरमिन्दा नेई ओंदा, एस लेई के यीशु मसीह दा शोभ समाचार अर एक विश्वास करने आलें आसतै, पैलैं तां यहूदी, ते पी यूनानी दे लेई, मुक्ति आसतै परमेसर दी शक्ति ऐ। 17किके सुसमचारें च परमेसर दी तार्मिकता विश्वास क्न्ने ते बश्वास लेई प्रकट ओंदी ऐ; जियां पवित्र शास्त्र च लिखे दा ऐ, “तरमी मनुक्ख विश्वास कन्ने जिन्दा रौग।”
तार्मिकता नेई ओनें उपर परमेसर दा गुस्सा
18परमेसर दा गुस्सा तां उनै लोकें दी सारी अपक्ति ते अतर्म उपर सोर्ग चा परकट ओंदा ऐ, जेड़े सच्च गी अतर्म कन्ने दबाई रखदे न। 19तां करी के परमेसर दे बारै च ज्ञान उन्दे मने च परकट ऐ, किके परमेसर ने उन्दे उपर परकट कित्ता ऐ। 20किके परमेसर दे अन दिखे गोण, मतलब मेशा दी शक्ति ते ओदा अपना सभाह, दुनिया गी बनाने दे बेलै कोलां ओदे कम्में दे जरीयै दिखने च ओदे न, तां करी उन्दे कोल कोई बहाना नेई। 21एस कारन के परमेसर गी जानने उपर बी उनै परमेसर दे काबल बड़ाई ते शुकर नेई कित्ता, सगुआं गलत वचार करन लगे, इत्थैं तकर के उन्दा निर्बुद्धि मन न्हेरा ओई गीया। 22ओ अपने आप गी बुद्धिमान आखीयै मुर्ख बनी गै, 23ते उनै नां मरने आले परमेसर दी मैमा गी नाश ओनें आले मनुक्ख, पैंछीयें, चौंऊ खुरें आले, ते पूञाँ चलने आले जिबें गी मूरत आला लेखा बदली दित्ता।
24एसकरी परमेसर ने उनेंगी उन्दे मन दी इच्छें दे मताबक अनैतिक कम करन लेई छुड़ी दिता, के ओ अप्पुं बिचें बुरे कम्में कन्ने अपनी जिंदु दा बे आदर करन। 25किके उनै परमेसर दी सच्चाई गी बदलीयै चुठे च बदली दित्ता, ते सृष्टि दी अराधना ते सेवा कित्ती, नां के ओस सृष्टिकर्त्ता दी जेड़ा मेशा तन्न ऐ, आमीन।
26एसकरी परमेसर ने उनेंगी नीच खुआशें दे अथ्थ बेच छुड़ी दित्ता; इत्थैं तकर के उन्दी जनांनीयें बी सेई सभाह दे वर्ताओ गी ओसदे बेच जेड़ा सेई कम करने दे खलाफ ऐ, बदली दित्ता। 27इयां गै मडदें बी जनांनीयें दे कन्ने सेई कम दा वर्ताओ छुड़ीयै अप्पुं चें मस्त ओईयै मुकान लगे, ते मडदें, मडदें दे कन्ने गलत कम करियै अपने ओस गलत कम दी सेई सजा मिली।
28जेलै उनै परमेसर गी जानना नेई चाया, एसकरी परमेसर ने बी उनेंगी उन्दे नीच मन दे मताबक छुड़ी दिता, के ओ पैड़े कम करन, 29ओ अर चाली दी अतार्मिकता, दुष्टता, ते लालच, बैर वरोध कन्ने परोई गै, ते सारी एर्षा, अत्या, चगड़े, ते छल, ते पैड़ी अरक्तें कन्ने परी गै, ओ चुगली करने आले, 30गपाँ मारने आले, निंदया करने आले, परमेसर कन्ने नफरत करने आले, अप्पुं लड़ाई लेने आले, कमंड करने आले, मानी, पैड़े-पैड़े कम्में दी जोयनां बनानें आले, मा-प्यों दा उक्म नेई मनने आले, 31बेबकूफ, विश्वास त्रोड़ने आले, प्यार ते दया कोलां दूर न, ते बेदन नेई करने आले ओई गै। 32ओ तां परमेसर दी ए विधि जांनदे हे के ऐसे-ऐसे कम करने आले मौत दी सजा दे काबल न, तां बी पी ओ अप्पुं गै ऐसे कम करदे न, लेकन करने आलें उपर बी खोश ओदे न।
Obecnie wybrane:
रोमियो 1: DOG
Podkreślenie
Kopiuj
Porównaj
Udostępnij
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
This work is licensed under Creative Commons Attribution-ShareAlike 4.0 License.
