यूहन्ना 18

बगीचे च यीशु गी पडकाया जाना

1“यीशु ए गल्लां बोलियै अपने चेलें कन्ने किद्रोन नाले दे ओस पार चली गीया। उत्थें एक बाग हा, जेदे च ओ ते ओदे चेलें गै। 2ते उसी पड़काने आला यहूदा इस्करियोती बी ओस जगा गी जानदा हा; किके यीशु अपने चेलें कन्ने उत्थें जन्दा रौंदा हा। 3ओस बेलै यहूदा इस्करियोती रोमी सरकार दे सपाईयें दे एक जथे गी, ते प्रधान याजकें ते फरीसियें त्र्फुं मन्दर दे पैरेदारें गी, लालटैनें ते मशालें ते थ्यारें गी लेईयै उत्थें आया। 4ओसलै यीशु, उनै सारीयें गल्लें गी जेड़ीयां ओदे उपर बीतनें आलियां हां, जांनियै, निकलया, ते उनेंगी आखन लगया, तो कुसी तुपदे ओ? 5उनै उसी जबाब दिता, यीशु नासरी गी। ओनें उनेंगी आखया, ओ आऊँ ऐं।” ते ओदा पड़काने आला यहूदा इस्करियोती बी उन्दे कन्ने खडोते दा हा। 6ओदे ए गल्ल आखदे गै, “आऊँ आं” ओ पिछें गी ओईयै जमीन उपर डिगी पे। 7ते ओसने पी उनेंगी पूछया, “तोस कुसी तुपदे ओ।” ओ बोले, “यीशु नासरी गी।” 8यीशु ने जबाब दिता, “आऊँ तां तुसेंगी बोली चुके दा ऐं के आऊँ आं, जेकर जे मिगी तुपदे ओ तां बाकी आलें गी जान दियो।” 9ए एस लेई ओया, के ओ वचन पूरा उवै, जेड़ा ओनें आखे दा हा, “जिनेंगी तो मिगी दिता, उन्देचा मैं एक गी बी नेई गुआया। 10ते शमौन पतरस ने तलवार, जेड़ी ओदे कोल ही, खिची ते महायाजक दे दास उपर चलाईयै, ओदा सजा कन कटी दिता, ओस दास दा नां मलखुस हा। 11ओस बेलै यीशु ने पतरस गी आखया, अपनी तलवार मियान च रख। जेड़ा कटोरा पिता ने मिगी दिता ऐ, के आऊँ उसी नेई पीयां?”

हन्ना दे अगें यीशु

12ओस बेलै सपाईयें ते उन्दे सूबेदार ते यहूदीयें दे पैरेदारें यीशु गी पकड़ीयै बन्नी लेया, 13ते पैलैं उसी हन्ना दे कोल लेई गै, किके ओ ओस साल दे महायाजक कैफा दा सोरा हा। 14ए उवै कैफा हा, जेनें यहूदीयें गी सलाह दिती ही के साडे़ लोकें लेई एक मनुक्ख दा मरना अच्छा ऐ।

पतरस दा यीशु गी पंछानने लेई एनकार

15शमौन पतरस ते एक ओर चेला बी यीशु दे पिछें आई गीया। ए चेला महायाजक दे जान-पंछान दा हा, ते एस लेई ओ यीशु कन्ने महायाजक दे बेड़े गीया। 16लेकन पतरस बाअर दारवाजे च खडोते दा रिया, ओस बेलै ओ दुवा चेला जेड़ा महायाजक दे जान-पंछान दा हा, बार निकलया, ते गेटे उपर खडोती दी कुड़ी गी बोलिऐ, पतरस गी अदंर लेई आया। 17ते ओ दासी जेड़ी गेटे आली ही, पतरस गी आखया, “के तू बी एस मनुक्ख दे चेलें बिचा ऐं?” ओनें आखया, “आऊँ नेई आं।” 18दास ते सरकारी मानु ठण्ड दे कारन बलदे कोलें दी अग्ग तपा दे हे, ते पतरस बी उन्दे बेच खडोते दा हा खलोईए अग्ग सेका दे हे, ते पतरस बी उन्दे च खड़ोते दा हा।

महायाजक दे अगें यीशु

19ओसलै महायाजक ने यीशु कन्ने ओदे चेलें दे बारै च ते ओसदी शिखया दे बारै च सुआल जबाब कित्ते। 20यीशु ने जबाब दित्ता, “मैं जगत दे लोकें कन्ने खुलीयै गल्लां कितीयाँ, मैं प्रार्थनाकार ते मंदर च जिथें सारे यहूदी किट्ठे ओदे हे, मेशा उनेंगी शिक्षा दिती ते गोप्त च केछ बी नेई आखया। 21तू मिगी कि पूछना ऐं? सुनने आलें कोलां पोछ के मैं उनेंगी के आखया। देख ओ जांनदे न; के मैं के-के आखया। 22ते जेलै ओनें ए आखया, ते कोल खडोते दे सपाईयें बिचा एक ने यीशु गी चंढ मारीयै आखया, के तू महायाजक गी एस चाली जबाब दिना ऐ?” 23यीशु ने उसी जबाब दिता, “जेकर मैं बुरा बोलया, तां ओस बराई दी गवाई दे; लेकन जेकर पला आखया, तां मिगी कि मारना ऐं?” 24हन्ना ने उसी बजे दे गै कैफा महायाजक दे कोल भेजी दिता।

पतरस दा यीशु गी पंछानने लेई दवारा एनकार

25शमौन पतरस खडोते दे अग्ग सेका दा हा। ओसलै उनै उसी आखया, “के तुं बी ओदे चेलां बिचा एक नेई ऐं? ओनें मना करियै आखया, आऊँ नेई आं। 26महायाजक दे दासें बिचा एक, जेड़ा ओस मनुक्ख दा रिश्तेदार हा, जेसदा कन पतरस ने कटी ओड़या हा, बोलया, के मैं तुगी बाग च ओदे कन्ने नेई दिखया हा?” 27पतरस पी मुकरी गीया, ते फोरन कुकड ने बांग दिती।

यीशु गी पिलातुस दे अगें आन्यां जाना

28ते ओ यीशु गी कैफा दे कोलां रोमी राजपाल दे कीले च लेई गै, ते सबेरे दा बेला हा, लेकन ओ अप्पुं कीले दे अंदर नेई गै तां जे अशोद्ध नेई ओई जान, लेकन फसह दी रुट्टी खाई सकै। 29ओया बेलै पिलातुस उन्दे कोल बार निकली आया, ते आखया, “तोस एस मनुक्ख उपर केस गल्ल दा दोष लांदे ओ? 30उनै उसी जबाब दिता, जेकर ए गलत कम करने आला नेई ओंदा हा, तां अस उसी तेरे अथ्थ च नेई सौंपदे। 31पिलातुस ने उनेंगी आखया, तोस गै इसी लेईयै अपने कनून दे मताबक एदा न्याय करो। यहूदीयें उसी आखया, असेंगी अख्त्यार नेई के किसे दा जान लेचै।” 32ए एस लेई ओया के यीशु दा वचन पूरा उवै जेड़ा ओसने ए दसदे ओई बोलया हा के ओसदी मौत कियां ओग।

33ते पिलातुस ने पी कीले दे अन्दर गीया ते यीशु गी बलाईयै उसी पूछया, “के तू यहूदीयें दा राजा ऐं?” 34यीशु ने जबाब दिता, “के तू ए गल्ल अपने थमां आखना ऐ जां दुऐं मेरे बारै च तेरे कन्ने आखया ऐ?” 35पिलातुस ने जबाब दिता, “के आऊँ यहूदी यै? तेरी गै जाती ते प्रधान याजकें तुगी मेरे अथ्थ च सोंपे दा ऐ। तो के कित्ता ऐ?” 36यीशु ने जबाब दिता, “मेरा राज एस दुनिया दा नेई। जेकर मेरा राज एस दुनिया दा ओंदा, ते मेरे सेवक लडदे के आऊँ यहूदीयें दे अथ्थ च सोंपया नेई जंदा लेकन मेरा राज इत्थूं दा नेई 37लेकन पिलातुस ने उसी आखया, ते के तू राजा ऐ? यीशु ने जबाब दिता, तू आखा नां ऐ के आऊँ राजा ऐ; मैं एस लेई जमया ते दुनिया च आया ऐं के सच दी गवाही दियां। जेड़ा कोई सच दा ऐ, ओ मेरी बाज सुनदा ऐ।”

यीशु जां बरअब्बा

38पिलातुस ने उसी आखया, “सच के ऐ?” ते ए बोलियै ओ पी यहूदीयें कोलां चली गीया ते उनेंगी आखया, “आऊँ तां ओदे च कोई दोष नेई दिखदा। 39पर थूआडी ए रीति ऐ, के फसह दे त्यार च आऊँ थुआड़े लेई एक मनुक्ख गी छुड़ी दियां। ते के तोस चांदे ओ के आऊँ थुआड़े लेई यहूदीयें दे राजा गी छुड़ी ओड़ा?” 40ते उनै पी करलाईयै आखया, “इसी नेई, लेकन साड़े लेई बरअब्बा गी छुड़ी दे।” ते बरअब्बा डाकू हा।

Obecnie wybrane:

यूहन्ना 18: DOG

Podkreślenie

Kopiuj

Porównaj

Udostępnij