यूहन्ना 14

यीशु दा अपने चेलें गी तसली देना

1“थुआड़ा मन परेशान नेई उवै, तोस परमेसर उपर बश्वास करदे ओ मेरे उपर बी बश्वास करो। 2मेरे पिता दे कर रौने लेई बड़ीयां जगां न, जेकर नेई ओदीयां हां, तां आऊँ तुसेंगी आखी ओड़दा हा, किके आऊँ थुआड़े लेई जगा त्यार करने गी जा करना ऐं। 3ते जेकर आऊँ जाईयै थुआड़े लेई जगा त्यार करा, तां पी आईयै तुसेंगी अपने उत्थें लेई जागा, के जिथें आऊँ रवां, उत्थें तोस बी रवो।”

रसता, अकिकत ते जिंदड़ी

4ते जिथें आऊँ जा नां ऐं तोस उत्थें दा रस्ता जांनदे ओ। 5थोमा ने उसी आखया, “ए प्रभु, अस नेई जांनदे के तू कुत्थें गी जा नां ऐं; तां ओ रस्ता कियां जानचै?” 6यीशु ने उसी आखया, “रस्ता ते सच्च ते जिंदड़ी आऊँ आं; मेरे बगैर कोई पिता दे कोल नेई आई सकदा। 7जेकर तुसें मिगी जां नां ओंदा, तां मेरे पिता गी बी जांनदे; ते ऊन उसी जांनदे ओ, ते उसी दिखा दा बी ऐ।”

8फिलिप्पुस ने उसी आखया, “ए प्रभु, असेंगी पिता दसी ओड़; ते इयै साडे़ लेई काफी ऐ।” 9यीशु ने उसी आखया, “ए फिलिप्पुस, आऊँ इन्नें दिनें थमां थुआड़े कन्ने आं, ते के तू मिगी नेई जानदा? जेस ने मिगी दिखया ऐ, ओनें पिता गी दिखया ऐ; तू कि आखना ऐ, के असेंगी पिता दस।” 10के तू बश्वास नेई करदा के आऊँ पिता च आं ते पिता मेरे च ऐ? ए गल्लां जेड़ीयां आऊँ तुसेंगी आखा नां ऐं, अपने थमां नेई आखा नां, लेकन पिता मेरे च रेईयै अपने कम करदा ऐ। 11मेरे उपर गै बश्वास करो, के आऊँ पिता च ऐं, ते पिता मेरे च ऐ; नेई तां मेरे कम्में दे कारन बश्वास करो।

यीशु दे नां कन्ने प्रार्थना

12“आऊँ तुसेंगी सच-सच आखना ऐं, के जेड़ा मेरे उपर बश्वास करदा ऐ, ए कम जेड़े आऊँ करना ऐं ओ बी करग, मतलब इन्दे कोलां बी बड्डे कम्म करग, किके आऊँ पिता कोल जा नां ऐं। 13ते जे केछ तोस मेरे नां च मगंगे, उवै आऊँ करगा के पुत्तर थमां पिता दी मैमा उवै। 14जेकर तोस मेरे कोलां मेरे नां च केछ मगंगे, तां आऊँ उसी करगा।”

पवित्र आत्मा लेई बायदा

15“जेकर तोस मेरे कन्ने प्यार करदे ओ, तां मेरे उक्में गी मनगे। 16ते आऊँ पिता कन्ने अर्ज करगा, ते ओ तुसेंगी एक ओर मददगार देग, के ओ मेशा थुआड़े कन्ने रौग। 17मतलब सच्च दा आत्मा, जिसी दुनिया कबूल नेई करी सकदी, किके ओ नां उसी दिखदी ऐ ते नां उसी जानदी ऐ; तोस उसी जांनदे ओ, किके ओ थुआड़े कन्ने रौंदा ऐ, ते ओ थुआड़े च ओग।”

18“आऊँ तुसेंगी अनाथ नेई छुड़गा, आऊँ थुआड़े कोल बापस औगा। 19ते थुड़ा चेर रेई गीया ऐ के दुनिया मिगी नेई दिखग, लेकन तोस मिगी दिखगे; एसकरी के आऊँ जिंदा ऐं, ते तोस बी जिंदे रौगे। 20ओस देन तोस जानगे के आऊँ पिता च आं, ते पिता मेरे च, ते आऊँ थुआड़े च आं। 21जेदे कोल मेरे उक्म न ओ उनेंगी मनदा ऐ, उवै मेरे कन्ने प्यार करदे न; ते जेड़ा मेरे कन्ने प्यार करदा ऐ, ओस कन्ने मेरा पिता प्यार करग, ते आऊँ ओस कन्ने प्यार करगा, ते अपने आप गी ओस उपर परकट करगा। 22यहूदा जेड़ा इस्करियोती नेई हा, उसी आखया, ए प्रभु, ऐसा के ओया के तू अपने आप गी साड़े उपर परकट करना चांना ऐं, ते दुनिया उपर नेई?” 23यीशु ने उसी जबाब दिता, “जेकर कोई मेरे कन्ने प्यार करै तां ओ मेरे वचन दा पालन करग, ते मेरा पिता ओदे कन्ने प्यार करग, ते अस ओदे कोल औगे ते ओदे कन्ने वास करगे। 24जेड़ा मेरे कन्ने प्यार नेई करदा, ओ मेरे वचन नेई मनदा; ते जेड़ा वचन तोस सुनदे ओ, ओ मेरे नेई लेकन मेरे पिता दा ऐ, जेस ने मिगी भेजया ऐ। 25ए गल्लां मैं थुआड़े कन्ने रौंदै तुसेंगी बोलियां हां। 26लेकन मददगार मतलब पवित्र आत्मा जिसी पिता मेरे नाम च भेजग, ओ तुसेंगी सारीयां गल्लां सखाग, ते जे केछ मैं तुसेंगी बोला ऐ, ओ सब तुसेंगी याद कराग।”

यीशु दी शान्ति दा तोफा

27आऊँ तुसेंगी शान्ति देई जना ऐं, अपनी शान्ति तुसेंगी दिना ऐं; जियां दुनिया दिंदी ऐ, आऊँ उयां नेई दिंदा; थुआड़ा मन नेई कबरां ते नेई डरे। 28तुसें सुनया, के मैं तुसेंगी बोलया हा, आऊँ जना, ते थुआड़े कोल पी औगा। जेकर तोस मेरे कन्ने प्यार करदे ओ, तां एस गल्ल थमां खोश ओदे, के आऊँ पिता कोल जा नां ऐं, किके पिता मेरे कोलां बड़ा ऐ। 29ते मैं ऊन ए ओनें थमां पैलैं तुसेंगी आखी दिता ऐ, के जेलै ओ जाग, तां तोस बश्वास करो। 30ऊन थमां आऊँ थुआड़े कन्ने ओर बड़ीयां गल्लां नेई करगा, किके एस दुनिया दा सरदार ओंदा ऐ। मेरे उपर ओदा कोई आक्क नेई, 31लेकन ए एसकरी ओंदा ऐ के दुनियें गी पता लगे के आऊँ पिता कन्ने प्यार करना ऐं, ते जियां मेरे पिता ने मिगी उक्म दिता ऐ आऊँ उयांगै करना ऐं। उठो, ईथुं दा चलचे।

Obecnie wybrane:

यूहन्ना 14: DOG

Podkreślenie

Kopiuj

Porównaj

Udostępnij