1 थिस्सलुनीकियों 1
1
शोभकामनां
1ए पत्री पौलुस ते सिलवानुस ते तीमुथियुस थमां थिस्सलुनीके शैर दी कलीसिया दे नां ऐ, जेड़े परमेसर पिता ते प्रभु यीशु मसीह च न; क्रपा दे शान्ति तुसेंगी मिलदी रवै।
थिस्सलुनीकियों दी अच्छा मसाल
2अस अपनी प्रार्थना च तुसेंगी याद करनयां ते मेशा थुआड़े सारे दे बारै च परमेसर दा शुक्र करनयां न, 3ते अपने परमेसर ते पिता दे सामने थुआड़े विश्वास दे कम, ते प्यार दी मेंनत, ते साड़े प्रभु यीशु मसीह च आस दी स्बर गी लगातार याद करनयां न। 4ए मसीह प्राओ, परमेसर दे प्यारे लोको, अस जानयां के तोस परमेसर थमां ओसदे लोक ओनें आसतै चुने दे ओ। 5किके साड़ा शोभ समाचार जेड़ा यीशु मसीह दे बारै च ऐ थुआड़े कोल सेर्फ वचन च गै नेई बरना पवित्र आत्मा दी शक्ति च, ते मते पक्के विश्वास कन्ने पूजे दा ऐ; जियां तोस जांनदे ओ, के अस थुआड़े आसतै थुआड़े च कदें जिए बनी गेदे हे। 6तोस मते कलेश च, पवित्र आत्मा दी खुशी कन्ने वचन गी मनियै साड़े ते प्रभु जेई चाल चलना लगे। 7इत्थैं तकर के मकिदुनिया अते अखाया लाकें दे सारे वश्वासीयें आसतै तोस नमूना बने। 8किके थुआड़े इथुंआं दा नां सेर्फ मकिदुनिया ते अखाया लाकें च प्रभु दा वचन सनाया गीया, लेकन थुआड़े विश्वास दा जेड़ा परमेसर उपर ऐ, अर जगा ऐसी चर्चा फैली गेदी ऐ, के असैं आखन दी लोड़ गै नेई। 9किके ओ अप्पुं गै साड़े बारै च सनांदे न के थुआड़े कोल साड़ा औना कियां उआ; ते तोस कियां मूरतीयें थमां पासे ओईयै परमेसर दी बखी फिरे तां जे जिन्दे ते सच्चे परमेसर दी सेवा करो, 10ते ओसदे पुत्तर दे सोर्ग थमां बापस औने दा एन्तजार करदे रवो जिसी परमेसर ने मरें दे बिचा जिंदा कित्ता, मतलब यीशु गी, जेड़ा असेंगी औने आले प्रकोप थमां बचांदा ऐ।
Obecnie wybrane:
1 थिस्सलुनीकियों 1: DOG
Podkreślenie
Kopiuj
Porównaj
Udostępnij
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
This work is licensed under Creative Commons Attribution-ShareAlike 4.0 License.