Zaburi 29
29
Sauti ya Mungu katika zoruba
1Zaburi ya Daudi.
Mumupe Yawe heshima, enyi viumbe vya mbingu,
museme kwamba Yawe ni mutukufu na mwenye nguvu. #Ang. Zab 96.7-9
2Museme kwamba jina la Yawe ni tukufu.
Mumwabudu katika pahali pake patakatifu.
3Sauti ya Yawe inasikilika juu ya maji;
Mungu mutukufu anapiga radi,
sauti ya Yawe inasikilika juu ya bahari!
4Sauti ya Yawe ni yenye nguvu,
sauti ya Yawe ni yenye mamlaka.
5Sauti ya Yawe inavunja miti mikubwa ya mierezi;
Yawe anavunja mierezi ya Lebanoni.
6Anarusha milima ya Lebanoni kama mwana-ngombe,
milima ya Hermoni kama mwana-mbogo.
7Sauti ya Yawe inatokeza ndimi za moto.
8Sauti ya Yawe inatetemesha jangwa,
Yawe anatetemesha jangwa la Kadesi.
9Sauti ya Yawe inatikisa mivule,
inaongoa majani ya miti ya pori,
na wote wanaokuwa katika hekalu lake wanasema:
“Utukufu kwa Mungu!”
10Yawe ameikaa juu ya mafuriko ya maji;
Yawe ni mufalme anayetawala milele.
11Yawe awape watu wake nguvu!
Yawe awabariki watu wake kwa amani!
Obecnie wybrane:
Zaburi 29: SWC02
Podkreślenie
Kopiuj
Porównaj
Udostępnij
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
Bible in Swahili Congo © Bible Society of the Democratic Republic of Congo (DRC), 2002.