HOSEA 1
1
1 #
2Raj. 14:23-29, 15:1-7, 15:32-38, 16:1-20, 18:1–20:21; 2Taw. 26:1-23, 27:1-8, 28:1-27, 29:1–32:33 Nyoe kheueh peusan nyang geubri lé Tuhan ubak Hosea bin Beeri bak masa keurajeuen Yehuda meuturot-turot geupeurintah lé Raja Uzia, Yotam, Ahas, dan Hizkia, dan keurajeuen Israel geupeurintah lé Yerobeam bin Yoas.
Peurumoh dan aneuëk-aneuëk Hosea
2Watée Tuhan phon-phon geumeufeureuman ubak bansa Israel deungon peurantaraan ulôn, Tuhan geupeugah, “Hosea, tameukawen kheueh deungon sidroe ureuëng nyang galak bak buet meumukah, dan aneuëk-aneuëk gata jeuet cit lagée jih nyan. Umat Ulôn saban lagée peurumoh gata nyan; awaknyan hana seutia ubak Ulôn, dan jitinggai Ulôn.”
3Dan laju ulôn meukawen deungon sidroe inong nyang nan jih Gomer bin Diblaim. Óh lheueh nyan lahé kheueh aneuëk kamoe nyang phon, sidroe aneuëk agam. 4#2Raj. 10:11 Tuhan meufeureuman ubak Ulôn, “Taboh nan aneuëk gata nyan Yizreel sabab hana treb le ulôn kuhuköm raja Israel sabab Yehu indatu jihnyan ka jipoh maté ureuëng laén, di Yizreel#Yizreel: Nibak bandanyan Yehu geupoh maté raja Israel dan banmandum keuluwarga raja nyan. Lheueh nyan Yehu jeuet keu raja phon nibak dinasti nyang barô (kalon 2Raj. 9–10). Lam basa Ibrani Yizreel makna jih: Po teu Allah geutabu. Deungon nyan tutoe haba nyan teutunyok ubak meukeumang dan makmu. Ulôn ku peutamat peumeurintahan keuturonan Yehu.#peumeurintahan keuturonan Yehu: atawa Keurajeuen Israel. 5Bak masa nyan di Pantôn Yizreel Ulôn kupeuhanco teunaga tantra Israel.”
6Óh lheuehnyan peurumoh lôn nyan jipeulahé aneuëk kamoe nyang keudua, aneuëk nyang lahé nyan na kheueh inong. Tuhan meufeureuman ubak ulôn, “He Hosea, taboh nan aneuëk gata nyan ‘Nyang Hana Geugaséh’, sabab Ulôn hana le Lôn gaséh ubak bansa Israel, dan meubacutpi hana Lôn peuamphon awaknyan. 7Teuma bansa Yehuda Lôn gaséh. Ulôn, Tuhan, Po teu Allah awaknyan, Lôn peuseulamat awaknyan, teuma bukon deungon muprang, meunan cit bukon deungon peudeueng atawa aneuk panah atawa guda meusajan ngon nyang giduek ateueh guda nyan.”
8Óh ka lheueh aneuëk kamoe nyang keudua nyan teupeucre jimom, peurumoh ulôn nyan laju raya pluet lom dan jipeulahé aneuëk agam. 9Tuhan meufeureuman ubak ulôn, “Taboh nan aneuëk gata nyan, ‘Bukon Umat Lôn’, sabab ureuëng Israel bukon umat Lôn, dan Ulôn bukon Allah awaknyan.”
Keuadaan Israel teuma geupeupuléh lom
10 #
Rm. 9:26
Bansa Israel le jih lagée anoe lam laôt, sampoe hana sanggob teusukat atawa teu itong. Jinoenyoe Allah geupeugah ubak awaknyan, “Gata bukon umat Ulôn,” teuma trok saát jih Gobnyan geupeugah ubak awaknyan, “Ulôn kheueh Allah nyang udeb dan gata na kheueh aneuëk-aneuëk Ulôn!” 11Bansa Yehuda dan bansa Israel geupeusaboh lom. Awaknyan jiangkat sidroe peumimpén, dan awaknyan meukeumang dan makmu lom di nanggroe awaknyan keudroe. Keubit, uroe Yizreel#Yizreel: Lam basa Ibrani Yizreel makna jih: Po teu Allah geutabu. Jadi, tutoe nyan teutunyok ubak meukeumang dan makmu. jeuet keu uroe nyang raya!
Obecnie wybrane:
HOSEA 1: LAIACE
Podkreślenie
Kopiuj
Porównaj
Udostępnij
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
Old and New Testament in Today's Aceh Language @ LAI, 1997.